نزل من تاكسي ساحب رجوله لداخل الفندق بهدوء...يخطى بخطواته ثابته، وقف عند الإستقبال يسال عن رئيس قسم الحسابات الي راح يكون مسؤول عن تدريبه، طلع بالمصعد من بعد م عرف مكتبه،
وقف قدام باب المكتب المخصص لرئيس القسم، طق الباب بهدوء وبقى واقف لين سمع صوته يطلب منه يدخل.
دخل بجاد يقرب من الثاني اللي كان جالس على الكرسي ورا المكتب يناظره بهدوء،
"سلام عليكم استاذ محمد."
_نطق بجاد ببساطه يناظر عيونه.
"وعليكم سلام ورحمة الله وبركاته.."
_رد عليه سلام وواقف يمد يده يسلم عليه، وبجاد مسك إيده يبتسم بتكلف، رئيس القسم ضغط ع يد بجاد بخف وناظر عيونه،
"انا بجاد من طرف سيف.."
_نطق بهدوء. و عيونه بعيون الثاني،
"أدري بجاد استاذ سيف علمني بزيارتك.."
_سكت شوي ورجع كمل بصوته الهادي،
"حياك الله بجاد..آيش تبي تشرب."
_انهي جملته.. يجلس ع الكرسي وياشر لبجاد يجلس،
"قهوه"
_نطق بإختصار..
محمد دق ع سكرتيره وعلمها
رجع هز راسه لبجاد بإبتسامه بسيطه.
"الأستاذ سيف علمني انك دارس طب بفرنسا بس م كملت أخير سنه،"
_محمد نطق بإستفهام.. لانه كان مستغرب السبب الي خلاه يوقف بأخر سنه.
"أسباب خاصه،"
_جاوبه بإختصار.. بجاد يكره الاشخاص الفضولين، اللي يحشرون خشمهم بأشياء م تخصهم.
محمد م اختفت ابتسامته بعد رده... هو كان ملاحظ نظرات الثاني البارده، واختصاره للكلام،
وقفته وهيبته اللي تدل ع الكبرياء، شكله و ملامحه لون شعره ولون عيونه وكأنه اجنبي وحس باعجاب تجاه عيونه رغم النظاره طبيه عليها بس ما تخفي جمالها الواضح. ولاحظ حدتها بعد سؤاله..
"اللي فهمت انه كنت شاطر برياضيات وهذا اللي نبيه منك."
_
حاول يغير الموضوع اللي وتر الجو بينهم،
"متى أقدر ابدأ تدريب،"
_سأل متجاهل كلام الثاني.
"من بكره اذا تبي،"
_لاحظ تجاهله لاسألته بس م علق ع وقاحته.. لانه سيف قاله انه طبعه صعب لهالسبب اختار محمد بذات يدري بطبعه الهادي يقدر يتحمله...رد بابتسامه ما تلاشت من شفايفه.
"طيب استأذن منك."
_انهى جملته يستقيم بطوله.
"و ضيافتك."
_نطق بسرعه مستغرب كل هالوقاحه.
أنت تقرأ
هُمَامْ
Actionعندما يتحدث المال يخضع كل الانسان.... وكغيرك ستخسر امامي، المال كالخمر الحلو مهما ارتويت منه لن تكتفي، المال لعنه يجرد صاحبه من مبادئه، فماذا يفعل المرء من اجله، رواية همام تتميز بكل الفنون الغموض_____الاكشن_____الدراما_____الرومانسيه_____التشوي...
