[ Unicode ]
" သားလေးမွေးရင် Jonghun လို့နာမည်ပေးမယ် "
ဂျုံအင်းကပါးချိုင့်တွေနစ်အောင်ပြုံးရင်း ဆယ်ဟွန်းမျက်နှာကို သေချာမော့ကြည့်ကာပြောသည်။
" သမီးလေးမွေးရင်တော့ Senini "
" ဘယ်လိုတောင်ရုပ်ဆိုးတဲ့နာမည်လဲ "
" ဟုတ်လား? အဲ့ဆို ဘယ်လိုပေးရမလဲ Se...Se...?" ဂျုံအင်းကအတည်ပေါက်ကြီး မျက်ခုံးကြုတ်ကာစဉ်းစားနေသည်။ " ကိုကို့နာမည်ရော ကျွန်တော့်နာမည်ရောပါစေချင်လို့ပါဆို "
ပိုင်စိုးပိုင်နင်းနှင့်ကိုကိုလို့ခေါ်လာတာကြောင့် ဆယ်ဟွန်း မျက်လုံးပြူးကာ ဂျုံအင်းကိုကြည့်သည်။
" ဘာကိုကိုလဲ "
"ဟမ်?..." ဂျုံအင်းက ဆယ်ဟွန်းမျက်နှာရိပ်ကိုကြည့်ပြီး သဘောပေါက်သွားဟန် "အနာဂတ်ကလေးတွေအတွက် နာမည်တောင်မှည့်နေပြီဟာကို... ကိုကိုလို့ခေါ်တာကိုလာရှက်နေတယ် "
" ဘယ်သူကမွေးမှာလဲ အဲ့ကလေးတွေကို "
ဆယ်ဟွန်း ဂျုံအင်းဂွကြားနဲ့ကိုယ့်ဂွကြားကိုမေးဆတ်ပြလိုက်သည်။ တုတ်တုတ်ချင်းရိုက်နေမှာကို :3
ထိုခါ ဂျုံအင်းကရှက်ဝဲဝဲနှင့်...
" ဟား ! ပရော်ဖက်ဆာကလည်း ကျွန်တော့်ကိုချစ်တယ်တောင်မပြောသေးပဲ... ဘာအကြောင်းတွေ ကျော်ပြီးစဉ်းစားနေတာလဲဗျာ "
ဆယ်ဟွန်း ထွေထွေထူးထူးမတုန့်ပြန်တော့ပဲ လက်ထဲကဘီယာသာကုန်အောင်မော့ချလိုက်သည်။ ဂျုံအင်းက သူ့ chocolate ice cream ကိုငုံ့စားလိုက် တစ်ယောက်ထဲပေါက်တတ်ကရတွေပြောလိုက် ရယ်လိုက်နှင့်။
ခဏအကြာတော့ ဂျုံအင်းရေခဲမုန့်ခွက်ကိုပစ်ထုတ်လိုက်ပြီး ဆယ်ဟွန်းပေါင်ပေါ်ခပ်တည်တည်ခေါင်းအုံးလိုက်သည်။
" ဘာလုပ်တာလဲ ပြန်မယ် "
" ဟင့်အင်း ... စိတ်ကောက်မပြေသေးဘူး "
ဆယ်ဟွန်းကိုမော့ကြည့်နေသည့် သူ့ကိုဂရုမစိုက်ပဲ ရှေ့ကလူသွားလူလာနည်းသည့်လျှောက်လမ်းကိုသာငေးရင်း ဘီယာနောက်တစ်ဘူးဖောက်သောက်သည်။ ထိုခါ ဘီယာဘူးမကိုင်ပဲလွတ်နေသည့်လက်တစ်ဖက်ကို ဂျုံအင်းကဆွဲယူကာသူ့လိမ္မော်ရောင်ဆံပင်တွေပေါ်တင်ပေးသည်။
YOU ARE READING
Mr. Professor, please love me back! ><
Romance[ COMPLETED ] Hey Professor! You look like my new boyfriend! Oh Sehun 🗞 x Kim Jongin 🍊
