Unicode
သရက်ပင်တွေ များစွာ ပေါက်ရောက်နေသော ခြံကြီးတစ်ခြံရှေ့တွင် ပြည့်စုံ ကားရပ်လိုက်သည်။
" ရောက်ပါပြီ သခင်မကြီး "
" မင်း လိုက်မလာနဲ့ ပြည့်စုံ ဘာသံကြားကြား "
" သခင်မကြီး "
" နောက်ဆုံး ဆန္ဒပါ ငါ့ရဲ့နောက်ဆုံး ဆန္ဒကို မင်းဖြည့်ဆည်းပေးမယ် ထင်ပါတယ် ပြည့်စုံ "
နောက်ဆုံး ဆန္ဒတဲ့ သခင်မကြီးရဲ့ နောက်ဆုံး ဆန္ဒဆိုမှတော့ သူကဘာများတတ်နိုင်ဦးမှာလဲ။
" ဟုတ်ကဲ့ သခင်မကြီး ဂရုစိုက်ပါ "
ပန်းမြတ်ဒေဝီ Leo လေးကို ချီကာ ခြံရဲ့ အနောက်ဘက်ဝန်း ထဲ လျှောက်လာလိုက်တယ်။
" Leo "
" ဂျာ ဖွားဖွားဂျီး "
" ဒီနေရာကနေစပြီး ဖွားဖွားကြီး တို့ ခြေလှမ်း ငါးဆယ်တိတိ လမ်းလျှောက်ကြမယ် Leo"
" ဟုတ် ဖွားဖွားဂျီး "
" မြေး မှတ်ရလွယ်အောင် ဖွားဖွားကြီး အမှတ်အသား တစ်ခုလုပ်ထားပေးခဲ့မယ်"
နှစ်ချို့ သရက်ပင်ကြီးတွေဖြစ်၍ တစ်ပင်တစ်ပင်မှာ လွန်စွာကြီးမားကြသည်။
ပြောလည်းပြော လက်ကလည်း ပန်းမြတ်ဒေဝီ သရက်ပင် ကိုင်းမှာ Hades ဆိုသည့် ဂရိနတ်ဘုရားတစ်ပါး၏အမည်ကို ဓားနဲ့ထွင်းလိုက်တယ်။
" မှတ်ထား ကြီးမြတ်ကုဋေချီ မင်းအတွက် ဖွားဖွားကြီး နာမည်တစ်ခု ပေးခဲ့မယ် Hades လို့ လေ "
" Hades ဟုတ်ယား ဖွားဖွားဂျီး "
" ဟုတ်တယ် Hades ရော Leo ရော ကြီးမြတ်ကုဋေချီရော အားလုံးက မင်းနာမည်တွေပဲ "
" ဟုတ်ကဲ့ ဖွားဖွားဂျီး "
" ဒါဆို ဖွားဖွားကြီးတို့ လမ်းလျှောက်တာ စရေမယ် Leo "
မြေးလက်ကို ဆွဲကာ သူ(မ) ခြေလှမ်း ငါးဆယ်တိတိ လျှောက်လာလိုက်သည်။
" ဒီကိုလာ Leo အနားမှာ ထိုင် "
လက်ထဲက ဓားချွန်နဲ့ မြေကြီးကို ပန်းမြတ်ဒေဝီ ခပ်နက်နက်လေး တူးပြစ်လိုက်တယ်။
ESTÁS LEYENDO
My Impressive Husband
RomanceThe wording is a little wild. Seme is possessive type besides Asshole. There are also under age chapters, so I request that people who don't like Asshole and Possessive type don't read it .
