"Jungkook...တစ်ယောက်တည်းပြန်လို့ရရဲ့လား"
Jungkook ကိုအိမ်ပြန်လိုက်ပို့ရင်းနဲ့ Appa ကဖုန်းဆက်ကာအရေးတကြီးခိုင်းစရာရှိလို့အိမ်ပြန်လာခိုင်းတာကြောင့်အိမ်ပြန်ရမှာဖြစ်တဲ့အတွက် Jungkook ကိုအားနာစွာ Jimin မေးနေခြင်းဖြစ်သည်...ညနေစောင်းနေပြီဖြစ်သည့်အပြင်မိုးအုံ့နေတာကြောင့်ကောင်းကင်ကြီးတစ်ခုလုံးမှောင်မဲနေလေသည်...
"ရပါတယ် Hyung ကလည်း....အန်ကယ်လ်ကခေါ်နေပြီမလား သွားတော့လေ ကျွန်တော့်အိမ်လည်းနီးနေပါပြီ"
Jungkook ကသူ့အတွက်အားနာနေသည့် Jimin ရဲ့လက်မောင်းကိုအသာအယာလှမ်းရိုက်ကာပြောသည်...
"အေးပါ သေချာသွားအုံးနော် လမ်းကြားကမှောင်နေမယ်ထင်တယ်"
"ဟုတ် ရပါတယ်ဆို သွားတော့သွား"
သူ့အတွက်စိတ်မချဖြစ်နေသည့် Jimin ကိုပြုံးပြကာပြောရင်းအိမ်ပြန်ဖို့လမ်းကြားထဲကိုဝင်လာခဲ့သည်...Jungkook နေသည့်ရပ်ကွက်ဟာလမ်းကြားတွေအများကြီးရှိလေသည်...တစ်နည်းပြောရရင်လူဆင်းရဲရပ်ကွက်ဆိုလည်းမမှားချေ...လမ်းကြားထဲကိုဂရုစိုက်ကာဝင်လာခဲ့သည်...ထိုသို့ဝင်လာရင်းအရှေ့နားက bar ရှေ့မှာရပ်ထားသည့်ကားကိုမြင်သောအခါ Jungkook အူကြောင်ကြောင်ဖြစ်သွားလေသည်...ထို့ကြောင့်ထိုကားနားကိုလျှောက်သွားပြီးနံပါတ်ပြားကိုကြည့်လိုက်သည့်အခါ Taehyung ရဲ့ကားဖြစ်နေလေသည်...Taehyung နဲ့ပတ်သတ်သည့်အချက်အလက်သေးသေးလေးကအစ Jungkook အလွတ်မှတ်မိလေသည်...
"စီနီယာရဲ့ကားပဲ...."
ကားရပ်ထားသည့်နေရာကနာမည်သိပ်မကြီးသည့် club ဖြစ်တာကြောင့် Jungkook အံ့ဩနေမိသည်..Taehyung လိုသူဌေးသားကဒီလိုနေရာမျိုးကိုလာမှာမဟုတ်မှန်းသိနေတာကြောင့်ဖြစ်သည်...Taehyung ကိုတွေ့လိုတွေ့ငြား bar ထဲကိုလှမ်းကြည့်နေမိသည်...ထိုအချိန် bar ထဲကနေယောကျာ်းလေးအုပ်စုထွက်လာလေသည်...Jungkook ကသူတို့ကိုသတိမထားမိဘဲ bar ထဲကိုသာလှမ်းကြည့်နေလေသည်...
"ဟေ့ကောင်!!မင်းကဘာကောင်မို့လို့ငါတို့ကိုကြည့်နေတာလဲ!!"
"ဗျာ....!!ကျွန်တော့်ကိုပြောနေတာလား..."
"ဒီနေရာမှာမင်းနဲ့ငါတို့ကလွဲရင်ဘယ်သူရှိလို့လဲ!!"
