دائرة النصيب ♥️

الحلقه 2

#الكاتبة_ژوژو_الطشهه

#دائرة_النصيب

#الحلقة_2

#لااااايك_قبل_ما_تقري🌸💗.

عند محمد بعد قاله الولد الي يشتغل معاه ع باته ركب سيارته وطلع يجري بي سرعه كبيره وخايف ع باته 💔

شوي ووصل المستشفى خش للريسبشن
محمد:السلام عليكم
البنت:وعليكم السلام
محمد:نبي نسأل ح واحد توا اسعفوه طارق ##
البنت شافت للسجل:اها في العنايه رقم 7
محمد انصدم:تمام شكرا
طلع يجري فوق وصل لي مكان العنايه شاف علي خوه ومعاه راجل ثاني
محمد جاهم بي خوف:علي شن فيه باتي كنه
علي مسح ع وجهه بي توتر:دار حادث والراجل هدا هوا الي اسعفه ولقاه اخر رقم رآن عليه هوا أنا رن عليا قالي وانا رنيت عليك مقفل رنيت ع مراد شغيلك قتله يقولك 😢
محمد:وشن قال الدكتور
علي:مزال خشوا عليه دكاتره 2 وخششوه العمليات طول مزال ماحد طلع اصلا مالناش ربع ساعه جايين
محمد مسح ع وجهه بي توتر: يااارب 💔
شاف لي الراجل
محمد:سامحني ما ركزتش بارك الله فيك
الراجل:ولو هدا واجبي إنشاءالله ينوض بي خير
علي:شكرا عمي اخرناك تقدر تروح
الراجل:لا والله ما صارت نطمن عليه قبل
علي ومحمد:بارك الله فيك
ع طلعة الدكتور
عدوله يجروا
دكتور:اطمنوا الحالة بي خير
محمد وعلي شافو لي بعضهم بي فرحه
الراجل شاف لي الدكتور:معليش دكتور أنا لما سعفته ماكانش فيه ولا أي حرج ولا كسر يعني ليش حطيتوه في العنايه
الدكتور:هوا محصل خبطة قويه ع جسهة راسه وللأسف هيا الي سببتله
علي ومحمد بي خوف:شن سببتله
دكتور:للأسف هوا توا في غيبوبه
علي ومحمد بي صدمه:لا ياربي
دكتور:ماتخافوش نحنا فحصناه مافيش شي بس خبطة هدي سببتله غيبوبه لأنه جت الضربة في مكان خطير بكل في الرأس وكانت قوية بي إذن الله ح ينوض منها ممكن توا ممكن بعد اسبوع ممكن بعد شهر بالكثير شهر يعني مؤقته بس
علي ومحمد اطمنوا شوي:بارك الله فيك دكتور
دكتور:ولو هدا واجبي
هدا الدكتور
الراجل:ماتخافوش كلام الدكتور يطمن
محمد:إنشاءالله بارك الله فيك
الراجل:ولو توا اسمحولي أنا
محمد وعلي: تفضل
عدا الراجل
محمد شاف لي علي:رن ع امي قوللها توا تسمع من برا اديرلنا جو
علي:تمام
مسك تيلفونه بيرن ع أمه♥️..

••••••••••••••••••
في حوش هل العروسه فاطمه أخت أروى أجواء سمحه

عند أروى تحكي مع حنان صاحبتها طبعا هدي الأنتيم متاعها ♥️
أروى:والله مش شوري بيك دبري كيف تجي بكرا حوش جدودك ساعه بس توصلي
حنان:باهي خلاص سكنتيلي توا نجي😂
أروى :ايواه مانبيش الحفلة تفوتك ساد فاتك الاسبوع كله😒
حنان:تم بكرا بتعدي تشيلي معاهم دبش فاطمة لي حوشها وهكي
أروى:لا عدوا اليوم خالتي وفريده(مرت خوها)
حنان:اها
أروى:سكري توا مولعين الإذاعة خليني نعدي نهز شوي (بي معنى ترقص😂♥️💃)
حنان:تم
سكرت أروى وخشت ترقص وقعدن يصفقلها وكانت تهبل بكل خيال وكلهن يشوفلها بي نظرات إعجاب
جارتهم:والله قبل نبيها لي عيسى ولدي لاكن نصيب
جارتهم الأخرى:الله غالب إنشاءالله تلقا الي يستاهلها بنات خديجه (أم أروى) جمال واحترام ♥️
وقعدن يهدرزن وطبعا الي هيا تبي تخطب لي ولدها 😂♥️