العيله هدا جوها💗

الجزء الثالث عشر💗

نزار رن عليه رواد فتح عليه وحط ميك
نزار: نعم يا نصي شن فيه😁
رواد:مندير سباق يا معلم دبنا باتي وعمي ورانها🙂
نزار: تمام بكل يا حويج توه نخبر سيف هي تشاو😎
احمد يضحك: ايته النفس المطمئنة إرجعي إلي ربك رضيتن مرضيه😂😂😂
رتال: اللهم اني استودعك عمري🙂
فريحة: سلم وليداتي فكونا😟
نزار: عادي يما حطي الحزام وإستمتعي برحله😎 رن علي سيف وخبره وبدوا يجرو وكان نزار اول واحد وبعدها سيف و رواد 
في سيارة سيف يجري وهو معصب من حركات سلمى كملت الطريق تهدرز علي ضرار ومحمد بلعاني في سيف🙂(علي فكره شخصيت ضرار ومحمد حقيقيات من مشاهير السوشيل ميديا في ليبيا يلي يعرفهم يقولي في التعليقات😊)
المهم بعد سرع سيف بيش يتخط نزار
سلمى: نقص السرعه😰
سيف مش معدل عليها بكل 😑
حنين لبست الحزام من الخوف: وطي يا سيف منموت😫
سلمى بصوت عالي: سيفففففف نقص السرعه ما نبيش نموت انا😡
سيف برم عليها: وطي حسك اني نبيك تموتي باهي 😡
حنين بعياط: سيف الشاحنه قدامك😱(شاحنه كبيره او داف DAFاو طانطه 😁عن نفسي نقوللها داف)
سيف برم الدومان بيش يتخطها نين فقد توازن السيارة وقعدت إدور نين خشت في حيط 💥💔
في سيارة رواد كان يشوفوا في سيارة سيف تلف نين خشت في الشجره
رواد:😱
خوله هي وهديل تبكي وتعيط😱😱😭😭
أصيل: سيف😨
درس السيارة ونزل يجري هو ويهم ونفس الشي نزار واحمد وعمتي ورتال لكن سيارة صديق وحسام وعادل مزالا ما وصلنش فيهم لوره لانهم ما يجروش
أصيل فتح باب سيف لقه طيح علي الدومان(الستيرسو) وجبهتا دم ورفع عيونه في سلمى لقها كلهادم قزاز الروشن(المرش) متكسر عليها 💔لكن حنين ما فيها شي ديخ وخلاص رواد طلع سلمى وهو يحظنها ويبكي وجها كلا دم ونزار طلع حنين وفريحه والبنات يتباكو سيف فاق شويه قعد يدور بعيونه وبعدين : سلمى وحنين😨
أصيل يشوف لرواد يلي يبكي😨
رواد: كله مني اني من قالي نقول سباق😭
احمد:صبي نرفعهم المستشفي 😨
رواد يشوف لوجه سلمى يلي معبي دم ومرش: أختي بتموت😭
سيف فاق علي عياط رواد صبه شاف سلمى بالمنضر هدا معاش شلنا رجليه طاح قدامهم دف رواد وخدا سلمى وقعد يبكي
سيف: سلمى نوضي بلا بصاره سلمى والله معاد مزعلك نوضي كله مني اني سلمى باللهي عليك فيقي ماتخلينيش😭يا ربي
احمد دفهم الزوز وقمها لسيارته 😡سيف عدا يجري ركب معه من وراء مع سلمى ومعهم رواد  وعدو يجرو بسياره ونزار رفع حنين وامه وأخته وصديق وحسام جو علي مشيت سيارة أحمد يلي هي سيارة رواد غير احمد يسوق😁ركبوا معهم عقبهم ولحقوهم للمستشفى
............Soma Alsideek
طبعا خششوها سلمى للاسعاف وقعدو كلهم بره وحنين طلع ما فيها شي شويه رضوض خفيفه وسيف مابش يتحرك من قدام الإسعاف ولا يخلي دكتور يشوف جروحه وكانت حتي يده توجع فيه
بعد فتره طلت الممرضه
صديق عدا يجري: شن صار
الممرضه: عقبتلكم طولت العمر عظم الله اجركم😔
صديق طح مسكوه عادل وحسام 😭
الحاجه سليمه سكرها هبط وداخت جنها الممرضات شلنها وعدت معها فريحه       
وسيف طح علي ركابه ويبكي ونجوى داخت رفعتها ليلي ونوره  والكل يبكي علي سلمى أصيل جاء لخوه
أصيل حط إيده علي كتفه : سيف إدعيلها😢
