دموع جنات

part1

يابعيد العين يا محراب گلبي  انتَ بعيون النجم ماي وغناوي  انتَ عصرية مطر چاي الگه ..

هلو اسمي جنات من ذي قار ادرس خامس علمي عمري١٧ عندي ٣ خوات ٢مزوجات ووحده مخطوبه
......
كاعده ع السطح والهوى يلفح بوجهي اجتني اختي دعاء..كالت تعالي اجونه بيت عمو طاهر..
اني كلش ضجت وكتلهه روحي اني مانزل
كالت..لتخافين أسر مااجه وياهم وراحت..
.
.
.
نرجع لقبل ٥ سنوات..جنت سادس ابتدائي وستوه راجعه من المدرسه وحدي لأن اني كلش انطوائيه وماعندي ولا صديقه ومااختلط بأي احد احب دراستي كلش...
ف صادفني ب الطريق أسر ابن عمي وكلي تعاي وياي لان محد ببيتكم اهلج عدنه اني صدكته ومشيت وياه بس جانت نظراته كلش مقرفه وصلنه للبيتهم وبقه يتحارش بيه ويسوي حركات بحلكه مقززة..ف كمت ابجي واصرخ(وجذب طلع محد بالبيت)وبعدها كتلني و كال اذا حجيتي الاحد اموتج اني كلش خفت منه ف التمزمت ب الصمت ورجعني لاهلي ف كمت من يجينه ابد مااطلع..
.
.
.
فزيت من صفنتي مره ثانيه من ماما عاطت بيه حتى انزل لان اذن المغرب نزلت صليت وتعشيت وغسلت المواعين ورحت اخذت فوني وشفت
جايتني هوايه مسجات من رقم غريب فتت عليهن
كاتب(أسر ابن عمي)
.... حاجيت ابوج وكتله جنات الي من تخلص سادس
اعقد عليهه اني هنا فقدت بقيت بس ابجي واصرخ
والي صدمني اكثر ابويه موافق..رحت نزلت جوه يم اهلي وكتلهم شلون توافقون ع زواجي من أسر
بابا كلي غصباً عليج تقبلين أسر احسن من الغريب
مهندس وحالته الماديه زينه بعد شتردين
كتله الله لا يوفقكم ليش هيج اجبروني واني لسه
صغيره اجه هد عليه بابا وكتلني موتني تموت
....
راحت ايام واجت ايام نجحت للسادس وبديت واجتهت في سبيل انجح ..امتحنت نصف السنه
ونجحت بمعدل ٦٥ اجه عمو طاهر ابو أسر
يوز ببابا كله جنات بنصف السنه مادبرتهه بطلهه
وخلي ابني يستر عليهه..بابا وافق وكله خوش
كبع واخذ يمته ماتردونهه اني هنا فقدت ابجي
الليل كله اجه يوم المهر لبست بدله لون فستقي
وخليت شعري مفتوح لان احبه كلش وهو طويل
ومكياج خفيف طلعت كلش حلوه بيومه بس بلا
نفس كاعده ع الكوشه جسد بلا روح..

عقدلنا السيد وثاني يوم رحنه عقدنه محكمه وصرت زوجه لأكثر شخص اكرهه ب الدنيا شرعا وقانونا..
سحب مني الفون ولبسني عباية راس
وره ٣ اشهر من الخطوبة رحنه اني وياه
نشتري غرفة نوم وطبعا غصبا عني طلعت
وياه..بعد مااشترينه الغرفه اصر عليه نتعشه بمطعم
كاعدين ننتظر الأكل دك موبايل أسر..
مكتوب زنو بغداد..جاوبهه كدامي وكلهه
هلا حبيبتي ..اي والله طالع ويه خطيبتي العرمه هنا انصدمت واني منا اريدلي حجه حتى بس افسخ الخطوبة
هديت عليه ارزل بي واكله ليش تخوني والا
اكول البابا عليك واله افسخ الخطوبة
كال اسمعي كلش زين..ترا اني مزوج وابوج يعرف
اني اهنا حقدت ع بابا اكثر ..وكمت ابجي
بعدها رجعنه
....وره شهرين اجه موعد زواجي واني كاضيتهه بجي
طبعا اني مالبس حلقه ابد..رحنه لسوك اني وماما
حتى اجهز نيشاني..جاي امشي ب السوك واني شايله العلاليك وماما متكدر شايله شيء قليل انطكيت بولد

