أنتقام الضابط نمر

بارت 8

انتقام الضابط نمر

الكاتبه الاء محمد

لاتنسوون التصويت+ متابعه الحساب

ـــــــــــــــــــــــــــــــــــــــــــــــــــ

واليَوم قَلبي من حَنينكَ قَد طَغىٰ
مَا أسهل الغُفران وما أصعَبكَ

ميرهان:_ شويه واجتني رساله من ساره

➖هااي وين اخذج نمر
وشنوو عدكم ورحتي وياا

اتصلت على ياسه واجاني صوتها يلعلع

ياسه:_ ولججج ميرهان شنووو
هذا  شسوه بيج خوما أذاج

ميرهان:_ اهدي حبيبتي اخذي نفس

ياسه:_ الخاطر الله شكد باارده
غير تحجين هسه

ميرهان:_ تذكرين لمن حجيتلج
على شخص الي جان يدزلي رسائل

ياسه:_ اييي شبي

ميرهان:_ هوو نفسه نمر اخو ساره
حجيتلها كلشي وهاي مصدومه

ياسه:_ بااعي ميرهان ديربالج نمر چبير
ما معقوله لسه ما مزوج او يحب يعني
أنتي وين وهو ويين فديري باالج

ميرهان:_ لاا اني اكتشفت فعلاً يحبني
شفت الحب بعيونه ااخ يا ياسه عيونه
يخبلن اتيه بيهن وما أندل بعد

ياسه:_ بسس هم ديري بالج ميرهان

ميرهان:_ تمام حبي

ودعتها وسديت الخط اتصلت على ساره
بس أتفاجئت من حجيتلها على كل الي
صار وبقت تمتمت بحجيها

ساره:_ باعي حبي ميرهان تره
نمر ميحب يدخل
مره بحياته انصحج تبتعدين عنه

ميرهان:_ لا حبيبتي هوو كالي أني أحبچ
وبعد الحاح منه يله قبلت بي

ساره:_ يصير خير

ميرهان:_ حجت هل كلام وسدته
اعتقد ضاجت بس من شنو معرف

نزلت تغديت بس احس روحي بغير عالم
مو وياهم، كملو غده لميت المواعين
وغسلتهم حسيت احد باسني بخدي
التفتت شفته علاء حضنته

ميرهان:_ هاا علاء شلونك

علاء:_ اوووف ياا ميرهان تعبان كلش

ميرهان:_ شبيك حبيبي

علاء:_ سويلي چاي حبيبتي

ميرهان:_ ما اصبلك غده

علاء:_ مااريد

سويتله چاي اخذته اله ما انتبه عليه
صافن وباله شارد گعدت يمه

- علاء ترا ما جاي ارتاح بتصرفاتك
هل ايام احسك مهموم احجي فضفض

فرك وجه بأيده وگال
علاء: ما ادري شحجي يالله صاعد انام