بعد ما صليت العشاء فتحت الواتس لقيت رسالة من مدثر، دردشت معاهو، قال لي انا ما حاس نفسي كويس من الصباح مصدع و جاتني حمى، هسي بتكلم معاك و انا راقد ما بقدر اتحرك، قلت ليهو سلامتك ياخ، ناس بيتكم وين؟قال لي كلهم سافروا البلد عندنا بكى، قلت ليهو البركة فيكم، قال لي البركة في الجميع، قال لي هسي لو كان متزوجين ما كان قعدت براي 🥺قلت ليهو قربنا خلاص هانت هانت، قال لي احتمال كبير بكرا ما اجي الجامعة، قلت ليهو للدرجة دي تعبان قال لي اي والله، قلت ليهو ربنا يشفيك، و قفلنا على كدا طول الليل مقلقة هسي هو براهو ما معاهو زول و عيان كمان، يا ريت لو اقدر اساعدو او اكون جنبو لكن بأي حق 💔الصباح مشيت الجامعة لقيت شيماء سلمت عليها و اتونست معاها، قالت لي شايفاك الفترة دي متغيرة، و لقائاتكم انتي و مدثر كترة بس ما يكون في حاجة بيناتكم؟ ما عرفت اقول ليها شنو اكذب عليها ولا اقول الحقيقة، لمن شافتني ساكته قالت لي ،شوفي يا هيام ابعدي من مدثر دا لأنو زول ما كويس انا ما عارفة قال ليك شنو و خلاك ترتاحي ليهو و ترضى تقعدي معاهو انا صحبتك و بتهمني مصلحتك والله و بتمنى انك ما تكوني داسة مني حاجة، قلت ليها بصراحة يا شيماء مدثر طلب مني الزواج و قال ح يجي يوم الجمعة عشان يقابل هاشم، قالت لي شنووو 😱و ليه ما كلمتيني، متأكدة انو كذاب يا هيام والله كذاب، قلت ليها هو قال ح يجي يوم الجمعة يعنى اذا كان كذاب ح ينكشف يوم الجمعة زيادة على كدا هو ح يستفيد شنو لمن يقول لي جاي يوم الجمعة، قالت لي عموما انا حذرتك منو و اذا ما سمعتي كلامي ح اضطر اكلم هاشم، قلت ليها يعنى بتهدديني يا شيماء ما اتوقعت منك كدا، مشت و ما اشتغلت بي، جاتني يقين قالت شايفاكم من بعيد انتي و شيماء و شكلكم متناقشين سوا، قلت ليها كلمتها بموضوعي انا و مدثر،قالت لي و زعلت منك و حذرتك منو مش؟ قلت ليها اي، قالت لي حذرتك منها م كان تقولي ليها، رجعنا انا و هي بس شيماء م رجعت معانا، اول م وصلت اتصل علي مدثر، قال لي حبيبك عيان و انت م عندك نيه تزوريهو 🥺قلت ليهو والله م بقدر يا مدثر اصر علي شديد اني اجيهو في البيت بس انا رفضت زعل مني و قفل التلفون انا زاتي زعلت صليت و فطرت، هاشم ناداني قلت ياربي عايز مني شنو معقولة حسان يكون كلمو بعملتي امبارح 😱مشيت ليهو و كنت واقفة و باين علي الخوف، قال لر اقعدي مالك خايفة كدا عايزا آكلك انا 😂قلت ليهو طططيب، سكت و تاني بدا يسألني عن الجامعة و انا بجاوب على قدر السؤال، قال لي مالك ثقيلة كدا و ردك على قدر السؤال ياخ انا عايز اتونس مع اختي ،قلت ليهو ما ثقيلة ولا حاجة بس عشان ما حصل قعدت معاي و سألت عن البي و العلي كنت طول الوقت بتتأمر و بتتزهج فيني و بقيت ابكي 😭قال لي حقك علي والله عارف نفسي كنت ظالمك بس انتي كمان ما بتسمعي الكلام مش قلت ليك خليك بعيدة من يقين ،ما اشتغلتي بي و شايفك ماشه و جايه معاها والله لو ما شفت فيها شي كعب ما كان منعتك منها، انا اخوك يا هيام و بخاف عليك اكتر من نفسي لأني عارفك قدر شنو انتي بريئة و على نياتك و سهل الزول يلعب بيك، قلت ليهو يعنى قصدك انا غبية يا هشومي 🥺ضحك و قال لي هشومي دا منو كمان، قلت ليهو من الليلة ح اناديك هشومي بما انو ح نبدا صفحة جديد، قال لي طيب لكن اوعك تناديني في الشارع كدا 😂قلت ليهو حاضر،اتونسنا لمن شبعنا من الونسة حسيت و كأني اول مرة اعرف هاشم طلع حنين شديد و كتوم حنيتو دي ذكرتني بأبوي،لمن العصر آذن صليت و نمت و قبل ما اغرق في النوم تلفوني رنة المتصلة كانت يقين رديت عليها قالت لي تعاليني سررررعة ي هيام واقعة في مشكلة ألحقيني قلت ليها وين انتي قالت لي في بيت صحبتي هسي،ح ارسل ليك العنوان رسلتو لي و قالت لي ما تكلمي زول يا هيام بس ألحقيني 😭و قفلت الخط لبست عبايتي سرعة و راسي يودي و يجيب، قلت لهاشم شيماء عيانة و قالت عايزاني اجيها قال لي لكن الزمن اتأخر،بعد دا قلت ليهو لكن هي عيانة شديد و ماف زول معاها قال لي طيب ارح انا ح اوصلك، قلت دي شنو الورطة دي هسي اعمل شنو قلت احسن يوصلني و بعدين امشي من هناك اصلا بيت ناس شيماء كان في الشارع التالت قدمنا لحدي ما وصلت بيتهم، قلت ليهو امشي و لمن اقول جاية بتصل عليك قال لي كويس، خليتو مشى بيجاي و انا طوالي،جريت على المواصلات وصلت المكان الوصفتو لي يقين كان شقة في البداية اترددت و خفته قلت احسن اتصل بيها تجيني نازلة، اتصلت كتييير بس تلفونها مقفول، اتوكلت و دخلت جوا و انا الخوف ماسكني من ساسي لراسي
ما عرفت ادخل في،اي باب من الأبواب رجعة للرسالة بتاعتها ليقت مكتوب مرام حسن، عاينت في الأبواب و لقيت باب مكتوب فيه مرام حسن، ضرب الجرس مسافة ماف زول فتح، اخر مرة ضربتو الباب انفتح لكن ما شايفة زول شكلو كان مفتوح من البداية قريت المعوذتين و دخلت 😱😱😱😱
اقتباسات 💚:
أن يكون لديك عدو يصفعك في وجهك خير من ان يكون لديك صديق يطعنك في ظهرك، گن جاهزا لأي خيبة امل من أي شخص في اي وقت و زمان و دون اي سبب 🖤💔
يتبع......
