"Hey! Min.." [Completed]

(18)

Jungkookကသဘောတူခြင်းဖြင့်
သိကျွမ်းခဲ့ရသော ကောင်လေးဟာ ဆိုးတော့မဆိုးလှ.။ ပန်းခြံပိုင်ရှင်၏သားဖြစ်ပြီး ဖွင့်ပွဲကိုဖိတ်လာ၍ နှစ်ယောက်သားအတူလိုက်ခဲ့ကြသည်.။ သူ့ဘက်ကနေအပျင်းပြေတွဲကြမလားဟူသည့် ခပ်ပေါ့ပေါ့တောင်းဆိုမှုမှာ ဘာရယ်ညာရယ်မပြော ကောင်လေးကလည်းအီစီကလီထု၍ သိပ်ကောင်းသည်.။

သူ့အားဘယ်လောက်တောင် မိန်းမတွေထက်ယောက်ျားတွေကတမ်းတမ်းစွဲကြကြောင်း...သူတို့မိသားစုဟာ ဘယ်လောက်ကျိကျိတက်ကြောင်း...တခြားလူဆိုရင်တော့မူနေမှာမှန်ပေမယ့် Hoseokလိုလူမျိုးကတော့ နှစ်ခါစဥ်းစားစရာမလိုသည့်လူဖြစ်နေကြောင်းတွေကို မမောနိုင်မပန်းနိုင်ပြောပြနေခြင်းအား အပျင်းလည်းပြေ၍ ကြွားလုံးထုတ်မှုတွေကိုမေးထောက်ကာ နားထောင်နေလိုက်သည်.။

နားညီးသည့် ဒဏ်ကိုတော့မခံနိုင်သော်ငြား
ကိုယ်ကအသုံးချဖို့ရည်ရွယ်ထားသူမို့
ဒီလောက်လေးတော့ စိတ်ရှည်ပေးဖြစ်သည်.။ ကောင်လေးကလည်း တကယ်ကိုလှပါသည်။ ဆံပင်ပန်းရောင်တွေကို တစ်မိနစ်ခြားတစ်ခါသပ်တင်နေသလား ထင်ရပြီး နှုတ်ခမ်းထူထူတွေကို ဆူရင်းထော်ရင်း ပေါက်ပေါက်ဖောက်နေရှာသည်.။

" အဲ့လိုမျိုးဆို သိပ်စိတ်ရှုပ်တာပဲ.။
ကျွန်တော်ကလည်း လှတော့လေ..ဟုတ်တယ်မလား"

"ဒါပေါ့...Jiminက သိပ်ကိုလှတာ.။ အဲ့ဒါကြောင့်လည်း ကို်ယ်ကသဘောကျတာပေါ့."

ကျေနပ်သလိုပြုံးရယ်သွားခြင်းအား အသည်းယားလာ၍ ဆံပင်ခပ်ရှုပ်ရှုပ်လေးတွေကို ထိုးဖွကာ စမိနေတုန်း

" Jung Hoseok!!!!! "

ရုတ်တရက် ဘယ်ဆီကမှန်းမသိ ဟိန်းထွက်လာသည့်အသံနက်ကြီးတွင်
Jiminမျက်လုံးလေးတွေဝိုင်းသွားပြီး ခန္ဓာကိုယ်လေးလည်းသိမ့်ခနဲတုန်သွားသလို Hoseokလက်တွေလည်း ပန်းရောင်ဆံပင်တွေထဲကနေ ဖျတ်ကနဲ ခွါထွက်သွားသည်.။

ခေါင်းထဲသွေးဆောင့်တက်သွားသလိုဖြစ်ရခြင်းက သူ့ကိုအမဲဖြတ်မလိုကြည့်နေသည့်Min Yoongiကြောင့်ဖြစ်သည်.။ အသံဘယ်လောက်အောင်သလဲမေး Jeon JungKookနားကြပ်ထဲကသီချင်းသံကိုတောင်လွှမ်းမိုးနိုင်သည်အထိပင်.။