بعد فوات الأوان

البارت الخامس والاربعون

مرحبا
الكثير منكم دمج بين الخلعي والخلع
الخلعي // للطلاق بين الزوج والزوجه
الطلاق نوعان طلاق رجعي يحق للزوج ان يطلق زوجته وقبل انتهاء المده بيوم يصير اله حق ان يرجعها
اذا هي موافقه

اما الطلاق الخلعي فهو انو الزوج يطلق زوجته بدون ان يرجعها ولها كل الحق بالنفقه منه

اما الخلع فهذا للزوجه من حقها ان تخلع زوجها اذا كان الزوج رافض التفريق ويجب ان تكون هناك اسباب يقنع
بيها القاضي او لديها ادله تثبت انو هو غير مؤهل للزواج او انو يشتكي من مرض ما يمنعه من اقامة علاقه
زوجيه او انو يكون متعاطي او انها تتعرض للعنف او انه يطلب منها القيام باعمال مخله بالشرف
وطبعا ما يصير الخلع اله بوجود الادله والشهود

/////////////////////////////

يوسف
اخذت الجنطه ودموعي صارن يوگعن تلقائيا نزلت وانا اسمع بچي امي وضحى واول مره ما سمعتهن
يحچن او يتهمن اوحتى يدعن عرفت انو بچيهن يمكن ندم او. خوف
ركبت بالسياره وصلت البيت سالم دخلت للصاله وانا روحي فارغه
لكن رغم هذا الشي انا مرتاح اتصل بيه مناف وسالني

::الو
-شلونك يوسف
::الحمد لله
-اجيت من البصره
::لا باقي يمهم اكتبلي اجازه
-اي ست منال كتبت الك اجازه

بقيت ما جاوبته رجع سالني  - يوسف انت زين
جريت نفس ::اي الحمد لله
- الحمد لله حبيت اطمن عليك
:: مشكور ما قصرت عذبتك وياي
- العفو ما سوينه شي صدوك ست منال تسلم عليك

:: الله يسلمك سلملي عليها
- يوصل  فيمان الله
:: الله وياك
بعدها اجاني اتصال من بسام جاوبته
:: ها بسام
- انا بالباب افتحلي
::ياباب

- شكو يوسف باب بيت سالم اعرف انت هنا افتحلي العلاليك طيحن ايدي
فتحت البسام الباب وشفت بايده علاكه دخل وهو يبتسم  وكال // السلام عليكم
:: عليكم السلام
- تتغده لو تصلي
:: لا جاي ايأذن اصلي
- حتى انا جبت وياي غدا من المطعم
:: مشكور

رحت اتوضيت ودخلت بالغرفه صليت ومن كملت رفعت اديه وچنت محتار بشنو ادعو لان بعدني مذهول
وطلبت من ربي يقويني (اهنا بچييت ) وطلبت منه يحفظ  ابني وامه

طلعت للصاله ودخنت جگاره بسام  جاب الغدا وسحب الجكاره من حلكي وهو يگلي // كافي يمعود اكلك لكمه
اتحسرت :: جييب اليشتهي
بسام // مي خالف لازم تاكل حتى تعيش وتكدر اتفكر

اكلت شويه وانا ساكت ومن كمت اغسل بسام شال الصينيه وراح جابلي كوب جاي اخذته وطلعت جگاره
شعلتها وصرت اسحب بالدخان باوعت البسام الي چان ساكت وگتله :: تدري شنو اصعب شي ع الواحد
هو باوعلي بتساؤل استردفت :: اصعب شي من يكتشف نفسه ولا شي نكره

بسام كلي // لا يوسف شنو هالكلام
هزيت راسي ::اي وداعتك ليش انا شنو بنظرك اصلا انا بنظر نفسي لاشي
بسام جر نفس وگال // لا يوسف انت احسن انسان انت طيب اكثر من اللازم ومو مشكلتك انت تحترم امك وابوك
ومو مشكلتك تخجل من عمك الي جاب بته بايده وهو اصلا طابخها ويه ابوك مو مشكلتك انو
چذبو عليك والي چذب امك وزوجتك وهنه يدرن انو الي يبجن عليها غلطانه