دائرة النصيب ♥️

الحلقه 16

الكاتبة_ژوژو_الطشهه

#دائرة_النصيب

#الحلقة_16

#لااااايك_قبل_ماتقري💙🌸.

#وتعليق_بعد_ما_تكملي❤️.

#نبي_تفاعل_سمح_ع_الحلقه🔥🔥🔥🔥🔥..

عند فراس قاعد في المربوعة معاهم وهكي وطبعا هوا من أمس خداه الاذن من أنه يخش يلبسها
بعد شوي رنت عليه أمه قالتله عشان يخش يلبسها
جاتة رسالة ع الواتس فتحها مكتوب فيها
رسالة:(أنا فاعل خير خطيبتك ما تصلحش بيك بنت مش تمام وكنت أنا وياها ع علاقة بس طلعت مش تمام وادزلي في صورها حتا بالقفاطين وافطن لي روحك قبل لا اطيح فيها وكان مش مصدق كلامي توا يوصلنك الصور 💌)
شوي ووصلنه صور لي أروى وكانن صور عار بكل الي دازهن دايرلهن فوتشوب وباينات حقيرات بكل
وشوي وصلاته صورة أروى في الجامعه معاها الولد الي صبه عليها ومصورينهم صور لما هوا مطبس عليها وهيا تشيرلة والصور مديرولهن فوتشوب وباينة كأنه حاجه مش تمام
فراس أنصدم وناض بي صدمه
كلهم شافولة
طلع فراس برا يجري
واستغربوا
طلع وراه مفتاح وإبراهيم ولحقهم احمد باته وفتحي بات أروى
كلهم:شن فيه
فراس يطلع في القرواطه  حس روحه مخنوق قعد يتنفس بي قوة
شافلهم:الي بينا انتها مانقدرش ناخدها بنتكم
وما زادش  ولا كلمة عدا يجري ركب سيارته وحرق العجل وطلع يجري بي سرعه
وكلهم فاتحين عيونهم بي صدمه
دقائق ووصل الخبر للكل
أروى رقت دارها تجري وتبكي مصدومه رنت ع فراس ترن عليه ينادي ما يردش بعدها طلعلها مقفل لأنه فراس قفله
طاحت أروى ع السرير وانهارت تبكي والكل مصدومين ومش فاهمين شي
صافيه تبكي:شن فيه كنه فراس😭😭
ام أروى بي صدمه:أنا مزال مصدومه مش فاهمه شي ولدك كنه توا خلاص كان ع وشك بيخش بيلبسها كيف يدير في بنتي هك كيف😭😭
صافيه تبكي: والله حتا أنا مش عارفه أنا أروى رايدتها ونبيها ويعلم الله بس فراس كنه مش عارفه
زينب:اهدن توا نفهموا

