Battlecast: Underground

IX | Shade

"NAKAKITA ka ba ng lugar kung saan mo nakita ang caster?" tanong ni Leon sa babaeng biglang pumasok ng kuwarto. Napatayo siya kaya napatayo na rin kami. Palipat-lipat ang aking tingin kina Leon, Jack, at sa babae.

"Malabo po pero—"

"CAP!"

Nalipat naman ang aming tingin sa lalaking sumigaw sa may labas. Biglang nagpakita ang isang lalaking hingal na hingal at malawak ang mga mata. Lumapit si Leon sa kaniya at nakasunod naman sa kaniyang likod ang babae.

"Ano'ng nangyari?" tanong niya sa lalaki.

"Duguan po ang isa sa mga kasamahan po natin!" garagal na balita ng lalaki saka tinuro ang labas.

"Kumuha na kayo ng panggamot," utos ni Leon saka lumabas na.

"Ano ang nangyayari—" Napahinto ako sa pagtanong nang tumabad sa akin na wala na si Jack sa tabi ko no'ng lingunin ko siya. Ako na lang pala ang natitira sa kuwarto.

Bumuntonghininga na lang ako saka nagmartsa na rin palabas. Nang makita ko na ang lobby, parang nagtitipon lang sila sa isang lugar. Nakita ko na ang isang lalaking caster na nakahiga, puno ng dugo ang damit at katawan at sinusuyo na siya ni Leon na nakahawak nang mahigpit sa kaniyang kamay habang ang isang babae ang naggagamot sa kaniya. Nakatayo na lang ako 'di kalayuan sa kanila pero nakikita ko pa rin.

"Lumaban ka, One," kumbinsi ni Leon sa lalaki.

"C-Cap, hindi. . .ko na po kaya," mahinang saad ng lalaki.

"Sino ang may gawa sa 'yo nito, One?" seryosong tanong niya.

Umubo ang lalaki at may lumabas na dugo sa kaniyang bibig na nagpalayo sa mga taong malapit sa kaniya maski ang naggagamot ngunit hindi si Leon. Mahigpit pa rin ang kaniyang kapit kay One.

"O. . .Autho. . ."

Hinintay ko ang susunod na sasabihin niya ngunit natahimik na ito. Nang bitiwan ni Leon ang kamay, diretso lang itong bumagsak. Umiwas na lang ako ng tingin at yumuko. May naaalala ako sa nangyayari at ayokong maalala na ulit 'yon dahil sobrang sakit sa akin.

"Malinaw na tinutukoy niya ay ang authority, Leon," singit ni Jack na malapit lang sa kaniya.

"Buwisit!" sigaw ni Leon.

"Lagi naman sila ang may kagagawan," bulong ko habang nilalaro ang isang Swiss knife na pinalitaw ko sa aking kamay. Pinapadausdos ko ang daliri ko sa talim hanggang sa tusok nito.

"Just give me a word, Leon, and I'll be the one who will kill the president," Jack said, full of himself.

"No. We're not that sure if she was the one behind this but we are sure that the task force made this to One," Leon replied. "Turn on the lobby's radio."

I roamed my eyes around. There are speakers in every corner of the lobby. In just a moment, a static sound came out of the speakers then we heard a voice of a woman from it. I recognized it as President Halfalla.

"We are continuing to produce mechanical stuff to make your life easier, everyone. Also, our authorities are starting to upgrade the defenses, like replacing human soldiers with mechanical ones," she said, her voice is echoing around the lobby.

Everyone is quiet, listening to the president's speech. Am I the only one who's waiting for a speech to the casters?

"Food and water shortage! Ayusin niyo naman ang trabaho niyo!" narinig kong sigaw ng isang babae sa backround.

President Halfalla coughed. "Isa pa. Para sa lalaking caster na nanggugulo sa bootcamp ng task force."

Napaangat ang ulo ko at kunot-noo na tumingin sa speaker. Teka, ako 'yon. Ina-address ako ng presidente?