انا رماد الريسان

البارت 6

⛓️ انا رماد الريسان ⛓️

بقلم : khadija Amal

الفصل الاول:🍁عصف الاقدار🍁

البارت : 6

بعد مرور 18سنة

كانت واقفة وسط الارض خضرة لابسة لبس البادية عبارة على بيجامة طويلة وفرجليها بوط طالع ديال الميكة وشعرها جمعاه ضفيرة دايرة فوق منو زيف حياتي كانت بنت زوينة ومن نضرة ديال عينيها كتبان قافزة و حادگة هازة خروف صغير فوق رجليها وكثهضر معاه

ايات : شفتي مرات با اش دارت في ا ميمون (على لخروف)بنتها سيفطاتها لسوق تسوق وانا مسيفطاني نسرح لغنم ولكن مزيان للهم ملقايا معاكم ولا ملقايا مع بنادم لمافيه خير

وهي كتدوي مع خروفها كدوز بيديها عليه وقف قدامها واحد كان طويل وزرگ وعندو لموسطاج غير شافتو سيفتها تبدلات

....فين ة ايات لاباس عليك مزال مهداك الله

ايات : مسينا على الله وملائكة رحمان (وقفات لاحت لخروف من يديها) نعااام ا دريس اشش كاين

دريس : عفاك ا ايات حسي بي انا ماخليت اش درت على قبلك وانتي مقصحة راسك شوفي انا راه كنبغيك وغنعيشك اميرة وانا راه مغنبقاش فهاد البلاد غنخرج البرا ونخدم ونتهلا فيك غير نتي قبلي بي (كيهضر ويترعد )

ايات كتشوف فيه : واش مكتفهمش لعربية شحال من مرة غادي نگوليك فرقني عليك ولا غنكولها لبا يتفاهم معاك ماتبقاش غير تابعني فينما مشيت شوف غير حالتك كيف دايرا واش مكتشوفش راسك فالمراية

دريس : داابا غير گولي لي علاش ماباغانيش

ايات : حيت مكنحملكش وكتجيني خانز كتعيدفني بغيتي شي حاجة كتر من هااادي

سكت ايات تمشات وخلاتو من وراها كيشوف فيها وعينيه فيهم شر

دريس : وخا الالا مانكونش ولد رحمة الى ماندمتكش على هاد لهضرة

مشا بحالو وايات رجعات كترعى الغنم ديالها وكدندن اكثر حاجة كتفرحها تعتاني بالحيوانات والاكثر الاوقات كتبقى معاهم ايات كبرات بحال اي بنت فقط عبد العزيز مخلاهاش تكمل قرايتها بحكم بعيد عليهم الحال قرات غير حتى الكاتريام وحبسات ومعنظهاش صحابات من كثر ما خايف عليها كيحاول يبعدها على كلشي
تعاشات العشية وصلات 7 الوقت لي كتروح فيه ايات الدار جمعات بهايمها كاملين الا ميمون مكاينش فين مشا تخلعات

ايات : ميمون فينك الله يارب علم الله فين نعستي تاني

ساگت البهايم لكاينة حتى قربات الدار دخلاتهم و مشات كتقلب عليه بين الحجر لا يكون ناعس فشي بلاصة كتمشي حتى وصلات واحد الخربة رايبة ،وهي كتقلب حسات بشي يد تحطات على فمها وحكماتها مزيان جراتها لديك الخربة لاحها فالارض ملي شافتو عينيها خرجو

دريس : عييت معاك باش تحني قلبك ولكن انتي بحال باك قلبك قاصح ( كلو كيترعد وكيتنفس بصعوبة )

ايات : بعد مني الحمااااااار بعد مني (بنضرات كلهم خوف) الى قربتي مني نقتلك ا دريس (غوتات) نقتلللك

دريس ماداهاش فيها عينيه تعسلو بنشوة والرغبة فيها تلاح عليها فالارض كيحيد ليها حوايجها ماخلاتوش كتضارب معاه حتى بدا كيضرب فيها وكيقطع فيهم بحال شي وحش وهيا كتغوت وكطلب فيه باش يطلقها ووالو
تلاح على عنقها كيبوس فيه بجهالة ويديه كتسارا الجسم ديالها ومرة مرة كخدم اقطع فحوايجها غاب مكبقاش حاس بشكون حداه ولا اش كيدير وايات كتغوت حتى بح صوتها وباقي كتحاول تبعدو عليها

برا الخربة كان واحد من دوار دايز حتى كيسمع صوت البكا والغوات مشا كيقرب حتى شاف المنظر تلاح بزربة على دريس كيجر فيه حتى حيد ليه ايات ردها من وراها

دا براهيم : ماحشمتيش اعدو الله بغيتي تعدا على بنت الناس وهي بحال ختك و زعما كابرة معاك

كيدوي معاه ويخاصم وهوا مارضاش يشوفو طاح على دا براهيم شانق عليه

دريس : نتا فين ما مشيت تابعني اش بغيتي ها اليوم نقتلك

بداو كيضاربو حتى تجمعو ناس دوار كاملين دخلو لخربة اول ماجات عينيهم على دريس ودا براهيم لمضاربين ولكن دغيا تحولات لعند ايات لكانت
فواحد ركنة كترجع بلور كتبكي وكتحاول تستر راسها حوايجها كلهم مشركين وجهها مضروب كتشوف فراسها وفناس وفلفضيحة لجاياها من بعد