"ကလေး သွားတွေ့ချင်လား၊အကိုကတော့ ကလေးသဘောအတိုင်း အကုန်လုပ်ပေးဖို့ အသင့်ပဲ"
ငိုင်နေတဲ့ကောင်လေးက ဘာမှပြန်မပြောဘဲ ငြိမ်လို့သာနေတယ်
သူလည်း စဉ်းစားရခက်ရှာမပေါ့လေ
၁လပိုင်းရောက်ပြီမို့ ကျောင်းပြန်တက်နေရပြီဖြစ်တဲ့ ကလေးက စာတစ်ဖက်၊အလုပ်တစ်ဖက်နဲ့ အမြဲပျော်ပျော်ရွှင်ရွှင် တက်တက်ကြွကြွပါပဲ
ဒီနေ့မှာတော့ ကလေးရဲ့အဖေဆီက အဆက်မပြတ်ခေါ်လာတဲ့ ဖုန်းသံနဲ့အတူ စိတ်မကောင်းစရာသတင်းတစ်ခုကို ကြားလိုက်ရတယ်။
တခြားတော့မဟုတ်..ကလေးရဲ့အမေက သားအိမ်ခေါင်ကင်ဆာနောက်ဆုံးအဆင့် ဖြစ်နေပြီး နေလည်းသိပ်မကောင်းဘူးဆိုတဲ့ သတင်းပါပဲ။တကယ်တော့ ကျွန်တော်နဲ့တွေ့ခဲ့တဲ့ လန်ဒန်ခရီးစဉ်က ကျန်းမာရေးစစ်ဆေးမှု လာလုပ်တာဖြစ်ပြီး အဲ့ကတည်းက အဖြေကိုသိသွားပုံပါပဲ။
အကုသိုလ်ကလည်း အဖော်အပေါင်းနဲ့ အလုံးအရင်းဝင်တတ်တာမျိုး ထင်ပါရဲ့။သားတွေကလည်း အမှုရင်ဆိုင်ရ၊ထောင်ကျ၊သမီးနဲ့ပထမဇနီးကလည်း ယူအက်စ်မှာတင် သုံးဖြုန်းရင်း အကြွေးဝိုင်းနေပြီး အချစ်ဆုံးဇနီးကပါ ကင်ဆာနောက်ဆုံးအဆင့်ဆိုတော့ ကလေးဒယ်ဒီလည်း တော်တော်တော့ တုန်လှုပ်သွားမှာပဲ။
ကလေးကို ပြန်လာဖို့ တဖွဖွတောင်းပန်ရင်းကို ခေါ်နေတော့တာ။"ဘာလို့လဲ အကို..ဘာလို့လဲ"
ရုတ်တရက်ထွက်ပေါ်လာတဲ့ အဆုံးအစမရှိတဲ့ မေးခွန်းဆိုပေမယ့် ဘာကိုဆိုလိုနေမှန်း သိတာမို့
"နေမကောင်းဘူးဆိုတော့ ကလေးကို တွေ့ချင်လို့ နေမှာပါ ကလေးရယ်"
"မွေးကတည်းက ကျွန်တော့်ကို မျက်နှာလွှဲခဲပစ်လုပ်ခဲ့တဲ့သူကလေ၊အခုမှ အသနားခံချင်လာတာကို ကျွန်တော်က ခွင့်လွှတ်ပေးရမှာလား..တစ်လျှောက်လုံး မတရားလုပ်လာသူကို ကျွန်တော်က ခွင့်လွှတ်ပါတယ် ပြောပေးရမှာလား...ကျွန်တော့်အတွက် တရားမျှတမှုကရော ဘယ်မလဲ အကို"
နာနာကျည်းကျည်းဆိုလာသူကို အသနားပိုစွာပဲ ဆွဲယူပွေ့ဖက်မိတယ်။ဒီသတင်းကြောင့် အလုပ်မသွားနိုင်ဘဲ အခန်းထဲတင် ငြိမ်သက်တွေဝေနေတဲ့ ကောင်လေး၊စိတ်ထဲမှာ အတွေးတွေနဲ့ ဘယ်လောက်တောင် ဗလောင်ဆူနေလိုက်မလဲလေ။
![](https://img.wattpad.com/cover/284452070-288-k458920.jpg)
YOU ARE READING
Soulmate(Completed)
RomanceStart date:25Sep,2021 End date :19Dec,2021 ဆန့်ကျင်ဖက်အုပ်ထိန်းမှုတွေနဲ့ ကြီးပြင်းလာတဲ့ ကောင်လေးနှစ်ယောက်အကြောင်းပါ ထရော်မာတွေအပြည့်နဲ့ ကောင်လေးရဲ့စိတ်ကို healingလုပ်ပေးရင်း အနားမှာအမြဲရှိနေပေးချင်တဲ့ Jaydenရဲ့အကြောင်းပါပဲ။ P.S I'd li...