الصباح لمن صحيت كنت مصدعة شديد, صليت وحاولت اني اتذكر الحصل شنو امبارح, اها شويه شويه بديت اتذكر و اتذكرت اني رفعت يدي وضربت حسان كف 😭 يسرعة سرعة فتشت تلفوني و
اتصلت على حسان بس ما رد لي اتصلت قريب 10 مكالمة بس للأسف ما رد, بقيت حاسه يومي كلو بقى ناقص, بديت نضافة و انا شايلة معاي التلفون على امل انو حسان يرجع لي بس للآسف ما اتصل💔 قلت اتصل عليهو تاني ولا لا. بس هو لو كان حابب يتكلم معاي كان رد او رجع لي بمكالمة, مرة
اسبوع و اسبوعين و حسان ما اتصل علي ما عارفة ليه فرق معاي كتير, مرة الأيام, في يوم جيت راجعة لقيت غادة قاعدة مع امي, عرفتها انها جات عشان حاجة ,فعلا بعد ما مشت امي قالت لي تعالي اقعدي لي هنا عايزا اتكلم معاك قعدت و قلت ليها يمه في
شنو قالت لي انتي عارفة انو ماف زول دايم لزول في الدنيا دي, و انا الليلة معاك لكن ما معروف بكرا اكون وين. عشان كدا عايزا اطمئن عليك, عايزا اشوفك في بيتك, عايزا لمن افارق الدنيا دي افارقها و انا مرتاحة و مطمئنة عليك, قلت ليها يمه دا كلام شنو ما تقولي كدا تاني 😭قالت لي اصلا الحياة دي
كدا, و عمتك غادة جات و كلمتني انو مرة موسى الرشيد قالت عايزاك لولدها ,قلت ليها موسى الرشيد الواحد دا صاحب اكبر الشركات في السودان😱 قالت لي اي هو زاتو, ما اطمنت خالص, قلت لأمي طيب عمتو غادة دي لي ما حجزتو لبتها، يعنى حاجة غريبة كونها توافق و تجي تكلمناء قالت لي برضو بتها ح تعرس من الأسرة دي يعنى انتوا الإتنين ح تعرسوا اخوين. سكت و ما رديت قالت لي فكري كويس و ما تستعجلي في قرارك انا بتمنى مصلحتك و بس, في اليوم البعديهو لمن مشيت الجامعة حكيت لشيماء بموضوع العرس دا قالت لي
يا بت المحظوظة عارفة نفسك ح تعرسي منو ح تعرسي ولد موسى الرشيد من اغنى الأسر السودانية😍 قلت ليها بس انا ما مبسوطة و امي شكلو الموضوع عجبها، قالت لي طيب انتي ما مبسوطة ليه, قلت ليها ما عارفة بس حاسة اني ما مبسوطة؛ قالت لي الموضوع بتعلق بحسان؟ لمن قالت كدا قلبي عمل شح, كأنها قرت افكاري, قلت ليها كيف
يعنى ليهو علاقة بالموضوع حسان الدخلو شنو؟ قالت لي هيام ما تكابري و خلي غرورك دا لمرة وحده بس اعترفي بإنك بتحبي حسان. و الشي دا واضح و واضح شديد كمان, عشان كدا اعترفي ليهو قبل ما يفوت الأوان ,قلت ليها بس انا اتصلت عليهو كم مرة و ما رد علي😭 قالت لي معناها انتي
بتحبيهو, هزيت ليها براسي بمعنى نعم. ضحكت و قالت واحلاتي يا ناس حلوة لمن تخجلي, برضو حاولي تاني لحدي ما يرد عليك, بعديها رجعت البيت و لأول مرة لقيت اعمامي كلهم قاعدين, سلمت عليهم و نادوني عشان اقعد معاهم, عمي عبدالله دا اصعب واحد فيهم؛ قال لي امك كلمتك بالعريس
الجاك صح و الجماعة ديل طلبوك مننا و نحنا ما عندنا اي اعتراض و على ما اظن انتي زاتك ما عندك اعتراض, عمتو غادة قالت ليهو اي ما عندها اي اعتراض, بصراحة ما قدرت امسك دموعي, عارفاهم عايزين يتخلصوا مننا بأي طريقة,ديل ما اهل والله؛
اعمامي ديل ما حصل سألوا عننا ما حصل جوا شافونا عايزين شنو او ناقصنا شنو, طول عمرهم ما ادخلوا في حياتنا طيب هسي المحشرهم شنو متأكدة انهم همهم القروش و بس, و عمتو غادة
فترت و زهجت من قعادنا معاهم و انا زاتي زهجت منهم و من الحياة دي 💔رجعت الغرفة و قعدت ابكي بكيت كدا لمن صدعت, حاولت كتير في تلفون حسان عشان اعترف ليهو و اكلموا بالحاصل, بقيت كل يوم بحاول في تلفونو و بديني مغلق قلقت شديد, مرة اسبوع و تلفون حسان مغلق, اعمامي
خلاص اتخذوا قرارهم و وافقوا على الزواج و انا ما قدرت اعترض. اعترض ليه اصلا و انا ما عندي اب أو اخ عشان ألجأً ليهو اعترض ليه و انا ما عندي بيت او مصدر دخل يعيشنا انا و امي كدا كدا نحنا
عايشين في اكتاف الناس بغض النظر عن هم بحبونا ولا لا 💔المهم بقوا يجهزوا للخطوبتنا انا و يقين والبيت بقى زحمة و انا لحدي الآن ما شفت العريس,عم حسن جا راجع من السفر عشان كدا عمتو غادة سكنتنا معاهم في بيتهم التاني و بقت تعاملنا كويس
بس قدام عمو حسن ؛اما انا فيومي كلمو بقضيهو بكى 😭ابكي على شنو و اخلي شنو؟ كان اليوم يوم الأربعاء و الخطبة يوم الجمعة, بس فجأة قالوا حيقلبوهو عقد عديل, عرفت وقتها انو خلاص دي نهايتي و ماف خيار قدامي غير اني استسلم للأمر
الواقع,شيماء جاتني يوم الخميس و قالت لي جبت ليك خبر عن حسان طلع برا السودان و بكون غير الشرايح بتاعتو دا رقمو الجديد جبتو من أصحابوا اتصلي عليهو و كلميهو بالحاصل, شلت منها الرقم و اتصلت كان خاشي بس ما رد بقيت طول اليوم
بتصل عليهو, في كلام كتير كنت حابة اقولو ليهو واطلع الجواي لمن ما رد علي كتبت ليهو رسالة: قلت ليهو حسان انا آسفة على العملتو معاك يومها ما كنت واعية, بالغلط شرب من الكحول و الحصل اليوم داك والله ما كان مقصود., انا غلطانة و انت كمان غلطان
ما كان تخليني و تمشي انا محتاجة ليك شديد و انت عارف الحاجة دي و عارف اني ما بقدر بدونك بغض النظر عن اسلوبي و طريقة كلامي معاك انا متأكدة انك عارف اني بكنى ليك مشاعر بس انت كنت منتظر تسمعها منيء حسان انا من ا لنوع الما
بقدر يعترف بحاجة زي دي بالساهل الموضوع كان صعب علي و المزعلني منك انك عارفني بحبك و مع ذلك قررت انك تخليني في نص الطريق اتصلت عليك كتير في الأسابيع الفاتت بس شكلك ما حابي
ترد علي او تسمع صوتي، لمن تصلك رسالتي دي وتقراها انا ح اكون في عصمة راجل تاني
بكرا العقد يا حسان💔
يتبع............