سيف ناض يعيط: كلا مني انا انا قتلتها انا قتلت سلمى انا قتلت البنت يلي نحبها انا قتلت حبيبتي مفروض انا يلي داخل ميت مش هي مانقدرش نعيش بلاها كله مني يا أصيل أنا قتلتها😭طاح علي ركبيه وحاط يديه علي راسه
الكل مصدوم من كلام سيف لكن مش قدرين يستوعب شي غير أن سلمى عدت من الدنيا وسيبتهم
طلع الدكتور شافعم كلهم يبكوا🤨
الدكتور: اهل المريضه سلمى صديق ال*&^%$
الكل لفت فيه
حسام رد عليه: اي 😟
الدكتور:سلمى حالها كويس توه حولنا المرش(القزاز) يلي كان في وجها وبعد شويه تستعيد وعيها لكن قعدت في علامه علي جبهتها دائمه😔
سيف مشاء لدكتور: سلمى ما ماتتش😟
صديق صبه لدكتور : بنتي ما ماتتش ما صرلها شي😨
نجوى والباقي 😳😨😧😢
الدكتور مستغرب: لا حالها باهي 🤨
رواد صبه متعصب ويعيط : يا كلاب ليش تقولوا عليها ماتت إماله 😡
الدكتور : من قالها😕
عادل : الممرضه 😡
الدكتور: سامحوني الممرضه تحسابكم اهل المريضه التانيه 
نزار : شن الاستهتار متعكم هدا😡
الدكتور: سامحونا مقدر موقفكم 😞
احمد بعياط: خلاص لا مقدر لا مقدره عقاب🤬🤬 ستغفرالله 😡
روادبعياط: جبولو الممرضه اليوم نقتلها كيف تقول أختي ماتت اااه😡
الدكتور: أسف سامحونا😥   
حسام : خلاص يا دكتور بنتنا نقدر نشوفوها
الدكتور : لا مزال شويه لم تفيق نخليكم و توه منستأذن منكم عندي شغل وعدا🚶‍♂️
سيف فرحان إتكه علي الساس وحط إيديه علي وجها: الحمدلله الحمدلله
أصيل ونزار جوه يضبط فيه
نزار حضنه ويغمزله: من امتي إدس عليا يا سيف 😉
سيف إبتسم بلا نيه تفكيره كلا محصور في سلمى
..............Soma Alsideek
بعد مده خشو لسلمى يلي كانت تبكي تحساب حنين ولا سيف صيرتيهم حاجه حتي هم لكن لما شفتهم إطمنت صديق اول ما شافها ضبطها وقعد يبكي ونجوى نفس الشي وأحمد ورواد والبنات كلهم يبكوا وفرحانين ان ما فيها شي واما سيف ما قدرش حتي يحضنها قدامهم كتفه ان يشوفها من الباب حتي الخشان ما خشش لانه يلوم في روحه علي يلي صار معها 😔 أما بنسبه لسلمى فقعد في وجها اتر الخياطه فوق الحاجب قعدت يوم في للمستشفي وتاني يوم طلعت روحت لحوشهم وما شفتش سيف إلا لمحه في المستشفي كاينه خايف عليه وتبي تشوفه وهو يجنب فيها لانه مش قادر يشوفلها طبعا سيف يده نكسرت في الحادث وجبسها وبنسبه لجبهته جرح بسيط
المهم قعدت ثلاث ايام الحوش يملأ ويفرغ في الناس يلي يستحمدو علي سلامته سلمى وسيف وحنين وفريحه روحت لحوشها وحسام يبي يحكي مع سيف كم مره علي الكلام يلي قاله في المستشفى لكن معاش لقاء فرصه واحمد ورواد كم مره حتي هم بيحكو معه لكن سيف من يوم الحادث وهو حتي البيات ما يبات في الحوش لانه عرفهم يبات في إستراحة متاع صاحبه وليلي قريب تهبل عليه والبنات هبلن سلمى شن فيه بينك وبين سيف وهي ما تردش عليهن حتي أمها سألتهاوأحمد ورواد وصديق ماسئلوهاش قعدوا يلقحو تلقيح وهي وما ردتش عليهم فاتو خمس ايام ما شفتش سيف لانه ما يجيش للحوش إلا نادر كان يبي يا خد حاجه علي الساريع
.............Soma Alsideek
خامس يوم من الحادث سلمى قالت لهديل كان سيف جاء تخبرها الساعه4:00في العشيه كلمتها هديل قتلها سيف جاء بياخد دبش سلمى طلعت تجري من دارها ولقت امها و منار في الصاله
نجوى: وين🤨
سلمى: اااه لا ماشيه لخوله
منار: توه مش قبل تمشي قتلك هي وأنتي قلتي لا 🙄
