حسام فتح عيونه بضعف ورجع غمضهم بتعب، بقى ثواني ورجع فتحهم ناظر السقف يحس نظره مشوش، بقى ع هالحال فتره، وحاول يضغط ع نفسه ويقوم بضعف عدل جلسته،
ناظر الغرفه م شاف معتز، ابتسم بجانبيه شنو كان يتوقع معتز بيتنازل و ينام معاه بنفس الغرفه نزل راسه بخيبه، و نزل من سرير بضعف ولبس شبشب، حس شفايفه توجعه رفع كفه وحط أطراف أصابعه يتحسسها حس انها ورمانه بس م ركز معاه توقع أنه تكون من الحراره،
قام ببطء ساحب رجوله من الغرفه، سمع حركه خفيفه بالمطبخ دخل بهدوء وشاف معتز واقف يجهز لريوق و معطيه ظهره، لبس بنطلون بجامه، وظهره عاري انتبه للوشمه اللي تحت كتفه الأيسر باللغه الانجليزيه، رفع حاجبه من معنى الوشم، و حس بضيق م يدري شنو سببه،
"خلصت ولا باقي،"
_نطق معتز ببرود، بدون م يطالعه، حسام رفع حاجبه بصدمه شلون حس بوجوده هو متأكد دخل بدون حس،
"صباح النور،"
_نطق حسام بإحراج، وابتسامه ذبلانه ع شفايفه، يضغط ع نفسه عشان يبقى واقف ع رجوله،
"ليش نزلت من سريرك، كنت بجيبلك لفطول لعندك،"
_نطق ببرود بدون م يلف ويناظره،
"ماله داعى تتعب نفسك صرت بخير بفضلك،"
_نطق بإبتسامه خفيفه يناظر ظهر معتز،
"أجل أجلس افطر،"
_نطق ببرود يحط الأكل فوق الطاوله يتحاش يناظر حسام اللي جلس بتعب ع طاوله، وكتف يدينه فوقها يناظر معتز اللي مو معطيه وجهه،،
"تسلم ع تعبك معتز،"
_نطق ببتسامه خفيفه ع شفايفه، ثواني واختفت الإبتسامته وقت شاف معتز أخذ كاس القهوه، وطلع من الغرفه بدون م يرد عليه بما معناه بيتركه يفطر لوحده بالمطبخ، حس بغصه بقلبه و م قدر يمنع دمعته انها تنزل بهدوء ع خده، رجع وقف بهدوء وطلع من المطبخ بدون أي صوت، وقف عند الباب وحاول يفتحه بهدوء، وطلع من الشقه مقفل الباب وراه متأكد انه معتز حتى لو سمع الباب ماراح يلحقه، نزل من الدرج لين تجاوز طابق اللي فيه شقة معتز، و نتبه انه نسى كل أغراضه بالغرفه بس م يقدر يرجع يطق عليه، قرر يجلس ع الدرج لين يفكر بحل، كتف يدينه ع ركبه وحط راسه فوقها سامح لدموعه تنزل بقهر وحسره، هالحركه أكثر حركه أوجعت حسام رجعته لأيام الطفوله مع أمه، م كان يستاهل منه كل هالجفى، سمع حركه ع سلم رفع راسه وقام بسرعه وبسبب وقفته السريعه ومرضه حس بدوخه ترنح وكان راح يوقع لولا الشخص اللي تقدم منه بسرعه ولف يدينه ع خصر حسام يثبته،
حسام من كثر التعب نزل راسه ع كتف الثاني،
"بسم الله عليك، شفيك حسام،"
_نطق الثاني بقلق يشد ع حسام أكثر ويحاول يوقفه، لين دخل وجه حسام برقبته،
"منهو أنت،"
_نطق حسام بتعب يبعد وجهه عن رقبة الثاني ويحاول يوقف،
أنت تقرأ
هُمَامْ
Actionعندما يتحدث المال يخضع كل الانسان.... وكغيرك ستخسر امامي، المال كالخمر الحلو مهما ارتويت منه لن تكتفي، المال لعنه يجرد صاحبه من مبادئه، فماذا يفعل المرء من اجله، رواية همام تتميز بكل الفنون الغموض_____الاكشن_____الدراما_____الرومانسيه_____التشوي...
