قسور والمهره شامه

البارت الواحد والعشرين

طلعت براء من القاعه وبقت تباوع على شامه غمضت شامه عينها والدموع تنزل وكع التليفون من ايدها وكالت

براء :ش... شكو ولج شصار

اتصل حسام ب براء جاوبته وعرفت ضرغام توفى بجت ومشت حظنت شامه كل قوتها وكعت شامه بحظن براء وشهكت وجانت شامه فرحانه راح تشوف ضرغام وفيروزه وجانت ناويه تاخذ براء ويرحون سويه تريد تفاجئهم برجعتها اتفقت ويه البنات راح تبقه العطله كلها يمهم بس نكسر قلبها بهل خبر حظنت براء كل قوتها بقت تبجي وكل الي بالها قسور وشكد جان يحب ابوه ومتعلق بيه راحت بسرعه هي وبراء وشافت ابوها وغيداء وكرار زوج غيداء حظنت ابوها وبقت تبجي وكالت تريد تروح وترجع تشوفه قبل لا يدفنوه وراحو وكرار هم وياهم بقو الأطفال يم ببيتهم وشامه حته ما لحكت تاخذ شي وياها بس جنطه ايدها خلت ادويتها و لبست اسود وراحت وياهم براء وافقت خالتها لان واثقه بشامه وأهلها الطريق كله لازمه التليفون منتظره قسور يتصل بيها اتصلت بيه اكثر من مره مجاوبهة وصلو ونزلت بسرعه الدنيه مكلوبه بالبيت والديون بقت تبجي القرآن و الناس والشيوخ الموجودين شافت قسور واكف مثل الجبل يسلم على الناس ومعاذ بصفه لابس اسود قسور ولاف الشماغ على وجهة باوع بعينها ودار وجهة وكمل يسلم على الناس اجه معاذ وسلم عليهم وكال الهم يفوتون جوه فاتو هي والبنات اول مشافتها فيروزه نزلت راسها وجانت بقلبها غصه حظنتها شامه وبقت تبجي ونزلت مرت هل 3 إيام مثل جهنم ابد ما كدرت تحجي ويه قسور تباوع عليه مرات من البالكونه مال غرفه وتشوفه واكف يدخن لو يساعدهم ابد ما كعد ولا نام عايف تليفونه بالغرفه هواي دك والناس تراسله وخلته على الشحن هلكد ما دك خلص شحنه البيت هدئ راحو كل الناس قسور يومين ما فات للبيت صبيحة ابد ما عافت فيروزه وهي قايمه بكل الواجب ما عافت فيروزه ولا يوم وسويره هم بقت كاعده وياهم..... البيت جان حزين كلش وكل واحد بجهة وكلهم مكسورين البيت كلش حزين .... استأذنت شامه منهم البنات كلهن كاعدات غيداء و براء بقو بغرفه الضيوف سويره حضرت الغرفه الهم شامه اليوم كله جانت تساعد البنات بالتقديم هلكت تعب عدلت الغرفه مال قسور نظفتها وبخرتها سبحت وخلصت نشفت شعرها اخذت تي شيرت من قسور و بجامته لبستها الغرفه دافيه جانت سمعت صوته رادت تفتح الباب بس سمعت نوران تكله

نوران:يله غسل واحظر الك الاكل راح انتضرك الليله

رجعت بسرعه من الباب كعدت على الجربايه بقت تباوع على الملابس حظرتها اله فات وره شويه للغرفه باوعت عليه عينها بعينه صارت وكال

قسور:السلام عليكم

شامه:و.. وعليكم السلام