أنتقام الضابط نمر
الكاتبة الاء محمد
لاتنسون التصويت+متابعه الحساب✅♥
ــــــــــــــــــــــــــــــــــــــــــــــــــــ
ْماردت احبك حاولت
من لفظة اسمك حاذرت
كلمة وشلتهة من الحجي ومن اللسان أخفيتهة
وبيبان روحي مقفله وعن لا أحب سديتهة
صلفة امنياتي الرادتك
سألتني عنك بس صمت كلش ولا حاجيتهة
گالتلي: وينة.. وجاوبت..! مادري مادليتهة
ماردت احس حبك لان گلبك الروح انطيته
والخاطرك رحت اعتذر منيت بيهة لخاطرك
مثل الطفل لمن يمن بحاجتة
وياك اعز ناس انتهو
الشيخ:- بويه اسمعيني الي راح احجي
كلامج اذا مابي دغش وحقيقي انه وياج
والله وماخليج تروحين وانتي دخيله عندي
بس يابويه انه هم ماكدر اجذبن عليج
وكلج راح يعوفج رجلج بس اكله عوفها
تره سالفه العرض ماينسكت عليها
ومثل ما عرفت رجلج بلدوله وانه وياج
بس الحك يصير لرجلج اذا نرجع لحكم العشائري
حجيت والعبرة خانكتني:- شيخ اني ماريد
ارجعله وهو حتى مكاني ميعرفه
الشيخ:- بويه انتي دخيله يمي وماخلي شعره
اطخج اطمئني بويه
هزيت راسي، كامت خالتي واني هم نهظت
وطلعنه من بيت الشيخ ورجعنا لبيت خالتي
سيرين:- خالة شلون لو عرف مكانج
ميرهان:- مادري، بس الله يخلصني
من شره
راسي مصدع، كعدت بلكاع علزوليه
اجتي ريحانه كالت:- ميرهان تجين
وياي نحدر الهوايش
ميرهان:- ايي اجي وياج
جرتني من ايدي وكالت:- تعاي اشوفج
البستان شوفي هذا كله بستان عمي الشيخ
البستان كلش حلووو وجبير بي خضراوات
ونخل المنظر يخبل
دانمشي والبنات هيج يباوعن وخازراتنه
اجه صووت من وراي:- هاااي شسووون هناا
التفتت نور، طبعاً نور اسمر وطويل
وجسمه رياضي وملامحه حاده وشعره كثيف
ريحانه:- نتمشى انه وبنت خالتي
شلك غرض
اجه كمشها من كصيبتها وكللها:- ولج
صااايره رعنه
دايشاقون وهيه تضحك وتكله
مااعيدها بعد هد كصيبتيي
تذكرت ويلاد عمي شلون چنه نتعارك
على أقل شي ونخلص الكعده كلها متعاركين
بس دائماً كلوبنه على بعض ومانكره بعض
علاقتنه اخوويه
فززتني من صفنتي ريحانه وهي
وتكول:- تعااي اعرفج على بنات عمي
جرتني من ايدي ونور يباوعلنه وكفنا
يم مجموعة بنات جانن يقطفن خضار
YOU ARE READING
أنتقام الضابط نمر
Mystery / Thrillerقصه حقيقيه .... لفتاة عراقيه تخدع بأسم الحب وتقع ضحيه الأنتقام تعرضت للتعذيب وعانت وخسرت وضحت الكثير والكثير تروي حكايتها المؤلمه المليئه بالاحداث نرافقها برحلتها الطويلة لنعلم ماهي نهاية طريقها
