(Unicode)
[ ...........] လေးထောင့်ကွင်းထဲက စကားတွေက အင်္ဂလိပ်လို ပြောတာတွေပါ။
///////
စိုင်းထည်ဝါလွှမ်းသည် သူငယ်ချင်းဖြစ်သူ နိုင်ငံခြားသွားမှာမို့ လေဆိပ်ကိုလိုက်ပို့ခြင်းဖြစ်သည်။ လေဆိပ်တွင် မိန်းမငယ်လေးတွေ ကြိတ်ကြိတ်တိုးနေတာကြောင့် ကာရံပြောတာကိုသတိရသွားသည်။ ကာရံက သူ့ idol ဆိုတဲ့ကောင်လေး လာမယ်ဆိုတဲ့သတင်းကြားကတည်းက တစ်အိမ်လုံးကို ပတ်ကြွားနေတာ ဖြစ်သည်။ ကာရံ့ idol ကောင်လေး ဒီနေ့ရောက်သည်ထင်သည်။ ထည်ဝါက လူရှုပ်ရင်မကြိုက်မှန်းသိတာကြောင့် သူငယ်ချင်းက အထဲထိလိုက်မပို့ခိုင်းတော့ပဲ ကားပေါ်ကနေ Luggage ယူကာ ဆင်းသွားသည်။ သူလည်း driver ကို ဆေးရုံပြန်ပို့ဖို့ပြောလိုက်၏။
ထိုအချိန်တွင် ကားတံခါးကိုဆွဲဖွင့်ကာ ဝရုန်းသုန်းကားဝင်လာပြီး သူ့ဘေးဝင်ထိုင်လိုက်သည့် ကောင်လေး။ သူမော့ကြည့်လိုက်တော့ အဝါဖျော့ရောင်နဲ့ ခဲရောင်ရောစပ်ထားသည့် အနောက်တိုင်းဆန်ဆန် မျက်လုံးဝါလေး။ Mask ချွတ်လိုက်တော့ မြင်လိုက်ရသည့် မျက်နှာက ကာရံ့အခန်းထဲတွင် သူအမြဲ မြင်နေကျ ဓာတ်ပုံတွေထဲက ကောင်လေး။ ပုံတွေထဲမှာထက် အပြင်မှာပိုချောသည်ပင်။ အဓိက က မျက်လုံး... ဖန်ဂေါ်လီလုံး ဝါကြည်ကြည်လေးတွေကို ထည့်ထားသလိုပင်။ မျက်လုံးဝါလေးတွေကို ကော့ညွတ်နေသည့် မျက်တောင်ညိုလေးတွေက အနားသတ်သည်။ ခပ်ရေးရေး အညိုရောင်နှုတ်ခမ်းမွှေးတွေနဲ့ ပါးသိုင်းမွှေးတွေက အနောက်တိုင်းဆန်ဆန် ယောက်ျားပီသတဲ့မျက်နှာကျကို ပုံဖော်နေသည်။
Klayton ဘေးက လူက ပထမတော့ မျက်လုံးတွေဝိုင်းစက်ကာ အံ့သြနေပြီး သူလည်း Mask ချွတ်လိုက်ရော နှုတ်ခမ်းတွေပွင့်ဟလာသည်အထိ အံ့သြနေပြန်သည်။ ဖြည်းဖြည်းနဲ့ အံ့သြပုံတွေပျောက်သွားကာ သူ့မျက်နှာ အစိတ်အပိုင်းတစ်ခုချင်းစီကို ခပ်တည်တည်နဲ့မော့ကြည့်နေတာဖြစ်သည်။ မျက်ဝန်းတွေက လဲ့နေကာ တစ်ခုခုကို စူးစမ်းချင်နေဟန်။
"Daddy..."
Klayton သူ့ကိုယ်သူ မျက်စိရှေ့က လူရဲ့ အပိုင်လို့ သတ်မှတ်ချင်တာကြောင့် Daddy ဆိုတဲ့အခေါ်အဝေါ်ကို စတင်သုံးနှုန်းလိုက်ခြင်းပင်။
YOU ARE READING
Lilac U (Ongoing.....)
Romanceကံကောင်းတဲ့သူတွေမှ အချစ်ဦးနဲ့ညားတာတဲ့ ဘယ်လိုလုပ်မလဲ ငါမယုံဆုံးကလည်းကံပဲ။ ကံေကာင္းတဲ့သူေတြမွ အခ်စ္ဦးနဲ႔ညားတာတဲ့ ဘယ္လိုလုပ္မလဲ ငါမယုံဆုံးကလည္းကံပဲ။