💥هوس 💥السفاح💥

02/20

💥هوس السفاح💥20/02/
بقلمي ✏رنوشة✏
نازلين ثنيناتهم اليد فاليد لابسة روب فالنوار تهبل سور طاي واصلة لحد الركبة شعرها مسيبتو وهو لابس كوستيم فالبلونوي لقاو الكل مجمعين ويستناو فضيوف الشرف لحفلتهم واحد مايعرفهم غير أسيا وفاضل مخليين أسر وكرم يستناو على نار يعرفو شكونو هالضيف روزا توتوت فوذن راجلها وهو يتبسم بخبث ويشوف مع خوه تكلم
أسر:ياجماعة تسامحونا دقيقة عندي مانحكي إذا تسمحو الحكاية خاصة شوية نتمنى تتفهمو الوضع
أرسلان:أتكلم من غير مقدمات وماتخممش نتفهمو
زيرت عيدو وهو غمضلها عينيه يطمن فيها ويهدي
أسر:هو المدام لكلم عارفينها تتوحم وشاهية حاجة من ڨريد العش ها أسيا كرم تسمحلها تديرها فيك
كرم:ماعنديش مشكل إذا أنت راجلها ماعارضتش الموضوع يعني نقدر عليها (ياوخذتك يا كرم جايك كف عالمي ياسلام وأنت عاجبك الحال 😂😂)
ضحك بخبث عليه عاجبو حالو صحيح غاير أنها رايحة تمس غيرو أما كف يبردلو شوي غشو منو على هدف تقربو منهم أول مرة ماعليش صحيح سامحوه ورجعو مع بعض كيف السمنة عالعسل أما هذا مايبدلش حقيقة أنو عميل فالأنتربول ويعتبر عدو ليهم حكايتهم معقدة وصعيب يحلوها من غير خسائر ولا تنازلات حمحم ورجع تكلم وهي حاشمة
أسر:اوكي خلوها تنفذها وبعدها أنت والجماعة أحكمو علينا هههههه لأنو الموضوع موش بيدهاهي
حركلو راسو بإيه وتقدم لعندهم وقف مقابلهم وهي ترددت فالأول للحظة كانت رايحة تتراجع وتكبت شهوتها أما سد راجلها يلي عخصرها قواتها هزت ذبلت عينيها لسلفها بمعنى الله غالب بعدها هزت يدها وعطاتو كف لا يقرى ولا يكتب على إثرو الكل شهق وهي حشات راسها فضدر راجلها حاشمة آيات حاطة يدها عفمها من الصدمة وأرسلان كابس ضحكتو أسيا وعزيزة جامدين فبلاصتهم وسيلا كيفهم أما هو ماتحركش تقول عليه تمثال عينيه عليها وداهش ساد الصمت لحظات فالفيلا لين قطعو صوت ضحكات أنثوية كانت صاحبتها طفلة تجي فعمر روزا تلفتو ليها لكل مستغربين وهم مازلو تحت تأثير الصدمة الأولى حتى يدخل عليهم فاضل ومعاه راجل يجي فعمرو تقول نسخة منو ومعاه مرا من ملامحها تعرفها روسية يضحكو ويحكيو لين وقفو يشوفو معاهم بعدها تكلم يسأل
ظافر:يعني صحيح يلي حكيتو بنتك رجعت وهي درك متزوجة وعندك أحفاد وينها أميرة عمها وين
فاضل:ههههه أسيا تذكرتي المهبول هذا هاو وأخيرا بعد سنين رجعنا إجتمعنا أثفضلو ياجماعة يامرحبا
أسيا:يامرحبا بظافر الغالي وينك وخي هكا تقطعنا بخبارك من يومها ماريناش وجهكم فثلاثة هههههه
ظافر:الله غالب الخدمة والله مانقعد الراحة نسيتها
فاضل:خلينا نقعدو وبعدها نحكيو مليح عندنا الحامل والنافس لازم يرتاحو أتفضلو ياجماعة
قعدو لكل فالصالون أرسلان وأسر ضامين نساهم سيلا بجنب عزيزة موش فاهمين شئ كرم مازال تحت تأثير الكف والضيفة موش قادرة تتحكم فإبتسامتها عاجبها المشهد يلي صار لحظة وصولها
أسيا:من غير مانطولو عليكم عارفتكم الكل حابين تعرفو شكون هم ضيافنا يكونو عمك يا آيات وعايلتو هو ظافر خو باباك التوأم عايش هنا من سنين قربي سلمي عليهم ياميما ماتحشميش هيا
لزت روحها لحضن راجلها أكثر وهو تانيك زير عليها هز عينيه معاهم وركزهم مع باباها يحكي بالشوية
أرسلان:تقدرو تخلوني أنا نحكي معاها ونرجعولكم مايجيش تفجئوها هكا كل مرة بحاجة نافس راهي
فاضل:عندك الحق يا نسيبي مي هاذي حاجة تفرحها عمها وعايلتو من أشهر حابين يشوفوها
أرسلان:وأنا ماقلتش لا أما مرتي وخايف عليها تزيد تتأزم ماصدقت لربي رجعتلي بعد يلي صار
باستو من رقبتو وهزت عينها فعينو طمنتو وتكلمت بصوت خفيف تتقوى بيه أنها فحضنو
👑Ranoucha👑