يوميات ام سعدون

ابو سعدون متغير

صاحبتنة ام سعدون صارت وياها سالفة حيرتهة

فد يوم دخل ابو سعدون راجع من شغله تلكته المرة

🧕🏻 الله يساعدك

👴ويساعدج

🧕🏻خيرك شو جنك مو على بعضك

👴 لا والله ماكو شي بس شويه تعبان ليضل بالج ماكو شي

🧕🏻چاااا خوش سهلة اذا هيج هسة تسبح وترتاح وتتعشة
ويروح التعب منك

؟؟؟ شماله الزلمة صافن ولا چنه ويانه لابد ما صاير شي
اكول ابو سعدون خيرك شو صافن شنو الي مضيج خلگك

👴 مو كتلج ماكو شي

🧕🏻مو اشوفنك اصفن

👴والله يا مرة اشوف قدرة رب العالمين سبحان الله
المرة شكد تعبانه اكول ام سعدون الله يساعدكم على التعب الي شوفونة

🧕🏻 ؟؟؟؟؟؟

شنو الجديد هاذ مسيار الحياة شغل وطبخ واولاد وتربيه ورجال هاي حياتنة شعجب شو اليوم ذاكرني بالتعب توك دريت

👴اي والله يا مرة اليوم يالله دريت

( ومرت الايام والرجال ما يقرب المرته متغير الزلمة مو على طبيعته وام سعدون احتارت بي تلبس تكشخ تجي يمة وهوة ابد احجارة حيرهة زلمتهة مو على وضعه الطبيعي وفد يوم سيرت يمهة وحدة من حبايبهة مرت اخو ابو سعدون )

- شونج يدادة شخبارج

🧕🏻 برحمة والحمد لله انتو شونكم

- شبيج ام سعدون شو چنج مو على بعضج

🧕🏻 اريد اصارحج واخذ رأيج ونتي خيتي وسري يمج وسرج يمي
دادة ابو سعدون صارله فترة مو تمام يعني شكلج أ أ أ يعني مو ذاك الاولي

- شون يعني متغير قصدج شبي خاف تعبان من الشغل ويعصب عليكم انتي هم سكتي من يعصب

🧕🏻لا دادة مو هيج اني قصدي يعني شون افهمج دادة هوة متغير من غير ناحية يعني اني اعرف طبعه شكلج خل اطكهة فد مرة متغير بالنومة مالته صاير ميكربلي ومن اتعدل وتزوك الة ولا جني يدير راسه وينااام

- هههههه وج دادة ههههه خاف حنيتي يولي ما بيهة شي كوليله خل نسهر لا تنام من وكت

🧕🏻لااااا مو هاذ قصدي قابل انة زغيرونة ودور بس اشوف الرجال مو ذاك الاولي وين جان يصبر يومين وثلاث وعاد هوة اذا كلش وبتعد اسبوع هاي عودك هوة مريض بس شو صار فترة مو بحالي انة مو قصدي اريدن منه شي بس اخاف الزلمة تغير علي ومو بحاجتي

- والله شكلج يا ام سعدون شو فريتي راسي قابل شبي وچ معزاية خاف الرجال شايف شوفه برة لو لافت علي وحدة متخاف الله

🧕🏻 لا لا دادة لتخليهة براسي اصلاً يطلع الصبح الشغله يرجع العصر وهل مكابلنه وكاعد ولا متغير ولا شي نفس اطباعه وما كو شي يبين عدة وحيدة بس من ناحية الفراش بعيد عني وانة رجلي وعرفه ما يستغني يدادة مدري شجرالهة