دموع جنات

part 4

جنات..

هلي وناسي وحزن كلبي ومواويل وشعر شعبي
ورصاص احمر ترس كلبي بديت اكرهها منايركم ولا احبكم غريبه بعيني اساميكم

حيدر..
كُل النِساء كلماتٍ عابرة ، وأنتِ وحدكِ
نَصُّ القصيدة ✨
______________________________
....................................................
جنات..كُلنا منتظرين يوم الجمعه بفارغ الصبر
ب8 الصبح راحو عمو وحمويني..

اني التهيت بين التنضيف والطبخ صارت ب1 الضهر ومحد اجه فاتصلت ع عمو ميرد وعلى ضياء هم ميرد قلقت حيل فأضطريت اتصل على حيدر..
دك مرتين ومارد بقيت قلقه حيل.

ب3 الضهر اتصل عليه حيدر..

حيدر..الو هلا خويه.
جنات.. هلو حيدر شكو حيدر شصار شو محد يرد عليه.

حيدر.. والله نحكم على أسر.
جنات.. اي كول شكد وليش مااجلت القضيه علمود الادله انت مو كلت راح أجل القضيه؟؟؟

حيدر جر حسره وتنهد.. والله اني سويت كل العليه
وماعندي اي ادله فقط المحدثات ومن اجيت اشوف المحدثات طلعت سما حاذفتهن من يمهه..

جنات...يا وهسه شنو شكد نحكم عليه؟!
حيدر.. 5 سنوات.

جنات..عززززا صدك والله؟
حيدر اي والله لعد شنو الي اسويه البنيه صحت وماقبلت تتنازل عن القضيه لان الولد المات يصير أخوها.

جنات.. نهيت الحديث ويه حيدر بس كلش انقهرت على أسر .

نزلت جوه لكيت مرت عمي تصرخ وتنعى وخواته هم يصرخن ويبجن والولد ضايجين.

بعد نص ساعه رادو غده صبيتلهم وانطيت دوا لمرت عمي وصعدت خابرت امي وخواتي ونمت شويه.

كعدت المغرب البيت مخبوص عمامي ونسوانهم وولدهم وبناتهم كلهم جايين وخوال أسر وخالاته هم كلهن جايات.

التهيت اسوي عشه اني وايمان واختي ملاك هم اجت.

صارت ب 8 ب الليل الكل راح واني صعدت بعد مانضفت البيت.

كعدت الصبح ب9 لكيت عمتي كاعده وخواته كاعدات والبيت هوسه من وره جهالهن وكله وصخ مسوينه ومتريكين وماغاسلات مواعينهن رحت اني
غسلت مواعين ونضفت وطبخت الغده كملت الغده
صعدت ردت انام شويه صاحتني وفاء وايمان.

وفاء..تعاي تعاي بعدج مامكمله شغله وراح صعدين.
ايمان..اي اي تعاي غسلي ذني زوالي وبردات مال الاستقبال لان هليام يجونه خطار علمود رجلج.

جنات.. الزوالي غسلتهن قبل كم يوم .
وفاء..لاتجذبين دشوفيهن شون وصخات.

جنات.. انتن غسلهن ماناقصات لا ايد ولا رجل واني صارلي يومين بس اخدم اكول ميخالف من تنضيف وغسل مواعين وملابس وطبخ وماكتلجن تعالن ساعدني ؟؟

وفاء..ولج شو طالعلج السان يرادله كص.
جنات..احترمي نفسج اني مامقصره بشيء والزوالي غاسلتهن قبل كم يوم صعدت ع آخر بايه واجت
وفاء جرتني من ملابسي ودخلني للغرفه.