[4]
နောက်ပိုင်း ရှောင်းယန်ပြန်လာသည်။
ရှောင်းယန် - သူတို့ငယ်စဉ်ကကစားဖော်၊ ဝန်ကြီးချုပ်ရဲ့အဖိုးတန်သမီး။ သူတို့ရှစ်နှစ်သမီးတွင် နင်းရှီးရှီကသူမအားထိုရေနွေးများမှကွယ်ထားပေးခဲ့သောကြောင့် ရုပ်ပျက်ဆင်းပျက်ဖြစ်ခဲ့ရသည်။ ထိုအချိန်မှစ၍ရှောင်းယန် သည်လည်း သူမ၏မိသားစုစံအိမ်မှထွက်ခွာခြင်းကိုတားမြစ်ခံခဲ့ရသည်။ နောက်ပိုင်းတွင်ရှောင်းယန်သည်သူမတွင်ထူးဆန်းသောရောဂါတစ်မျိုးကူးစက်ခံရသဖြင့် လာရောက်လည်ပတ်သူအားလုံးကိုငြင်းပယ်ရန်ညွှန်ကြားခဲ့သည်ဟူသောကောလာဟလများသည် သူမ19နှစ်ပြည့်ကာ အပြည့်အဝပျောက်ကင်းပြီးနောက်ဆုံးလူမှုအဖွဲ့အစည်းသို့ပြန်လည်၀င်ရောက်ချိန်ထိရှိနေခဲ့သည်။
ယခုနှစ်နှစ်ကြာပြီးနောက်ရှောင်းယန် သည်တိုင်းပြည်မှဗိုလ်ချုပ်ကြီးရှဲ့အတွက် ဂုဏ်ပြုသောအခမ်းအနားတစ်ခုတွင်ဗိုလ်ချုပ်နဲ့လက်ထပ်ခဲ့သည်။ သူတို့နှစ်ဦးသည်ဆယ့်တစ်နှစ်ကြာမတွေ့ဆုံခဲ့သော်လည်း နင်းရှီးရှီသည်သူမ၏သူငယ်ချင်းဟောင်းအကြောင်းတွေးစဉ်တိုင်း သူမပျော်ရွှင်ဖို့အတွက်ဆုတောင်းနေပေးဆဲဖြစ်သည်။
နင်းရှီးရှီ သည်မူလက ရှောင်းယန် ၏မင်္ဂလာဆောင်ကိုတက်ရန်ရည်ရွယ်ခဲ့သော်လည်းထိုနေ့တွင်သူမနေမကောင်းဖြစ်ခဲ့သောကြောင့်သူမအိမ်တော်အတွင်းနားနေစဉ် စုဇဲချန် အားသူမကိုယ်စားလက်ဆောင်များပေးရန် တက်ရောက်စေခဲ့သည်။
စုဇဲချန်း သည်သူမ၏လက်ဆောင်များကိုယူဆောင်ပြီး ရှောင်းယန် ၏မိသားစုစံအိမ်သို့အလည်အပတ်သွားခဲ့သည်။ သူသည်လက်ဆောင်တွေကိုစာရင်းပြုစုနေသော အိမ်တော်ထိန်းအားလက်ဆောင်ကိုပေးရန်စင်္ကြံရှည်၌ရပ်နေ၏။ သို့သော်သူဂရုမစိုက်ပဲခေါင်းကိုမော့လိုက်မိချိန်သူ၏အကြည့်များသည် ရှောင်းယန် အပေါ်သို့ကျဆင်းသွားသည်။
ထိုနေ့၌ ရှောင်းယန် သည်လှပသောဂါဝန်ကို၀တ်ထားပြီးသူမ၏မျက်နှာသည်နွေးထွေးသောအပြုံးဖြင့်တောက်ပနေသည်။
တပြိုင်နက်တည်းစုဇဲချန်းသည်အံ့အားသင့်သွားသည်။ သူကရပ်တန့်သွားပြီးသူ့လက်များက နင်းရှီးရှီ၏လက်ဆောင်ပတ်ပတ်လည်ကို တင်းကျပ်စွာဆုပ်ကိုင်လိုက်သည်။
YOU ARE READING
ဆယ့်နှစ်ဝိညာဉ်စုဆောင်းခြင်း:ရုပ်ဆိုးသောဝိညဉ်《Completed》
Short Storyနွေဦးမိုး၊ မက်မွန်ပန်းနှင့် လှပသောမိန်းမပျို လက်ထဲတွင်အနက်ရောင်ဝါးထီးတစ်လက်ကိုကိုင်ထားကာဤပန်းပင်အောက်၌ရပ်နေရင်း သူမ၏အပြုံးသည်နွေးထွေးပျော်ရွှင်နေသည်။ စုဇဲချန်း ကသူဘယ်နေရာပဲရောက်နေပါစေ၊ သူပြန်လာမယ့်အချိန်ကိုစောင့်နေမယ့်လူနဲ့တွေ့ချင်တယ်လို့ပြောခဲ့တ...