جان طويل وجسمه رياضي شعره مو كلش عالي واسمر ولابس دشداشه نيليه ووياه صديقه يمكن
كال ثول شمالج ماتشوفين عميه.. اني سكتت وشلت العلاليك حتى ماكلف نفسه وشال وياي
رجعنه للبيت ميته تعب بس بقت صورة هذا الولد
ببالي كعدت الصبح هم رحت للسوك ماما اصرت
عليه اشتري سيتات نوم..رحت اشتريت اثنين سيتات ابيض وواحد احمر شفت مريه جبيره ب العمر شرفتني واكفه اختار سألتني كالت خاله انتي مخطوبه متزوجه كتلهه اي خاله مخطوبه جريت حسره وتنهدت وكتلهه بس غصب عني وطبعا ماما هي الي اختارتلي سيتات النوم..كالت يا ليش خاله وانتبهت للولد ابو المحل هو نفس الي صادفته البارحه..شفته صافن عليه ومبين عليه سامع كل
كلامي ويه المره..شفته تأفأف وجر حسره
ماما صاحتني حتى نرجع للبيت استأذنت من المره ورجعنا للبيت وكلش تعبانه..

قبل العرس بيوم اجتمعنه اني وخواتي واني ابجي وهنه يصبرن بيه نمت كعدت ثاني يوم عيوني مورمه
من البجي وهالات جوه عيوني تريكت ورحت للصالون راحت وياي اختي ملاك لبست بدله بيضه ردان ولبست حجاب ابيض لان العرس بقاعه مختلطه  لفة تركيه صار يجنن.. دخلت للقاعه وهواي ناس جايه قرايبنه واصدقاء أسر ناس تركص وناس تاكل وتضحك ومتونسه واني بس ابجي حتى مكياجي خرب ولهناك واشوف الولد ابو المحل يركص ويه أسر انوب شالوه ويركصون ويضحكون اني هنا انصدمت معقوله يكون صديق اسر؟!!
بقيت اباوع عليه ..بعدهه اجه أسر كومني حتى نركص.. اني رفضت وكوه يلا كمت وياه عبالك كاعده بفاتحه مو عرسي المفروض اكون فرحانه بهيج يوم  
بس!!!
بعدين انتبهت ع هذا الولد لكيته يباوع علينه بصدمه
.. قطعنه الكيك ورحنه للفندق اجتي ماما وخالتي وامه ومرت عمي يوصن بيه..دخل عليه أسر واجه يتقرب مني ويكلي احبج ومن هل امور واني بس ابجي واصرخ واكله مااريدك مااحبك ومااحس غير اجاني راشدي فرني فر وجهي صار نار ونزع الحزام
واني اتوسله حتى ميضربني بس هو وين يسمع صاير اعصاب وبده يضربني بس شنو اني فرفحت من الوجع وبعدها اغمى عليه وماحسيت غير اني ب المستشفى وهو واكف بره الغرفه بس اشوفه لان الباب مفتوح..معلكيلي مغذي واني بس اون من الوجع ..بعدها رجعنه للفندق بسرعه غفيت من التعب والألم اريد بس اهرب من الواقع..كعدت الصبح ع دفرات ع وجهي اني هنا متحملت وبقيت اصرخ وابجي واتحسب ع اهلي واهله وعليه لان هم سبب
الي الجاي اعيشه..سبحت لبست فستان وردي فاتح بي حاشيه من جوه ورد صغار لون سمائي وردي غامق خليت مكياج هواي ع مود اخفي آثار الضرب
ولبست شال سمائي رحنه لبيت عمي لكيته هوسه وعازمين كرايبنه كلهم ع الغده سلمت ع الموجودين وباركلوني وبقيت يم البنات جوه نسولف اجه وقت الغده الكل اتغده وراح واني صعدت فوك..وهو هم اجه صعد سبحت وبدلت لبست دشداشه ميدي قصيره صيفيه وسويت نفسي نايمه اجه هو حاول يتقربلي بس سويت نفسي نايمه وماانطيت اي ردة فعل
ثاني يوم مانزلت بقيت بغرفتي لان اني مااطيق خواته حيايه وامه هم ب١١ الصبح دزت عليه مرت عمو بت بتهه نضال كالت دكول بيبي خل تنزل الخاتونه تنضف البيت وتعجن وتخبز اني كلت خلي انزل وانعل الشيطان واشتغل حالي حالهن..نزلت نضفت البيت كله وعجنت معجنه كلش جبيره وخبزت هواي خبز وعمتي وحماتي نضال طبخن الغده واني صعدت اريد اسبح وابدل واصلي
وجان اشوف.....

يتبع..

         
                    الكاتبه زهراء العامري