تجي تگض الموبايل تسوي علاقه مع شاب وكله غزل وضحك وبعدين توصل للعاده السريه لو تطلع بالشارع تبتسم حتى الشباب يشوفونه تروح للكليه تلطخ وجهه مكياج وتتحمر بحيث لازم تكون هي أحلى من صديقاته 💄🥀
ونوب كل هذا وتستهزء بالبنت الي لابسه عباء وساتره نفسه تروح للمدرسه تحجي وي صديقاته خاب هسه شفت واحد كلش حلو لو تگله اكو شاب اظن باوع عليه وباجر لازم ارتب نفسي وتزين أله بلكي يتعلق بيه💔👿
ومن تجي للبيت عود هاي اذا تصلي بسرعه تصلي وتفكيره بالشاب لو باللبس لو بجمال وجهه لو اشوكت تشوف الموبايل لو تفكر مسلسل تركي هندي كوري متابعته ونوب هذا كله خيانات ورومنسي 🥀💔😔
لو شوكت تراسل هذا الي يضحك عليه وتوصل للعاده السريه هذا واقع حال وأكيد كلامي لهذا النوع من البنات ومع الأسف كثر هذا النوع بس هذا النوع عبالهم مرتاحين والدنيا ماله نهايه وماكو موت والقرآن مخليته بالبيت والشيطان يسرح ويمرح😈💔😔
وهذا النوع الخطيه والله صدگ خطيه وأكيد هسه هم بعالم الظلمات ما يعرفون وأذا مثلا شافت القرآن وگع تشيله وتقبله وتخليه ع گصته فقط مخافة من الله يعني مو حب كانه شرير عباله😔🥀
هي هاي المشكله اهنا فقط مخلين مخافة ماكو حب لله...هسه ع الأقل لخاطر الامام الحسينع.. تقربي لله يعني يجي عاشور وتلبسين اسود وانتي اصلا قلبك أسود وبعيده عن الله يا أخواتي هذا النوع بخطر صدگوني🤚😔💔
بهاي أعمالنه الامام المهدي عج) جاي يبكي وحزين أخواتي اكو مجال للتخلص من هاي الذنوب الي نهايته مظلمه افتحي صفحة جديده وخصصي جدول لليوم وراح تعيشين حياة سعيده🕊
وقت للجلوس مع الأهل وقت للطبخ وقت قصير لقراءة القرآن وقت للصلاة وبوقتها وأشكي همك بصلاة لله عز وجل وقت أستخدام الموبايل وبعيد عن شهوات الشيطان وتحاولين تشوفين بوقتج كم مقطع ديني يفيدج وقت قصير للدعاء وقضاء الحاجه🤲
واليوم خلص وهكذا وشوفي راحة البال الله يحبك صدگيني بس شويه جاهدي للتخلص من الشيطان تعلقي ولو قليلا بالامام المهدي عج) هو موجود وعايش بهاي الأرض 😔🕊
