#جنان_في_بيت_صعيدي 🙆🏻♀️
#الحلقه_9💥.
عمار بضحك ،،، مبلاش ونخلي الطبق مسطور هههه.
فاروق بضحكه خفيفه،،،، هههه لي بس هو الشغل عيب!
عمار وبتكلم بالفطره وبروح طيبه وكأنه بكلم صحبه ،،، لا مش عيب بس انا مبحبش اتكلم عن انجازاتي كواحد ساقط خمس سنين ثانويه عامه وعنده خبره واحد زي يا ابني.
فاروق بصدمه،،، خمس سنين مش معقووول واختك مدرسه كماان!
دنيا بتمثيل،،، ونبي يا اخ فروق لتسكت اصل انا غلبت معاه يا ابني يا حبيبي اذكرلك وده ولا حياه لمن تنادي يقولي لو نجحت هسقط تاني ازاي هو حر بقي دا مستقبله.
عمار بتنهيده،، بصراحه يا فروق انا يعني بشتغل وبكسب من شغلي ف اي الفيده.. بس علشان خاطر ماما بس مكمل.
فاروق بنصح،،،،، يا حبيبي افهم التعليم كويس علشان لما تتجوز تعرف تعلم عيالك وكمان تفتح بيت و...
عمار بضحك،،، لا منا مدبس قصدي متجوز وان شاء الله الفرح بعد النتيجه بأذن الله مجبش الكحكه الساته ولا انتي يا حجا نفسك فيها والله من عنيا انتي عرفتني بعزك.
نرجس وبتضرب ابنها بخفه علي كتفه،،،، بس يا موكوس.
عمار،،، كدا يا ماما علي الملاء وقدام الشعب ااااه شفت يا فاروق قد اي احنا عيله متماسكه هههه.
فاروق ضحك هو ووالدته وفعلا انخرطوا معاهم في الكلام وفاروق كان مستمتع معاهم جدا وقبل ما يمشوا..
عمار،،، فرفر نتقابل علي القهوه متنساش وهعرفك علي احمد صحبي الصديق الصدوق هتحبه اوي.
فاروق،،، طيب هحاول اجي بعد الشغل.
عمار نزل مع فاروق ووالدته علشان يوصلهم من باب الزوق. اما دنيا قعده تتنطت علي الكرسي،،،، اعااااا يااااس يا بت يا جهااااااااااد.
جهاد طلعت تجريمن المطبخ،،، هااا اي كويس.
دنيا بهدوء ونزلت من علي الكرسي وقعدت بسرعه عكس الحاله ابهمجيه،،،، والله يا بنتي شكله كدا علي رئيك محترم بس تصوري يا جهاد لابس شبشب مش جذمه لااء الواد دا عايز عمره من اول وجديد انا هظبطه بس احم يوافق الاول.
جهاد بتنهيده،،، الله يكون في عونه هيلبس مصيبه.
دنيا،،، بتقووولي حاجه!
جهاد،،، لااالااا بس يارب يوافق.
دنيا باسي،،، مش هيوافق تعرفي لي بقي.
جهاد،،، لي.
دنيا،،، والله العظيم معرف.
نرجس بتفتح الباب الي خبط،،،، شريين اهلا اهلا ادخلي يا حببتي تعالي.
شرين (والي هي مرات عمار بس لسه مش عملوا الفرح)،،،، ازيك عمله اي.
دنيا بابتسامه وهي قعده،،، اهلا اهلا مرات اخويه تعالي يا جميل اقعدي جمبي اصل الجو مش هنا.
شرين قعدت جمبها،،، اي اخبار العريس.
دنيا،،، قدامه يومين ويطفش كدا.
شرين،،، بطلي هزار بقي مش انتي وعمار .
عمار والي دخل فجأه،،، وماله يختي ماااله عمار دنا باشا ولا كل الباشاشات في البلد.
شرين بتنهيده،،، ازيك يا عمار.
عمار وقعد علي كرسي،،، اي يا بت الدخله دي هو انا ضورتك ولا اكنش جوز امك ونا معرفش.
شرين،،، اسكت يا عمار بقي.
عمار،،، شرييييين.
شرين بصتله،،، اييوه.
عمار،،، تشربي اي يا قلبي.
جهاد،،، لا حمش.
دنيا وبتشد جهاد وراها بضحك،،، يلا احنا علشان منبقاش عزول.
عمار،،، كلك نظر يا حببتي والله ( عمار قام وقعد جمب شرين) ها يا روح عمار عمله اي.
شرين بزهق،،، بقولك اييي سبني في حالي.
عمار،،،، لي بس مش احنا اتجوزنا بقي الحال بتاعي والحال بتاعك حلحول واحد مش احنا بقينا شركاء في الحياه و و (وبيكلم نفسه.. ياااب هو احمد قلي اي تااني اقوله امم) ااه و حببتي الي في قلبي وبس.
شرين،،، مهو واضح، وبعدين مش كنت قيلالك هتلي تلفوون يا عمار مجبتليش لي!
عمار،،، من عنيا هجبلك واحد علي بكره هاجي اقعد معاكي ومعايه الموبيل.
شرين،،، بجد ولا بتاخد بعقلي حلاوه.
عمار،،، يعني انتي بتطلبي مني حاجه وانا مش بجبلك.
شرين،،،، لا بتجبلي.
عمار بتمسيل،،، اوعي كدا يا شوشتي اوعي كدا علطول كدا مستكرداني ولا اكني واكل ورثك، اخص عليكي مكنش العشم بتظني فيا الظن البطال.
شرين بزهق،،، عمااااار.
عمار،،، قلب عماار تحبيه نص سوي ولا نص مشكل.
YOU ARE READING
جنان في بيت صعيدي 🙆🏻♀️
Mystery / Thrillerفتاه اختبأت في وكر صعيدي لتقي شر عمها ولاكن هل ستنجوا في هذا الوكر.... كوميدي، جنان ، رومنسي كل هذا واكثر.. بقلمي: Asmaa Habib
