يوميات ام سعدون

الجزء الثاني 💥💥🔥🔥

اسفة حبايب تأخرت عليكم
رجعت وياكم والجزء الثاني من احتفاليه ام سعدون 💋💋

بعد ما خلصت صعادية ابو سعدون واجة الدور على صاحبتنا تشعل صعاديتها فااا.........

🧕🏻 هوب هوب هوبج دادة هوبج

✍️هااا ام سعدون خيرج

🧕🏻 شو ميلي ليغاد وطيني القلم انه اكمل شلعتي كلبي
فوك ما فوتي كومة مشاهد وما كتبتيهن وبعد هم تردين تكملين بلساني
جااا انه خرسة وماكدر احجي

✍️ عززززاااا هاااي اني ام سعدون
ليش حبيبه جنج ما راضيه
غير انتي وزلمتج يرادلكم دفتر اكتب مواقف
مال يوم واحد بس
ادري ماعدي شغل وعمل
عاد كتبت بس المهمات
واهم حدث بهاي المناسبه

🧕🏻 اي دميلي ميلي خلني انه احجي الموقف
عاد اكدر اوصل مضلوميتي
مو مثلج مطلعتة للناس الملاك الطاهر
وانه المرة الشريرة
وضايع حقي لا من خذيته من الزلمة
ولا الناس ناصفتني

✍️ هههههههه لا والله الناس تحبج والمتابعات متشوقات المواقفج بس شويه منكدر نظلم الزلمة كل الظلم هم شويه نطي حق

🧕🏻 يااا حق خية يااا حق همة غير الناس كاعد يشوفون الموقف المضحك
وما يدرون بيه اشبن ونطفي
اوج وشتعل وتعال يا من يطفيني

✍️ هههه الج مطلق الحريه بالتعبير عن رأيج
وحجي الاحداث الي ترديها

🧕🏻 مثلا احنه بالسطح سألنة الزلمة الساعه بيش
كلناله الساعه تسعه ونص
خية هوة تسودن شلون راح تصير الساعه عشرة وانه بعدني ما متعشي
وهااااا عودك الكباب والتكة عالجمر وسعدون واكف يشوي وهوة تهرفل الزلمة تصير بالعشرة وما متعشي شلوووون
وحايرين نقنع بي
يابه الكعده حلوة والسوالف دافية

هااا وموقف الثاني

كاعدين دادة وهوة كل شويه هااا ننزل
هااا ما كافي
هااا خلصينا عشة شمنتضرين
هاااا خلص الكيك وبردنا نريد ننزل

شعل كلوبنا خية
اخر شي كتله
شوف الوادم تطي كوم فلوس وتجازف وتغامر برواحتها
وتروح للغابات للكهوف للجبال وحتى للصحراء يرحون ويسوون تخييم ويستمتعون بالنار والدفو والمة
وحنه حطبنا ونارنا بالسطح وما راضي
شتريد انته شتريد
هوة بس درج وننزله ما تكلي ماخذنا بطيارة خما طيارة

اووووووو كوم كوم مواقف بهذا اليوم
ولي ابتله بينا حويدر عمت عيني
خية غير لعب طوبه بالولد

✍️ ميخالف حبيبه بس هم ميصير يطلع بشع ومو خوش ادمي حشاه
وتجين للصدك هههههههههه صح انتي الموقف تحجي ومحروك كلبج ومتاذيه
بس من تجين تراجعين المواقف تلكي مضحك
هههههههه فلذلك معظم الي يقرون يشوفو الزلمة ما غلطان ههههه

المهم هسة انتي بعد قررتي تحجين التكمله مال الجزء الثاني

فهذا القلم كدامج ✍️ كتبي الموقف عن لسانج
واني اتركلج الساحة
اودعناكم يا جماعه خما قصرت وياكم فاعتذر ههههههه