بعد فوات الأوان

البارت الخامس والثلاثون

مرحبا
عندي عتب زغيروووني وياكم
ليش ما ترفعون القصه واكثر الي يقرا ما يصوت ما اعرف السبب حتى لو ما تعجبكم انطوني حق
تعب ايدي بالكتابه

النبي عليه وعلى آله افضل الصلاة والسلام يقول
(اعطي الاجير اجره قبل ان يجف عرقه ) وانا. مكافئتي منكم ان تضغطون ع النجمه لان هذا الشي
ايحفزني حتى انشر

ولا تنسوون انا شگد عانيت بمرضي وانقطعت عنكم لكن من رجعت كتبت حتى ما اخذت ريست
واعيد واكرر انا قصصي واقعيه وحقيقيه  وبعيده عن الرتوش

تعرفون من اشوف واقرا تعليقاتكم يصيرلي حافز اكتب قصه جديده لكن هالمره الصراحه شويه انخذلت منكم
انتم قرائي وانا اتشرف بيكم
احبكم
آنيين الليل
//////////////////////////////
يوسف
من قريت رسالة ضحى شفت محادثه مصوره الها بينها وبين ازهار اختي وضحى ماشرتلي على التاريخ
والوقت جان بيوم الحادث الساعه  بثمانيه وعشره وضحى تحجي ويه ازهار

ضحى // انتي تعرفين جاي تلعبين بالنار
ازهار // عادي حالي حالج
ضحى // انچبي شنو انا جاي اخون اخوج
ازهار // وانا ما جاي اخون اجوج
ضحى //لا تخونينه وحتى امج تعرف بهذا الشي
ازهار // لا ما اخونه اخوج خطيبي مو زوجي

ضحى //ولج موراح تتزوجون وهو مكمل  كل شي وانتي جاي اتاجلين شنو انتي ما تشبيعين يوميه
لايفه على واحد
ازهار //هيي احترمي نفسج انا ما وديت على اخوج حتى يخطبني هو الي كتل نفسه عليه وكل
هذا الي سوينا انا وامي على مودج حتى تلگين واحد ياخذج
ضحى //اي اعرف بس سالم ما بي شي يتعيب وانتي هيج تلعبين براسه

ازهار //انچبي واعرفي شلون تحچيين شنو العب براسه سالم ما متزوجني
ضحى //ولج بعد اقل الشهر وتتزوجون
ازهار //وانا قبل ما اتزوج راح انهي كل شي
ضحى //حرام عليج زهوره هذا التسوينه
ازهار //ما مسويه شي الولد يحبني وانا بصراحه احبه وهو مستعد كل شي يسوي على مودي
وحتى يرضيني ما اكدر بين يوم وليله اگله بيباي راح اتزوج انساني

ضحى //يمته حبج كلها صار شهر من اتعرفتي علي بعد ما......
ازهار //ليش سكتي بعد ما شنو گولي
ضحى //بعد ما عفتي القبله والقبله
ازهار //دا كافي ولا تصيرين براسي بس انتي وبس
ضحى // ولج كافي بطلي لا يدري بيج يوسف والله يذبحج
ازهار // يوسف ما راح يعرف اذا انتي اتكرمتي وسكتي زين حبابه وياالله بس كافي لان حبيبي
اجاني بالسياره بااي ياحلوه

بصراحه كل شي چنت اتوقع لكن انو ازهار بهذا الرخص وضحى بهذا الدهاء والخسه وامي امي تدري وساكته
وگفت وافترت بيه الكاع وگلبي صار يدك سريع شافني زميلي بالشغل مناف واجه يمي
- شبيك يوسف
جاوبته وانا مختنك :: ما اعرف تعبان ودخت
مناف // على كيفك  اخذ نفس قوي وهاك اشرب ماي 

هو فتح دگم القميص وصار ايهفي على وجهي شربت شويه ماي وانا كوه اتنفس التمو عليه الموظفين
بعدها اخذني مناف بسيارتي هو وزميل ثاني للمستشفى وهناك شافو انو ضغطي مرتفع ضربوني ابره
وگالو لازم ارتاح وما اتعرض الاي توتر وسالني الدكتور كلي تاخذ حبوب ضغط