فريق فستق (قيد التعديل)

البارت السادس

#البارت_السادس
الساعه ٦صباحا 🌤
تتململ بكسل في فراشها لتنظر بجوارها لتنتفض قائمه وني تبحث عنها ثم تنظر في الساعه لتجدها
٦:٠٣ صباحاً  لتهرع بفزع باتجاه حقيبتها التي أخذتها الامس من منزلها بسبب كذبتهم لتزفر بضيق وهي تبحث عن ملابسها لتجد اخيرا ملابس مناسبه فتغتسل وتصلي  ثم ترتديها وترتدي حجابها بسرعه وهي تلعن وتسب في صديقتها
كارما: ماشي يا ميرڤت الكلب.
لتخرج بسرعه بعد ان عدلت حجابها ومظهرها 
لتجده يقف ويعطيها ظهره وجميعهم يقومون بالضغط
كارما بهمس لنفسها: يامصيبتي ده بيعذبهم

أركان ببرود: اول يوم تأخر ٢٠دقيقة.

كارما بصدمه: انت عرفت ازاي اني هنا وراك.

أركان ببرود: نفسك سريع عشان متوتره فسهل اسمعه
ليكمل بجدية: مش هنقضيها رغي يالا عشان تدربي.

كارما: اصل انا صحيت متأخر وبعدين الغلط علي ميرڤت صحيت قبلي ومصحتنيش

ليلتفت لها ليواجه وجهها وجهه

ثم يردف قائلا: في حاجه اسمها ان كل واحد يعتمد علي نفسه يعني انتي وميرڤت في اوضه واحده لكن مش هتهتم بيكي اكنها خلفتك ونسيتك انتي المفروض تتحملي المسؤليه وتصحي لوحدك محدش هيصحيكي.

ليعطيها ظهره ثم يردف قائلا: انا اللي قلت لميرڤت تسيبك نايمه.

تجاهلت كارما حديثه واتجهت لتهبط بجوار ميرڤت ومعتز وسلينا قبل ان يوقفها صوته البارد والساخر في نفس الوقت
أركان ببرود: رايحه فين؟

كارما بضيق: هتدرب معاهم

أركان بابتسامة خبيثه: تؤ تؤ يا حلوه تدريبك انتي خاص عشان صحيتي متأخر.

معتز بهمس لميرڤت: ربنا يستر ده انا صاحبه من سنين وسابني انام هنا في الصالون علي الكنبه قال ايه مش بيعرف ينام علي سرير مع حد وراح نام في الاوضه وحدفلي مخده وسابني.

ميرڤت بذهول: يا نهار ابيض انت نمت هنا.

ليهز معتز رأسه بنعم ليلتفت الاثنين للأخري التي كادت ان تحرق نظرتها أركان الذي يراقبها ببرود شديد.
كانت حرب النظرات مستمره بينهم حتي قطعتها سلينا قائله:
أركان يالا.

أركان ببرود: اسمي الرائد أركان كل واحد يحترم مكانه
ليلتفت إلي كارما قائلا: احنا فطرنا عايزه تفطري الاكل في المطبخ المقدم معتز عمله وبعدها تدخلي الاوضه وتستني لحد ما اخلص تدريبهم ساعتها هناديلك.

لتومأ كارما برضا ثم تتجه إلي غرفتها وتتجاهل الافطار.

مرت ساعات وهم لم يتنهوا من التدريب حتي ملت ولكن قطع سكونها دخول ميرڤت التي كانت تتنفس بسرعه كأنها كانت في مسابقة عالميه للجري وحبات العرق علي جبينها وخصلات شعرها تلتصق بوجهها.