Starry Starry Love Series 5 : Kennet Vaid by CallmeAngge(COMPLETED)

Chapter 10

DRUNK

"Mas masarap ka pa magluto kaysa sakin ah,"sita ni Danica ng matikman ang niluto nitong pinakbet na siyang itinuro niya rito kung paano iyun lutuin.

"Totoo?!"nagniningning ang mga mata nito turan.

"Totoo...kaya congrats!"tugon niya rito.

Kitang-kita sa mukha ng binata ang tuwa.

Nagtaas ito ng kamay sa harapan niya.

"Apir tayo! Nakita ko 'to ginagawa kapag masaya!"saad nito.

Natawa na lang siya sa kainosentehan nito. Nakipag-apir naman siya rito.

"Salamat,Master!"anito.

Natigilan siya sa sinabi nito.

"Saan mo naman natutunan yan?"

"Sa napanuod ko,"agad nito sagot.

Hindi na siya magtataka dun mabilis ang memorya nito at hindi ito normal na nilalang.

"Gusto ko tikman 'to!"

Napaangat siya ng tingin sa binata at makitang may hawak itong isang bote ng alak. Isang mamahalin alak.

"Meron ka niyan dito?"mangha niyang tanong rito.

Kahit papaano pamilyar siya sa mga alak na lalo na ang hawak nito. Isang vintage na inumin.

Sinipat nito ang hawak na bote.

"Meron na dito bago pa ko makababa dito sa lupa,"tugon nito.

Napatango-tango na lang siya.

Binuksan nito ang bote at nagsalin sa baso na kinuha nito na hindi man lang niya namalayan.

Namangha siya na makita ang malacrystal na likido na bumuhos sa baso niya.

"Cheers!"pagtaas nito sa ere ng hawak nito baso.

Agad na pinagpingkis niya ang mga baso nila.

Manamis-namis na mapait ang lasa pero minsan lang siya makatikim ng vintage na inumin.

Natigilan siya ng makitang nagsasalin na muli sa baso ang binata.

"Ang sarap nito!"saad nito habang nagsasalin sa baso nito.

Hindi naman siguro ito malalasing.

Wine naman ang iniinom nila kaya imposible malasing sila unless na lang kung mahina ang alcohol tolerance nila.

"Hindi ka naman siguro malalasing dyan?"untag niya rito ng magsalin muli ito sa baso nito.

"Nakakalasing ba 'to?"natigilan nitong saad.

Napakurap-kurap siya sa kainosentehan nito.

"Depende,pero baka naman hindi saka wine naman yan,"tugon niya.

Tumango-tango ito at muli nagpatuloy sa pagsalin ng alak sa baso nito.

Natapos na sila sa pagkain at ginawa ng tubig nito ang wine.

"Ang sarap talaga mamuhay dito sa lupa!"bulalas nito sabay tawa sa huli.

"Huwag mo sabihin...?"

Tumawa ito habang nagsasalin ng wine sa baso nito kahit wala na bumubuhos roon hanggan sa silipin nito ang loob ng bote.

"Wala na?"

Hindi siya sigurado kung nalasing ba ito o inosente lang ito?

"Bakit ubos na?"saad nito sabay na pagnguso nito.