A crazy fanfic by me. It has a little masala , a little crackheadness , tonnes of laughter and infinite desi dhamaka. Bts in the daily indian life - how is it going to be? Are up for this indian drama?
cover by-Dippy08, @Dippy08 thanks for the amaz...
Jimin bhaiya , Namjoon bhaiya aur Taehyung sofe par viraajmaan the aur Jin bhaiya kuch na kehete hue bas aage peeche, aage peeche chale jaa rahe the sofa ke around. Jungkook wall pe peeth tika ke pure scene ko review kar raha tha aur Hobi and Suga do peherdaar ke maafik Sinu ke dono baju main tainad the. Is pure situation main jo ek cheez unusul thi , wo thi ki 1 pura glass shudh daaru gatakne ke paschat , Sinu ek dum siddhe baithi hui thi . Naa koi pagalpanti naa piyakad waali baatein ek dum shant and civilised .
"Jimin , mujhe ek baat bata . Tujhe bola kisne Sinu ko daaru pilane ke liye?"Jin bhaiya ne pucha.
"Maine nhi pilayi bhaiya . Main to glass aapke liye rakh ke gaya tha. Wo toh Tae ka kaam hai. Aise kaam main nhi karta sach main . Ram Ram . Aisa kaam main sapne main bhi na karun ."
"Ae Fake love ke Nakli Love guru. Apni behakti baaton ko apne andar waapis daal samjha . Tune daaru ki glass table pe rakhi hi kyun ? Rakhi to Rakhi , daaru kaach ke gilaas main nhi de sakta tha ? Kamse kam pata to chal jata mujhe. Saara ka saara kand isike wajah se hua hai bhaiya ."
"Chup Kar O fatichaar acting ki dukaan , Phone ke andar ghusa pada tha tu. Apni mundi phone se bahar nikalta to na pata chalta."
" Ye log ka toh samajh main aata hai bhaiya , par meri investigation kyun ho rahi hai ? Kis baat ki sajah mil rahi hai mujhe ?" Namjoon bhaiya ne akasmat pucha.
"Is poore drama main sabse badi galti toh teri hi hai. O 148 IQ wale teri buddhi main ye 1 , 4 aur 8 kya picnic manane gaye the?" Jin bhaiya ne bola jis ki wajah se Namjoon bhaiya ki 148 IQ se bhi koi comeback nhi mila.
"Par bhaiya jis insaan ne pi hai usne to ab tak koi harkat ki hi nhi. Ek dum shant baithi hai dekho. Aap toh khamakha hi in logon ko daant rahe ho." Jungkook ne kaha aur ek nazar ghumai sinu ki taraf jo ab tak bas tukur tukur karke badi badi ankhon ke saath saare ladkon ko dekh rahi thi.
"Phone" sinu ne kaha. " Bhaiya ye phone mang rahi hai dun ki nahin " hobi bhaiya ne kaha " De de . Pine se zyada bada kand aur kar b kya sakti hai ye. Thodi na koi abhi pagalon jaise naagin dance karne lagegi." Jin bhaiya ne kaha.
"...but jin bhaiya, kya aap 100% sure hain ? lock kar diya jaaye?" Yoongi sir ji bole kyunki sinu ke haal chal unhe ajeeb wale vibes de rahe the.
"hey prabhu! dettol b 99.99% kitanu ko marta hai . Main baki ka % kahan dhundhu? zyada bakwas mat kar dede use." Jin bhaiya ne ultimatum de diya aur phone pahuncha sidha sinu ke haath main.
Wait a second , your author warns you that this is going to be crazy. Popcorn laake apne seat pe baith jaiye. The real show starts now. Enjoy!!!😎😎😎
Jaise hi phone gaya sinu ke haath main , sinu opened spotify and.....😏😏😏
Achanak gaana bajne laga - 🎶🎶Haaye rama ye kya hua , Kyun aise hume satane lage...🎶🎶 aur sinu ke body se nrutya ki dhaara automatic behene lagi.
Jo log sofe pe the wo piche ghum gaye aur jin and jungkook become jungshook. Yahan Hobi bhaiya aur yoongi bhaiya ke chehere par weird sa expression tha , see for yourself 😜😜😜
Oops! This image does not follow our content guidelines. To continue publishing, please remove it or upload a different image.