سلمى: غيرت رأي نبي نمشي حتي هديل غادي عند حنيني كلمتني قتلي تعالي🙂
نجوى لمنار: صبي عدي معه توه شويه ونلحقكم اني 😌
منار : تمام😊
سلمى🤦‍♀️
طلعا سلمى مسكت اختها: انا ماشيه لهديل نشوفها وأنتي كان جت امي قبلي  قوليلها انتي وخوله مشت هي وهديل و توه يجن تمام
منار: وعلاش🤨
سلمى:اااه😨 أه هديل تبكي كلمتني نشوفها ونجي اني ويها🙂
منار: كذاب سيف روح بتشوفيها🤓عدي لكن بشرط تخبريني علي القصه كلها بعدين باهي 🙂
سلمى: باهي يا همي😓وعدت تجري اول ما وصلت رنت علي هديل فتحتلها الباب وخشت
سلمى: خويله ليلي وين وسيف وين🤔
هديل:سيف في داره وماما في المطبخ اجري لدار كان بتحكي معه قبل ما تطلع ماما
سلمى عدت تجري فتحت باب الدار وخشت وسكرت الباب ما لقت حد
سلمى: وين مشي هدا 😑
سيف طالع من الحمام إنشف  في شعره بيد يلي مش مجبسه وكان لبس سروال بس مش لابس شي من فوق
سيف شاف سلمى قعد مفنص😳
سلمى مصبيه وبعد شويه غطت عيونها
: البس الماليه يا خراء🙈 
سيف لبس تشرت متاعه: شن إدير في داري😳
سلمى مغمضه عيونها : منحكي معك
سيف نزل راسه: مش وقته وأسف انا سبب الحادث 😔
سلمى حولت يديها من علي عيونها😟
سلمى: عليش إتأسف مقدر ومكتوب مش منك يلي صار حتي انت انضريت😟
سيف يحط في الدبش في الشنط ويحكي: كله مني شوفي وجهك كيف خلتهولك😞
سلمى حمقت من كلامه وان مش معدل  عليهاقدمت خدت الشنطه وحدفتعا بالفيها: ليش تتجاهل فيا ليش شوفلي اشبح في عيوني ليش تهرب 😡
سيف منزل راسه: مانقدرش نشبحلك  انا سببتلك في الجرح يلي في وجهك كل ما نشوف نذكر اني انا سببه في أذيتك أفهميني ياسلمى 😞
سلمى بحمق إدف فيه بيديها وتبكي: كذاب انت قول انك معاش تحبني قول عليش حاط الأسباب التافها هدينا قول ماعاد نحبك قول ماحبيتكش اصلا قول  ليا خمس ايام نتصل بيك ماتردش عليا انا خايف عليك وانت مش هامك و ماما ورواد واحمد حتي بابا يسألوا فيه شن فيه بينك وبين سيف ما نردش عليهم لكن نقول في خاطري سيف كل شي بنسب ليا وانت مش معدل تكذب عليا تقولي نحبك انت واحد كذاب كذاب عليش تحط في اعدار لروحك انت  ما تبينيش ماتحبنيش من الاول تكذب عليا كنت عارفه😭😭😭
سيف مسك سلمى من يديها : انا مش نحبك اني نموت فيك انا نعشقك وانت تقولي مانحبكش انا مش قادر نتقبل انا ان سببت في أذيتك يا سلمى انا سببتلك فيها كله من عنادي وعصبيتي التافها مش مستوعب اني قبل خمس  ايام كان ممكن نخسرك  من تحت راسي اني كنت حنكون سبب في اني نخسرك ويخسروك كلهم😢😞  
سلمى تبكي وحضنت سيف بالقوه : ما تسيبنيش اني نموت بلاك والله سيف معاش تسيبني 😭😭
سيف يمسح علي راسها: خلاص ياحبيبتي معاش تبكي😞
سلمى حولت من عليه: اوعدني ماتسيبني والله نموت بدونك😭
سيف يشوفلها: وعد معاش تبكي خلاص
سلمى تمسح في عيونها وخشمها : معاش تبات بره الحوش باهي😞
سيف ضحك: حاضر اي اومر تانيه يا مشفشفه😅
سلمى: إيه ماما وأحمد ورواد وبابا يسألو فيه ديما عليك وانا ندير فروحي مش فهم شي كيف منحلها هدي😞
سيف : لا هدي سهلا  هم وين قعدين توه
سلمى: مني😕
سيف : عمي صديق وبوي
سلمى: في المربوعه الخارجيه كلهم علاش🤨
سيف قرب منهاومسك رأسها بين يديه  وباسها 💋علي رأسها  : مش تبي حل اني نحلها اليوم ونختمها القصه هادي 🙂
سلمى متحشمه وتبتسم ومش فهم شي🙂؟؟!
