Hands in Heaven (Louisiana Series #3)

Kabanata 13

13 – Proud

"You went home and you didn't even bother to see us?"

Sumalampak ako sa couch at ngumuso. Natapos ang klase ko ngayong Lunes at saktong hindi pumunta si Zion kaya naman umabot ako sa group call. I sipped on my juice and sighed.

"I'm sorry, Gigi. I was busy."

"Sa alin naman? Weekend, e." ani Jewel.

Hindi ako sumagot dahil baka may mali pang nasabi. Hindi ko pa sinasabi sa kanila ngunit parang mayroon naman na silang alam ayon sa tingin nila sa akin. Ngayong alam na ni tito, wala na rin namang dahilan para ilihim. I cleared my throat as I watched them on the screen of my laptop. Gigi was working on something using her computer. Samantalang si Jewel ay pangiti-ngiti lamang sa camera.

"Would you be mad at me if I tell you something?"

"Depends.."

Jewel nodded. "Agree. Depends."

Huminga ako nang malalim at inisip nang maigi kung paano ko nga sasabihin. I scratched my head and glanced at the phone Zion gave me. Mayroong rumehistrong mensahe ro'n. I didn't check it and focused on my friends more.

"What if it's about a very serious matter?"

"A relationship or something?" punto ni Giselle.

Nanlaki ang mga mata ko. "Gigi!"

"What? I'm just asking."

"Or siguro ay tungkol sa mga ligawan?" humagalpak ng tawa si Jewel.

Pinanliitan ko sila ng mata. Gigi was still busy and wasn't even looking at the camera. Si Jewel naman ay patawa-tawa lamang habang itinatali ang buhok niya. Bakit ang bilis nilang nahalata?

"Do you guys know something?"

"Nope. I don't know anything."

"Ni idea ay wala ako. Kaya naman sige na, sabihin mo na."

Jewel covered her mouth to force herself not to laugh. Umayos ako ng upo at huminga nang malalim. Kinabahan na rin ako ngunit kailangan ko na rin naman talagang sabihin dahil alam na nila.

"I've been meeting with Zion." I confessed.

Hindi ko nakuha ang reaksiyong inaasahan ko. Nakapangalumbaba lamang ang isa, samantalang ang isa ay busy sa computer. They weren't even shocked. Napangiwi ako nang nagkibit-balikat si Giselle.

"And?"

"He talked to tito last Saturday.."

Jewel sighed. "Puwedeng buong kuwento na? Nakakabitin, e."

Inirapan ko siya. "Hindi ka mukhang nabibitin, Jewel. You're not even excited."

Mariin ko silang tinignan pareho. Hindi sila gulat na parang alam na nila o inaasahan ang sinabi ko. Natigilan tuloy ako at inisip kung sino ang maaaring nagsabi sa kanila. Si Nico kaya?

"Speak, Deianira. What happened?"

"Well.. He's courting me!" bulalas ko.

Jewel clapped her hands with a giggle. Giselle finally looked at the camera and abandoned her computer. Ang atensiyon nilang dalawa ay na sa akin na. Pagak akong natawa. Iyon lang pala!

"He went there last week. Ngayon mo lang sinabi sa amin, loka ka!"

"You knew!" I pointed at Jewel. "Paano ninyo nalaman?"