"မင်း အဲ့ဒီ Band ထဲကထွက်လိုက်တော့"
"ဘာ"
မြဲ ကွန်ဒိုရဲ့ဧည့်ခန်းမှာရှိတဲ့ဆိုဖာခုံမှာထိုင်ပြီးပြီးချင်း မြဲကပြောလာတာဖြစ်သည်။
"ငါပြောတာနားမလည်လို့လား အဲ့ဒီ့ Band ကနေထွက်လိုက် ပြီးရင်အဲ့ဒီဘားမှာလည်းသီချင်းမဆိုနဲ့တော့"
"ငါသိတယ် ငါနားလည်လွန်းလို့ပြန်မေးနေတာ ငါကဘာလို့အဲ့ကနေထွက်ရမှာလဲ ငါအဲ့ဒီကနေထွက်ပြီးဘာလုပ်ရမှာလဲ ငါအဲ့ဒီ Band မှာနေလာတာ 5 နှစ်ကျော်နေပြီ"
သာလွန် စိတ်တိုပြီးထိုင်နေရာကနေထရပ်မိသည်အထိပင်။ သူ ဒီလောက်တော့ပေါက်ကွဲခွင့်ရှိသည်ဟုထင်မိသည်။ မြဲက တကယ်မစာမနာပြောရက်ပေသည်။ သာလွန်က Band ကနေထွက်ပြီးဘာလုပ်စားရမှာတဲ့လဲ။ ကိုယ့်ဝါသနာနဲ့အသက်မွေးဝမ်းကြောင်းပြုနေရတာကို တကယ်မစွန့်လွှတ်နိုင်ပါ။
မြဲ အဲ့လိုမျိုးလက်လွတ်စပယ်ပြောလာတာက သာလွန့်ကို ဝမ်းနည်းစိတ်ဖြစ်စေသည်။ မြဲရဲ့ပုံစံကလည်း နည်းနည်းမှလျှော့မည့် ပုံမပေါ်။ သူ့အလိုအတိုင်း၊ သူဖြစ်ချင်တဲ့အတိုင်း သူ့သဘောကျ သာလွန်နေပေးနေတာကို အခုသာလွန့်အလုပ်ထိပါ ဘာလို့လဲ။"ဘာလို့လဲဆိုတော့အမြင်မတော်လို့လေ မင်းကဘားမှာသီချင်းဆိုတဲ့ကောင်လေး ချူဆီဆိုပြီးနာမည်ကြီးနေတာ ကြာရင်ငါ့ကိုပါထိခိုက်လာဖို့ရှိတယ် ဘာလုပ်ရမှာလည်း ဆိုတော့ မင်း ငါ့ဘေးမှာနေပေးရုံနဲ့ ပိုက်ဆံတွေအများကြီးရနေတာပဲ ဘာမှလုပ်စရာမလိုဘူး"
"မင်း ငါ့ကို တကယ်ပဲဘယ်လိုသတ်မှတ်နေတာလဲ မြဲ! မင်းနာမည်ထိခိုက်မှာစိုးရင် ငါတို့မတွေ့လို့ရတာပဲ ဘယ်တော့မှမတွေ့ဘဲနေမယ်လေ ငါကတော့မထွက်နိုင်ဘူး ဒါငါ့အလုပ်"
"ဘာလဲ အဲ့ဘားပိုင်ရှင်နဲ့မခွဲနိုင်လို့လား သူကငါ့ထက်ပိုကောင်းနေလို့လား"
"မင်း မဆိုင်တာတွေမပြောနဲ့"
"အဲ့ဒါဆိုထွက်လိုက်လေ"
"ငါမထွက်နိုင်ဘူးလို့ပြောပြီးသားမလား"
"မင်းမထွက်ဘူးဆိုရင် ငါအဲ့ဒီBand ကိုဖျက်ဆီးပစ်မယ် Band ရဲ့အဖွဲ့ဝင်တွေမှာလည်း မိသားစုတွေရှိကြမယ်ထင်တယ် ဘယ်လိုလဲ"
![](https://img.wattpad.com/cover/284188300-288-k192698.jpg)
YOU ARE READING
အနက်အဓိပ္ပါယ် ဖွင့်ဆို၍မရနိုင်သော(အနက္အဓိပၸါယ္ ဖြင့္ဆို၍မရႏိုင္ေသာ)
Romanceတည်မြဲစေ♡သာလွန်ကောင်းကင်