⛓️ انا رماد الريسان ⛓️
بقلم : khadija Amal
الفصل الاول:🍁عصف الاقدار🍁
البارت :4
بقا واقف كيتفرج فيها وهي مليوحة على وجهها وكضرب برجيلاتها ويديتها كتحاول تعتق راسها ولكن مزالة غير لحيمة ماعندهاش جهد اما محمد جلس فوق لعشب كيشوف فيها فرحان غواتها وبكاها كان كيزعجو واخا هو ولد صغير الا وانه كالم بزاف ماعندوش مع صداع والغوات ومن غير هادشي سبب رئيسي فهاد تصرف هو انه حس بالام ديالو كتبعد عليه حس بالغيرة
محمد : فيك الصداع بزاف موتي يالاه موتي
العساس كان كيسقي الجردة حتى بان ليه محمد لاح شي حاجة فالبيسين ،ضن غتكون شي لعبة ديالو حيت كان بعيد عليه ماميزش مزيان
العساس : علم الله اش لاح هاد الولد تما نمشي نشوف لا يجيو يسمعوني الهضرة
تمشى جيهتو وهو يخرج عينيه من صدمة تلاح بسرعة فالبيسين طلع ايات لي كانت فاقدة الوعي ماكدير حتى رد فعل هزها كيجري بيها الداخل وكيعيط بجهد
العساس : لالة نزهة لالة نزهة عتقييي لبنت كتمووت
نزهة جات كتجري مافاهماش اش كاين : اش كاين اش هاد الغوات اشش واقع (شافت ايات وجات بزربة خادتها من عندو) اوويلي مال البنت شكون دار ليها هاد الحالة جاوب
بدات كتحاول تحرك فيها وتضغط ليها على صدرها حتى تنفسات وحلات عويناتها وبدات فالبكا كلها كترعد
نزهة : (كتغوت) شكووون لاحها فبيسين
العساس : ولدك محمد كنت كنسقي فجردة وشفتو لاح شي حاجة ملي جيت لقيتو لايح لبنت
دارت نزهة شافت فمحمد مخرجة عينيها وهو يرجع لور ودخل لداخل كيجري فنفس لوقت لباب ديال الفيلا تحل ودخل عبد العزيز كان باقي كيبان مدمر وعلامات لحزن ساطعة فوجهو شاف من بعيد نزهة كتقلب فلبنت مخلوعة وهو يمشي كيجري لعندها حيد بنتو من يديها
عبد العزيز : مااالها اششش وقع ليها علاش فازكة
نزهة : (متوترة) رااها بيخير ،ولدي زلقات ليه من يديه وتلاحت فلبيسين
عبد العزيز : لاحها فلبيسين، انا خليتها ليك امانة ا نزهة ونتي فرطتي فيها
نزهة : عبد العزيز بلاتي نفهمك
عبد العزيز : مااعندك ماتفهميني العيب مني ماشي منك انا لهملت بنتي ولكن دابا غنصلح هاد الغلط شكرا بزاف حيت هتميتي ببنتي هاد المدة كاملة انا عمري ما نسا خيرك خليت ليك راحة
نزهة : عبد العزيز عفاك سمعني والله ماشي كيف ضنيتي عفاك
عبد العزيز هز بنتو غضبان وخرج من الفيلا وخلا نزهة من وراه شاداها لبكية تفكرات زبلة لدار محمد وهي تدخل مالقاتوش طلعات لبيتو لقاتو ساد عليه
نزهة : محمد حل
محمد : (الصمت)
نزهة : (كتغوت) حللل لباااااب ،مابغييتيش تحل انا هنورريك
مشات جابت ساروت حلات باب لبيت ودخلات لقااتو واقف كيشوفيها مكنزز ماكيبانش عليه لخوف
نزهة : علاااش لحتي لبنت فبيسين
محمد : حيت كتبكي وكتبقى تغوت صدعاتني
نزهة : صدعاتك ؟؟؟ ياااك وتنوض تلوحها فبيسين نتا عارف الى لواحد تلاح فبيسين ماكيعرفش يعوم اش كيطرا ليه كيغرق ويموت
محمد : اه وانا كنت باغيها تموت ،تمشي فحالها انا مابغيتهاش
نزهة : ياااك ايييه انا لضسرتك ليووم هنربييك ليووم هنبرد فيك غدايد دنيا ودين
شداتو من يديه ودوراتو بقات تعطيه للور تعطيه وهو كيغوت ربي لخلقو وياسر لهو ولد راجلها لمربيه جا كيطل وفعوض مايفك خوه برك كيتفرج فيه وكيضحك فحال الى كيتشفى
ŞİMDİ OKUDUĞUN
انا رماد الريسان
Short Story✨ مكتملة ✨ 🔥أنا .... أنا رماد الريسان 🔥 بقلم : khadija amal وانا أبحث في كتب أمي القديمة المبعثرة في منزل جدتي القديم ،وجدت كتبا تتحدث عن العشق والهيام والوفاء والإخلاص والألم والخدلان وانا اتفحص هاته الكتب انسدلت ورقة كان يوجد بها حديث بين حبيبي...
