حدث في الفصل السابق..
- بابا.. بابا. بابا بابا بابا بابا باااابااااا
- انت مقولتليش حاجة علشان اكلمك
- هو أنا لازم اقولك علشان تكلميني!
- يااااسس
- هو علشان تنموا المدرسه تخربوا بيتي انا!!
- هتولدي في المكتب هنا ولا ايه؟؟
- انتي بتزعقي ليه طيب؟؟
- لا مهي ماما تستحملك علشان هي ماما
- انا كاميلا
- علمياً ده يُسمى فوبيا الحب
- دكتور أحمد استنى لحظة!
- يا وليه اسكوتي بدل ما اننط عليكي ابططتك
- تفتكري لو عصابه سامر قفشتنا هنعمل ايه؟؟
- قبل ما تقولوا اي حاجة، احنا اخدنا رفد أسبوع فلو عندكوا اي مساعدات تقدموها دلوقتي احنا موافقين، علشان احنا مش قادرين.. بجد
_______
" تعالي يا وكسه عمري.. تعالي "
سمير مسك ليللي من طرف التيشيرت عند رقبتها من أيد و الأيد التانيه ماسك فيها ورقه تباعه لظرف ما فتحه دلوقتي
" انا المفروض بعد كده يبقى يجيلي ورقه الاستدعاء بتاعتك في ورق فلوسكاب، يادوبك تكفي مصايببك، أيه يا بنتي ارحميني كفايه عليا يبقي انتي و أهلي و شغلي عليا، كتير عليا و الله!! "
سليمان والِد سمير من على الكنبه وراهم بيدافع عن ليللي
" براحه على البنت يا سمير هي معملتش حاجة غلط في الأول، هم الي اتهجموا عليها وعلى اصحابها "
التفت و سحب ليللي معاه قائلاً
" استني أنت يا ابويا علشان انا عارف قلبك حنين و هتقف مع البنت، إنما انا حافظ البؤين دول كل شهر"
ليللي زفرت بإنزعاج و صاحت بإندفاع
" يووه وانا مالي يا بابا هم الي بيتسرعوا في لحكم! كمان احنا اخدنا رفد لأنه كان بعد الانذار مش اكتر مع اننا اصلا الي لنضربنا جامد انت مش شايف خدي وارم ازاي، كمان على حظنا الكاميرات مكانتش شغاله فً اتاخدنا في الرجلين "
" مهو من اللعب مع الي المفروض متلعبيش فيه، انتي بنت انتي! ده انا مخلف ولدين! اخوكي الولد مبيعملش ربع الي بتعمليه! شوفيع والله انتي لو مكنتيش كبيره شويه كنت علقتلك في جنش النجفه لحد ما يبالك صاحب "
YOU ARE READING
Friends | فريندز
Humor# FRIENDS | الاصدقاء الصداقة اهم و احسن حاجة في الوجود منعرفش نعيش من غيرها و ليها معاني حياتيه كتير و مش اي حد يعرف يفرق بين الصداقه للحقيقة و المزيفة كله بقي بياخد نفس الشكل مؤخراً و الصداقة الحقيقة بقت نادرة الوجود و صعب تتلاقى في فريندز هنتعلم و...