طق الباب هديل تحكي بشويه: افتحوا يا بردين سادكم ماما توه تجيكم🙂
سيف فتح الباب وبرم علي سلمى : نحبك وطلع
هديل كرت سلمى لدارها وخشت وسكرت الباب: يلي ما تحشموا شن درتو خيرا وجهك احمر 🙂
سلمى ساكت تفكر في كلام سيف
هديل خبطتها علي كتفها: هي نحكي معك شن صار عرفتي ليش هجج من الحوش الافندي🙄
سلمى حكتلها شن صار بتفصيل😁
هديل: زعم شن بيدير🤔
سلمى: الله اعلم خوك هدا معاش عرفته يطلع بطلعات تخوف مرات😑
هديل: من قالك حبيه😏
سلمى: هدا الحب الاعمي شكله😅
هديل ضحكت: مش غير ما عمريش توقعتكم تحب بعض هكي تذكري زمان لما كنا نلعب مع بعضنا كنت تضرب في بعض وتكملوها نكرهك ونكرهك لكن بعدين مسرع ما تتصلحوا😄 
سلمى: إيه عارف نحن فريدين من نوعنا نحبو نعبرو علي مشاعرنا بطريقه معكوسة عكس البشر يعني بسلامتنا مشاعرنا مقلوبه 🙂يعني كان قتله نكرهك زمان معنها نحبك أم الضرب عادي ضرب الحبيب زي أكل الزبيب حبيبتي 😅😂😂😂😂😂
هديل نفلقت ضحك هي وسلمى 😂😂
سلمى: هي صبي نعدو لحوش الكبير الكل ملتم غادي ونشاءالله نردلك لقطت اليوم عن قريب نزوري😉😊
هديل ضحكت: لا خلاص معاش فيها وقت قالي بيجي يحكي مع بابا😌
سلمى: كذابه مسرع كنا مستعجل😲
هديل : والله امس لما كلمني قالهالي حتي انا قلت مسرع لكن قالي لا هكي احسن 🤷‍♀️
سلمى: باردات يلي هدي تنخطب وبتسيبوني انتي وخوله ورتال ومقعدت غير اني😞
هديل ضحكت: بارده مزال ما صر شي إتقولي نخطبت صاح بعدين مش بروحك معاك منار وحنين مزالن😅
سلمى :مبردك 😑
هديل :هي هي نمشو حتي ماما شكلها طلعت
سلمى: هي يا حنه 😁
وطلعن للحوش الكبير مع بعضهن 🚶‍♀️🚶‍♀️
..........Soma Alsideek
في المربوعه خش عليهم سيف
سيف: السلام عليكم
الكل: وعليكم السلام😳😳😳😳
حسام: طيب فيك جيت وعرفت طريق الحوش 😤
سيف قمعز جنب أصيل وقاله: وين أحمد وعادل
اصيل: طلعو عندهم سيارات نزلت اليوم في المينه يطلعو فيهم🙄
سيف رفع عيونه في رواد لقه يبحت فيه
رواد: سيف نبيك بعدين باهي😒
سيف: تمام لكن قبل نبي نحكي معكم كلكم علي موقف المستشفى ونضحلكم هلباا حجات فهمتوهم غلط ويا ريت تسمعوني
صديق: احكي نسمع فيك🤨
حسام: أدوي هي 😤
سيف: .......
حسام: ......يتبع
..............Soma Alsideek
عطوني رأيكم حبايبي رجاءا🙂ولي ما يديرش نجمه ولا تعليق نحرش فيه عزوز القايله تاكل 🙂😂😂😂😂

📝Soma Alsideek

سلامات ياسر توه😁💗