ဒီရေတာသို့တမ်းခြင်း(ဒီရတောသို့တမျးခွငျး)

ဇာတ်သိမ်းပိုင်း

ဒီရေတာသို့တမ်းခြင်း

ခေါင်ထက်နှင့်မိုင်လေးသည်ဆန်းအားအိပ်ပျော်
သွားသည်အထိအဖော်ပြုပေးပြီးဆန်းအိပ်ပျော်
သွားသည်သေချာမှသာနှစ်ယောက်သားမှာတိုက်ခန်း
အပြင်ဘက်သို့ထွက်လာကာအိမ်ပြန်ကြရန်ပြင်
လေသည်။ဆန်း၏ယခုအခြေနေအားမည်သို့
လုပ်လျှင်အဆင်ပြေနိုင်မည်အားလည်းနှစ်ယောက်
သားမှာအကြံထုတ်နေကြသည်။ယခုတွင်လည်း
နှစ်ယောက်သားမှာတိုက်ခန်းမှကားရှိရာသို့ဆင်း
လာသည့်လမ်းတွင်လည်းဆန်းအကြောင်းအား
ထပ်ကာဆွေးနွေးကြပြန်သည်။

""ခွန်ဇေဘက်ကအခြေနေဘယ်လိုတဲ့လဲ""

​မိုင်လေး၏အမေးအားပြန်ဖြေရန်အဖို့ခေါင်ထက်
ထံတွင်အဖြေရှိမနေသဖြင့်သူသည်လည်းခေါင်းသာ
ခါရမ်းနိုင်တော့သည်။

""ခုထိမဆက်သွယ်လာသေးဘူး""

""ခွန်ဇေကဘယ်လိုမှာသွားတာလဲ""

ခေါင်ထက်မှပြောပြရန်ဝန်လေးနေသဖြင့်သက်ပြင်း
သာချနိုင်တော့သည်။

""ခွန်ဇေပြောသွားတာကတော့ ထိုင်းကိုရောက်တာ
နဲ့တာ့ကိုခွဲစိတ်ဖို့စီစဉ်ထားကြတယ်တဲ့..ခွဲစိတ်မှု
အောင်မြင်ရင်တော့သူဆက်သွယ်လိုက်မယ်..တကယ်လို့
ခွဲစိတ်မှုသာမအောင်မြင်ရင်တော့..ခွဲစိတ်မှုမအောင်
မြင်မချင်းကိုသူဆက်သွယ်ဖြစ်မှာမဟုတ်သေး
ဘူးတဲ့""

ခေါင်ထက်ဆိုလာသည်အားမိုင်လေးမှနားလည်
ဟန်ခေါင်းငြိမ့်ပြလာလေသည်။

""ငါတို့ဆန်းကိုဆေးရုံတက်ခိုင်းမှဖြစ်မယ်..ငါ
ကိုဆတ်နဲ့အကုန်တိုင်ပင်ထားပြီးသားပဲ၊ကိုဆတ်
ကလဲဆန်းကိုဆေးရုံတက်စေချင်တယ်၊ဆန်းကို
ဒီလိုလွတ်ထားလို့မဖြစ်တော့ဘူး၊ဒီရေတာက
ဘယ်အချိန်ခွဲစိတ်မှုအောင်မြင်ပြီးငါတို့ကို
ပြန်ဆက်သွယ်လာမလဲဆိုတာကိုငါတို့မသိသေး
ဘူးလေ..ဒီအတောတွင်းဆန်းကိုငါတို့ဆေးကုခိုင်းမှ
ဖြစ်မယ်""

""ငါလဲအဲ့တာပဲစဉ်းစားနေတာ..အန်ကယ်နဲ့အန်တီလဲ
ဆန်းကိုအရမ်းစိတ်ပူနေကြတာ..သူတို့မှာက
ဒီသားတယောက်ထဲရှိတော့ခုထိကိုသူတို့လဲ
အစိုးရိမ်လွန်ကဲနေတုန်းပဲ""