Luxurious Link 𐤀 [Completed]

The First Solution of the Problem

မကောင်းတဲ့လူဆိုတာ မကောင်းတဲ့ဇာတ်လမ်းနဲ့တင် ဘဝကသွားမှာပဲ။ ငွေရှိနေရင်တောင်မှ ဒုတိယဘုရားသခင်နဲ့လုပ်လို့မရတာတွေအများကြီးရှိတယ်။ ဥပမာ သစ္စာနဲ့အချစ်စစ် ဆိုတာမျိုးပေါ့။ အောက်တန်းကျတဲ့လူဆိုတာလည်း စိတ်ဓာတ်နဲ့တူတဲ့ ငရဲနဲ့တင်လိုက်ဖက်လွန်းတာမို့ မင်းတို့အတွက် ငရဲကအသင့်စောင့်ကြိုနေပါပြီ ဒုံမာန်ဆူးနဲ့ Sekira

Luxurious Link

"ဂျွန်ဂျောင်ကု!"

"ဟန်နီ မင်းမှာမောင်တစ်ယောက်လုံးရှိနေတယ်လေ ဘာဖြစ်လို့ အဲ့လိုကောင်တွေနဲ့မင်းပလူးနေရတာလဲ လူမြင်ကွင်းကြီးမှာမင်းမရှက်ဘူးလား!"

*ဖြန်း*

"ဒီမှာ ဂျွန်ဂျောင်ကု ရှင့်အဆင့်ရှင်သိရင်ကောင်းမယ် ကျွန်မဘာသာဘယ်သူနဲ့မကလို့ ဘယ်ကဟာနဲ့ပဲဖြစ်ဖြစ် ရှင့်အပူတစ်စက်မှမပါဘူး အချိန်တန်ရင်အိမ်ပြန်လာမှာပဲ ရှင့်ရင်ခွင်ဆီပြန်လာမှာပဲ အဲ့တာကိုရှင်ဘာဖြစ်နေတာလဲ အဲ့လောက်ထိချုပ်ချယ်နေရအောင် ကျွန်မကရှင့်အရုပ်မဟုတ်ဘူး လာမစားနဲ့ ကျက်သရေမရှိဘူး"

"ဟန်နီ!"

"စိတ်ပျက်စရာကောင်းလိုက်တာ ဖယ်စမ်းပါ"

ပါးပြင်ထက်နာနာကျင်ျကင်ရိုက်ချခံလိုက်သောအဖြစ်မှာ သူ့ဒေါသတွေထောင်းခနဲဖြစ်ခဲ့သည်။ သို့ပေမဲ့ မိန်းမသားတစ်ဦးဖြစ်နေတာမို့ ဂျောင်ကုပြန်မလုပ်ခဲ့ပါ။ သတိထားမိသွားတဲ့ရင်ထဲကတုံ့ပြန်မှုကိုသာအံ့ဩရင်း သူ့ရင်ဘတ်ကိုတွန်းကာအိမ်အပြင်ထွက်သွားပြန်သောထိုမိန်းမကျောပြင်ကိုသာ တုံ့ဆိုင်းရင်းလှမ်းကြည့်ခဲ့မိတယ်။ Sekira မင်းသိလား။ မင်းတခြားကောင်တွေနဲ့မြင်မကောင်းအောင်ပလူးနေခဲ့တာကို ငါမြင်သွားခဲ့တုန်းက ငါရှက်လွန်းလို့ဒေါသထွက်ရုံကလွဲပြီး ဒီရင်ဘတ်ထဲ ၊ ဒီနှလုံးသားထဲက စူးစူးနင့်နင့်နာကျင်တာကိုမခံစားခဲ့ရဘူး။ မင်းကြောင့် ငါ့နှလုံးသား ဒေါသစိတ်ကလွဲပြီး တခြားမခုန်နေခဲ့ဘူး Sekira

ဂျောင်ကုအတွက်မေးခွန်းထုတ်စရာဖြစ်ခဲ့ပါတယ်။ ဘာကြောင့်လဲ...ဘာကြောင့်မလို့ သူဘာမှမနာကျင်ရတာလဲ။