عند الرجالة صارت ضجه كبيره ومفتاح طارتله وجعاته أخته وقعد متعصب ويعيط ويهدوا فيه عويل عمامه
احمد بات فراس:الله يربحك يا فتحي اسمعني وافهمني شن نقول
فتحي بات أروى جا قعد وكلهم جو قعدوا يالاه
أحمد:صلو ع النبي
كلهم:وعليه افضل الصلاه والسلام
احمد:مانبيش يا فتحي نأتو بي أي خطوه لعند نفهموا من فراس ارجوك نترجاك انا والله الولد بنتكم رايدها وقريب ينكلب عليها بس مش عارف شن الي جاه وقلبه أنا نبيكم تصبروا عليا لعند نفهموا من فراس بس نحنا نسايب من قبل وقعدنا اهل مشكله بسيطه أكيد سوء تفاهم وح ينحل
فتحي تنهد:والله يا احمد كلامك ع العين والراس وانت راجل مافيش منك وطيب وانا واثق فيك بس الي داره فراس هدي إهانة لنا مفروض من قبل كان يبي يوقف في نص الطريق مش توا يوم الخطوبة
احمد:والله حقك مهما قلت حقك والله يلوم اللي يلومك وكلامك صح وانا معاك في كل حرف قلته بس أنا قصدي إنه أنا لو ولدي عارفته يلعب وما يبيهاش كنت طول فسخت وحزت بس يا فتحي والله يبيها البنت ورايدها حتا الفرح قال بعد 4 شهور الولد فرحان مش عارف شن صار خليني نفهم ونرد عليك
خو فتحي:تسمحلي يا فتحي ندخل
فتحي:اكيد يا خويا
خو فتحي:والله انا شايف أنه احمد راجل ونعم الرجال ليش ما تسمع كلامه وتخليه يفهم السبب قبل
كلهم الي في المربوعة :صح كلامه
ابراهيم:وانت نأكدلك يا عمي أنه فراس يبي ورايدها بس الي صار ح نعرفوه
فتحي شاف لي مفتاح ولده الي كان متعصب ومش راضي يبيهم يفسخوا وهك
فتحي هز راسه:تمام بس عندكم 3 أيام بس
احمد فرح:تمام وتوا اسمحلنا بنعدوا والله مش قادر نشوف لي وجهك أنا متحشم منكم
فتحي:ربك هك رايد
أحمد: شاهين رن ع العيلة
رن شاهين ع أمه وقاللها هيا
شوي وطلعن كلهن بعد ما صافيه كانت منهارة وأكثر وحده مضايقة بعد أروى تحب أروى بكل وفرحانه لي خطوبة ولدها بس فجاءه صار شي  غير متوقع
ركبن السيارات وطلعوا كلهم مفروض يطلعوا فرحانين بس طلعوا مضايقين😭
ما عاد الحقيره كوكب ونهلة بيموتن من الفرحه
ونهلة ما كانتش عارفه أنه كوكب السبب بس كانت فرحانة...
--------
أما عند نسرين وجهاد
نسرين:جهاد أنا فكرت وقررت نعطيك فرصه ونبدوا حياتنا من الصفر مع بعض وانا وعد عليا ح نحطك في عيوني أنا فرحت واجد بعد شفت التحسن الي بدا يصير معاك وفرحت بكل  وقررت نعطيك فرصه ونعطي لي زواجنا فرصه ♥️
جهاد فرح من قلبة وعبر عن فرحته بي حظن حظن نسرين بي قوة وفرحان
نسرين ابتسمت وطبست راسها♥️
جهاد حاظنها بي قوه وكأنه يقوللها انتي ليا وبس وكأنه خايف تريح من ايديه ♥️
جهاد :وعد ح نحطك في عيوني ح ندير كل جهدي عشان نسعدك وما نقصش عليكي شي ومستحيل نزعلك نبيكي ديما تضحكي نسرين أنا نحبك وربي نحبك انتي الشي السمح في حياتي حياتي ما كانش لها طعمه بس لما انتي خشيتيلها تغيرت لي 360° درجه وربي فرحان بكل ومش قادر نعبر عن شعوري وربي يا نسرين نموت فيكي 😍😍😍♥️♥️♥️
نسرين فرحانه من كلامه ومبتسمه  من قلبها وكيف أنه جهاد يحبها الحب هدا كله وفرحت لي قرارها ♥️
نسرين ابتسمت وذبلت عيونها :محلاك ومحلا 😫💗
جهاد ابتسم وقرصها من خشمها :مراتي في شن خاطرها توا؟💗
نسرين ابتسمت وقعدت عساس تفكر :امم من أي ناحيه
جهاد:كل شي
نسرين:خاطري في قعدة ع البحر ومعاها بوشار ونتفرج ع البحر 🥺💗
جهاد ابتسم:انتي بتجنينيني بسيطه وتهبلي وفوق منها حتا الي خاطرك فيهن بسيطات كيفك بساطك هدي بتخليني ننجن🤤
نسرين ضحكت :وانا نبيك تنجن 😂♥️
خشت تجري :نعدي نلبس
جهاد يضحك عليها
فتحت الدولاب طلعت منه قميص اخضر ومعاه سروال بوي فريند اسود وخشت الحمام لبست ودارت روج وردي بس وباقي وجهه ما دارتش شي
شافت للوشاح في يدها وابتسمت لبساته كان لونه ابيض لفاته بي طريقه حلوه وجاي عليها احلى من بلا وشاح وااااااجد🤤♥️
طلعت لي جهاد وابتسمت ونزلت راسها
جهاد شافها ناض بي فرحه ومبتسم
نسرين:احم أنا نبي نقولك أنا قررت نتحجب
جهاد عيونه بيطلعن من الصدمه والفرحة:تحكي جد؟😍😍😍
نسرين ابتسمت:جد الجد أنا القرار هدا ليا فترة نفكر فيه وما حكيتش فيه لي حد بس لما جيت للمكان الطاهر هدا جاني الهام كبير أني نلبسه وتوا بي إذن الله ماعش تطلع بدونه كأنه ربي اكدلي إنه نلبسة عارفه حرام وغلط في الدين ضروري بي وشاح بس توا كيف اقتنعت وثبت لي ربي واكيد ح يقبل ثوبتي ♥️🥺
جهاد مسك يديها بي فرحه وباسهن :ربي يخليك ليا ويكملي بي عقلك💓💓
نسرين ابتسمت
طلعوا مع بعض جهاد شراه بوشار (سبول + فوشار ) ومع شوكلاطات وطلعوا للبحر قعدوا يحكوا ويتعرفوا ع بعض أكثر ويتفرجوا ع البحر 💓. ..
--------
عند فراس جاته رسالة آخره فتحها وفتح عيونه بي صدمه
(بنات اسفه في الحلقه 15 تلخبطت كتبت جهاد بنكتب فراس كتبت جهاد♥️)
طبعا هوا قفل تيلفونه لما أروى رنت عليه بعدها فتحه ولقاه الرسالة مكتوب فيها