နှလုံးသားစေရာ
အပိုင်း ၂၁" အဲဒီတော့... မင်း ဒီရွာကိုလာတာက ရည်ရွယ်ချက်ရှိရှိနဲ့ပေါ့..."
ကျော်နိုင်လင်းက ဟိုအဝေးက မြစ်ကူးတံတားဆီကိုငေးလို့... မင်းဆက် ဆေးလိပ်ကိုမီးညှိလိုက်သည်။
" မင်း ငါ့ကိုရော... လက်သီးနဲ့ထိုးအုံးမှာလား..."
"မင်းက နောက်ဆုတ်မှာမို့လား..."
မင်းဆက် ပြုံးလိုက်မိသည်။ ဆေးလိပ်တစ်လိပ်ကို သူ့ဆီကမ်းပေးတော့... ကျော်နိုင်လင်း ယူကာမီးညှိသည်။
" ငါအများကြီး အရှုံးပေးထားတာ... ချာတိတ်မကို... မင်းမြင်နိုင်တယ်မလား... ငါ့အပေါ်ထားတဲ့ မင်းညီမလေးရဲ့ သဘောထားကို... သူငါ့ကို သဘောမကျဘူး"
" အဲဒါကြောင့်လဲ... ငါကြိုပြီး သတိမထားမိခဲ့တာပေါ့... စိတ်တော့မရှိနဲ့... ငါ့ညီမမျက်လုံးထဲမှာ မင်းအတွက်ဘာအရောင်မှမမြင်ရဘူး"
အမှောင်ထဲမှာ မင်းဆက်ပြုံးမိသည်။ ငါ့အတွက်... ဘာမှ မခံစားတတ်သေးဘူးလား ကလေးလေးရေ...
"အန်တီနဲ့ အန်ကယ် ငါ့ကိုမကြည်တော့ဘူးထင်တယ်..."
"ဒါက... သမီးရှင်တိုင်းပါပဲကွာ... "
မင်းဆက် မီးခိုးငွေ့တွေ... လွှင့်မျောရာလိုက်ငေးမိသည်။ ပိတောက်ပန်းနံ့ သင်းသင်းလေးက သူ့နှာခေါင်းကို တိုးဝှေ့ကျီစယ်သွားသည်။ မီးရထားသံကြားလို့ တံတားဘက်ဆီပြန်ငေးကြည့်တော့... မီးရထားတန်းရှည်လေး... ကောင်ကင်မှာ ကြယ်တွေလည်း စုံနေသည်။
"ချာတိတ် အဆင်ပြေပါ့မလား... သူ ညနေစာထွက်မစားဘူး"
"သူက... မေမေစိတ်ပျက်မှာ တအားကြောက်တာ... သူအပြစ်တစ်ခုခုလုပ်ထားတိုင်း အခန်းထဲမှာအကြာကြီးဝင်ပုန်းနေတော့တာပဲ... "
"သူ ငိုနေမလားပဲ..."
ကျော်နိုင်လင်းက ဆေးလိပ်ကို ပြာတောက်ချလိုက်ပြီး သူ့ကိုစိုက်ကြည့်ကာ ရယ်နေသည်။
"မင်း တကယ်ကြီး ငါ့ညီမကိုကြိုက်သွားတာလား... ဒီဂျလုံးပလုံးလေးကို..."
" အေး... ဘာလဲသဘောမတူနိုင်ဘူးလား"
"အမှန်တိုင်းပြောရရင်... သဘောမတူချင်ဘူး... ညီမလေးက သာမာန်မိသားစုက မွေးတဲ့ကလေး... မင်းက..."
YOU ARE READING
နှလုံးသားစေရာ
RomanceZawGyi code is below. About a girl who chasing dream. Finally she follows her heart and decides to fall in love. But she never gives up her dreams.