Unicode
ကလောမြို့မစျေးထိပ်ရောက်တော့ ဆိုင်ကယ်ကိုဘေးချရပ်လိုက်သည်။ ရပ်လိုက်ပြီးတော့ ကိုယ်လဲဆိုင်ကယ်ပေါ်က ခွဆင်းလို့ ဒေါက်ထောက်ပြီးတာတောင် မဆင်းဘဲဘာလုပ်နေလဲမသိတဲ့ ပူတင်းတစ်ယောက်ကို သန့်ရှိန်ဘာဖြစ်နေသလဲ သေချာပြန်မေးယူရမည်ဟု မှတ်ထားလိုက်သည်။
"မဆင်းဘူးလား မင်းရယ် ရောက်နေပြီလေ အိပ်များပျော်နေသလား''
"ဆင်းမှာပါ ဘယ်လိုဖြစ်နေတာတုန်း''
နှုတ်ခမ်းတစ်လန်ပန်းတစ်လန်းနဲ့ စွာတေးလန်နေပါ့ရောလား ဒီကောင်လေး။
ပြောပြီးတော်တော်ကြာတဲ့အထိ အဲ့ဒီ့အတိုင်းခွရပ်ကြီး မဆင်းသေးတာကြောင့် သန့်ရှိန်မျက်မှောင်ကြီးကုတ်ပြီး မေးလိုက်သည်။
" ဟော ဆင်းမယ်ဆို ဘာလုပ်နေတာတုန်း ကိုယ့်ဆိုင်ကယ်မှာ ကော်တွေဘာတွေမကပ်ထားပါဘူး ဘာများဖြစ်လို့လဲ ကိုယ့်ကိုပြော''
"...''
သန့်ရှိန် မသင်္ကာတော့တာကြောင့် ကောင်လေးကို ဆိုင်ကယ်တစ်ပတ်ပတ်ကြည့်တော့ တွေ့ပါပြီ။ ဝတ်ထားတာဒူးလောက်ဂျင်းပင်အကားလေးကို ပေါ်နေတဲ့ခြေသလုံးလေးက ဆိုင်ကယ်အိတ်ဇောပိုက်နဲ့ထိထားတယ်ထင်ပါတယ် အသားဖြူသူမို့ ရဲလို့။
" ဥာဏ်မင်းထက်!!!''
"ဗျာ...ဗျာ ဖြည်းဖြည်းအော်ပါ ခင်ဗျားကလည်း လူတွေနဲ့ကို''
ဘေးဘီဝဲယာတစ်ချက် ဝေ့ဝဲကြည့်မိတော့ စျေးရောင်းသူတွေ၊ ဖြတ်သွားဖြတ်လာအန်တီကြီးက ကွက်ကြည့် ကွက်ကြည့် တိုင်းရင်းသားအန်တီကြီးတွေကတော့ ပေါ်တင်ကြီးတွေကို လှမ်းရှိုးနေကြသည်။ အသံကို လျှော့နိုင်သမျှလျှော့ပြီးသာ ဆူဖို့ပြင်ရသည်။
"နာနေတာကို ပြောပါ့လား အခုကြည့်ဦးရဲလို့ အမာရွတ်ကျန်ခဲ့တာမျိုးဖြစ်ရင် ဘယ်လိုလုပ်မလဲ ဒီနေ့မင်းဘာဖြစ်နေတာလဲ ကိုယ့်ကိုပွင့်ပွင့်လင်းလင်းပြော အရမ်းနာနေမယ့်ဟာကို ကြိတ်မှိတ်သည်းခံနေတယ်တဲ့ အပြောနဲ့ဘယ်တော့မှာမလွတ်ဘူး''
" ဆူမှာသိလို့လေ အခုလိုခင်ဗျားဆူမှာသိလို့မပြောတာ''
"ဆူစရာလုပ်ရင်တော့ ဆူရမှာပဲ လုပ်သင့်လားဒါက ပြန်စဥ်းစား ပြီးတော့ သန့်ဦးရှိန်မင်းဆိုတဲ့ကိုယ်ပိုင်တဲ့အရာတွေကို လက်လွတ်စပယ်မလုပ်နဲ့''
YOU ARE READING
ကလောမြေ သက်သေတည်၍ချစ်သည်
Romanceရက်လနှစ်တွေအလီလီ ပြောင်းလဲသွားတောင် ဤဘဒ္ဒကမ္ဘာတွင် ကျွန်တော်တို့နှစ်ယောက် မရှိကြတော့တောင် ဘဝအဆက်ဆက် ထပ်မဆုံဖြစ်ကြရင်တောင် ရှမ်းပြည်နယ် တောင်ပိုင်းကလောမြို့လေးတွင် ဖြစ်တည်ခဲ့သော ကောင်လေးနှစ်ယောက်၏ နူးညံ့စင်ကြယ်သော ချစ်ခြင်းမေတ္တာသည် အစဥ်ထာဝရ တည်တ...
