💥هوس 💥السفاح💥

02/12

💥هوس السفاح💥12/02/
بقلمي ✏رنوشة✏
نفوتو شوية الوقت الكل سافرو لروسيا مع بعض فطائرة خاصة أسيا وعزيزة رغم معارضتهم عالحكاية أما رافقوهم مستحيل يخلوهم وحدهم أسيل وروزا حاطين الرأس عالراس وقاعدين فالجنينة يحكيو ععمايلهم فرجالهم جرت لوحم أسر وكرم يحضرو للعملية الليلة التسليم مع نص الليل فالغابة أكثر مكان يحبو السفاح الظلام والرعب الخوف داخلين ثنيناتهم للفيلا ودانيال معاهم قابلتو تضحك ويدها عكرشها عينيها يلمعو وقف عندهم وهي عريحتو هزت عينها فيه غمزها وتكلم يسأل على حوالهم وهي ذايبة فيه وفزينو
أسر:إيه يابنات واش عاملين نشوف فيكم تضكو ربي يدومها فرحونا معاكم خلونا نضحكو شوية
روزا:كنا نحكيو عليكم أنتم وعلى أرسلان كيف كانت تهبلو آيات بوحمها ههههه ربي يشافيها يارب
الكل:يارب
أسر:هيا معايا متوحشك ونحب نوريك حاجة تهبل
وشاف مع خوه والبقية يحكي ويوصي فيهم لكل
أسر:خالتي تشدوها وتمنعوها تجي لعندي مهما كان مفهوم خلوني نشبع بمرتي متوحشها أفهمو هه(😂😂😂😂يقوى عليك ربي ااا عزيزة خليتي الراجل يوصي باه يمنعوك تحرمي عليه)
شبك يدو فيدها وراحو لدارهم متوحشها وحاب يشبع منها قبل وقت العملية لأنهم موش عارفين واش ممكن يصير معاهم قادرين يتغدرو ويتقتلو مع دخلو لفيلا جبدها ليه جات فحضنو مزير عليها يحكي وبشفافو يلعب بشحمة وذنها وهي ذايبة
أسر:توحشتك ياجوهرتي توحشتك دلالك نحب عليك درك هيا حضريلي روحك شوية ونلحقك
زادت دخلت فيه مدورة يديها عليه وطلعت عرأس صبعيها باستو من رقبتو وبعدت تتبسم وحدها طلعت لغرفتهم باش تحضر روحها وهو جبد الدخان وتكيف ڨارو نقاط الضعف فحياتو هو وخوه صارو كثار عايلتهم وخصوصا نسائهم وولادهم هم مراهمش نفسهم السفاح والهكر نتاع 9أشهر قبل حاجة ماتخوفهم ولا يتجبرو على شئ هما موش نفسهم الثنائي يلي مرعب عصابات أروبا بقى زمان يتكيف وبعدها طلعلها دخل قابلتو واقفة مقابل لمراية تمسح عكرشها لابسة 👙فالأسود هبال خلاتو يصير بركان شعرها يقطر بالماء دوشت
فالجزائر خلاها راقدة فالغرفة وراح لعند ولادو يطمن عليهم لقاهم فاطنين ويلعبو تبسم بفرحة بنتو عينيها نسخة من عينيه وولادو نسخة منو ماعدا لون عينيهم نتاعها هي دخل لعندهم هزهم بالواحد يبوس فيهم وبعدها هز برنسيستو يبوس ويشم فريحتها أه ومن ريحتهم هم لثلاثة يبوس فيها وهي تحرك فيديها ورجليها تقول عارفتو باباها فرحانة لوجودو معاهم شوية وصونا تيليفونو الحارس يعيط عرفها فطنت وقالبتها بالبكاء لأنها مالقاتوش معاها هو الوحيد يلي تسكت وتقعد هادية معاه صارت كيف الصغار صوتها ماسمعوش من لحظتها خايف عليها باس بنتو ورجعها لبلاصتها وباس رسن ورسلان وراحلها يجري مع دخل وشافتو زادت فبكستها عينيها لكلهم لوم أنو بعد عليها وخلاها وحدها تشكيلو فوجيعتها بدموعها غلق الباب وقرب منها قعد بجنبها جبدها لحضنو وهي كبشت فيه يمسح على ظهرها ويحكي معاها حابها تسكت دموعها حرقوه
أرسلان:أششس حبيبي أنا هنا معاك نعرف بعدت عليك شوية أما مجبور ولادنا بحاجتنا نتهلاو فيهم طليت عليهم ورجعتلك حبسي ماتحرقينيش ياحبي ياك أنا حبيبك أسمعي مني أنت مريضة
حركتلو راسها بإيه وبقى محضنها يحكيلها عولادهم كيفاش عاملين ولشكون يشبهو بفرحة
أرسلان:تعرفي أني لقيتهم فاطنين ويلعبو نجود نسخة منك أما عينيها نتاعي ههه رسن ورسلان نسخة مني هم قطعة منا أحنا نخليهم يجيبوهم تشوفيهم وترضعيهم هم بحاجتك بحاجة أمهم
👑Ranoucha👑