دائرة النصيب ♥️

الحلقه 5

#الكاتبة_ژوژو_الطشهه

#دائرة_النصيب

#الحلقة_5

#لااااايك_قبل_ماتقري❤️🌸.

#تعليقات_بعد_ما_تكملي❤️.

فات باقي الوقت ع الساعه 9دق حوش  هل نسرين طلع أيمن يفتح  لما فتح استغرب لقاها بنت
أيمن:اهلين تفضلي
بنت:أنا ممرضه هدي حوش الدكتورة نسرين صح
أيمن:صحح
نسرين:في حالة لازم تجي للمستشفى توا
أيمن:ومافيش تيلفون😒
بنت انحرجت:نرن عليها خارج التغطيه 🙂
ع طلعة حليمة
حليمة:من ع الباب
أيمن:هدي ممرضه مع نسرين
حليمة:أهل تعالي بنيتي خشي كنك واقفه
جت الممرضه وسلمت ع حليمه
ع طلعة نسرين لابسة
نسرين شافتها بي استغراب:جود🙄
جود الممرضه:اهلين دكتورة نسرين
نسرين:اهلين
ممرضه:جيت بنقولك أنه في حالة طارئه ولازم تجي
نسرين بي استغراب:قصدك حالة متاع الشاب الي مضروب رصاصتين في صدرة ورجلة؟
ممرضه:لا هداك طلع حالة جديده
نسرين انصدمت : طلع؟؟
أيمن شافلها:انتي وين ماشيه
ع نزلة سعاد
سعاد :أيمن تعال نبيك
أيمن عدا معاها بعيد عليهم شوي:نعم يا قلبي
سعاد بي دلع: حبيبي امبدري مش حكيتلك ع نسرين وقتلك توا موعد مشيتها بتبات والصبح ترن علينا نروحوا بيها شن نسيت
أيمن يشوفلها وذايب فيها:نعليا أنا ما نقدرش ناخد بوسه🤤🤤🤤
سعاد:وصل نسرين وتعال يا قلبي هيا
أيمن عيونه قلوب: حاضر 😍
عدا ايمن
أيمن:نسرين هيا
نسرين فرحت وشافت لي سعاد عزقتلها بوسه طايرة سعاد ردتها لها وشافتلها بي نظرة انتصرنا😎😂♥️

(إن كيدهن عظيم 🔥😎)

طلعت نسرين ركبت مع ايمن بعد ما سلمت ع أمها وسعاد وأمها وصتها وهك والممرضه طلعت حتا هيا للمستشفى عندها مناوبة غادي وهك...

بعد شوي درس أيمن السياره
أيمن:بكرا نجيك ع الساعه كم
نسرين:ع الساعه 9
أيمن:وجهك توا😒
نزلت نسرين وتنهدت ع حال ايمن خوها وقعدت تممشي لعند باب المستشفى

تعالن نحكيلكن ع نظام دبش نسرين طبعا كيف ما قلتلكم حالتهم كويسه يعني مش ناقصهم شي بي رغم معاملة ايمن وهك إلا أنه نسرين أمها مدلعتها بكل وديما تشري دبش وهك المهم نسرين كيف ما قتلكن في المقدمه مش متحجبه تلبس في سروايل واسعات شوي لانه سيد السيد أيمن مانعها منهن بس هيا ذوقها خيال تلبس في البوي فريند هوا واسع شوي اصلا هكي نظامه المهم وتلبس معاه في جاكات لعند الركبة وهكي وشعرها طويل ولونه يهوي يجننننن بكلللللللللللل ديما ادير فيه كودة (كعكعه) تهبل مرخيه هك ومرات تلبس في بالطوات طوال بكل لعند لوطه الوان حلوه هكي 💙

اكيد تقولن كيف أيمن خوها وواعر وهكي مخليها بدون حجاب هيا مش مقتنعه بيه أو تقدرن تقولن ماحدش خلاها تقتنع بيه وباتها جوا ايزي هوا الوشاح بي قناعه يلتس ف هيا لازم تتقنع وتلبسه عشان هكي خالد ما دخلش أو حتا لما يدخل أمه تقوله الوشاح قناعه أنه نقصدلكن أنه هوا فرض صح بس نحكي لازم تلبسيه بي قناعه بي نيتك مش حد يفرضه عليك هكي كأنه مش لابستيه فهمتن عليا 💙...