လောကကြီးက ခါးသီးတယ်။ အဲ့ဒါကို အစကတည်းက သိခဲ့ပါတယ်။ ဒါပေမယ့် အဲ့ဒီလောက်ထိ ရက်စက်လိမ့်မယ် မထင်ခဲ့ဘူး။
နောက်တစ်ခါဆို...
နားလည်ပါတယ်... ကိုယ်ချင်းစာပါတယ်လို့... ထပ်တူခံစားရပါတယ်လို့... ဘယ်တော့မှ မပြောတော့ဘူး။
ဒဏ်ရာချင်းတူရင်တောင် အတိမ်အနက်ဆိုတာ ကွာသေးတယ်လေ...
🌻🌻🌻
" ဟိတ်... "
" ဟိတ်... ကောင်မလေး "
မိုးသောက်ကြယ် တကယ် အောင့်သက်သက်နဲ့ ခံစားနေရသည်။ သူ့လို ကောင်မလေးတွေသည်းသည်းလှုပ်နေကြတဲ့ နာမည်ကြီးအဆိုတော်တစ်ယောက်က အဲ့ဒီမိန်းကလေးဆီမှာ အကြိမ်ကြိမ် ချေမိုးခံခဲ့ရသည်။ တွေ့ခဲ့ဖူးတဲ့အျိန်တွေတိုင်းမှာ နေကြာသည် နေသာဦးတစ်ယာက်ကိုသာလျင် အပြည့်အဝအာရုံစိုက်ထားတတ်သည်။ အခုလည်း ကြည့်ပါဦး။ ဒီကလေးမက သူခေါ်နေတာကို အာရုံမရပဲ ထိုင်ပြီး စာအုပ်ထဲမှာ ပုံကိုပဲ သည်းကြီးမည်းကြီး ဆွဲနေသည်။
" ရေဒီယို ကမာရွတ်ကလေး... "
နေသာက ထိုနာမည်ကို ခေါ်ရင် မကြိုက်ပေမယ့် နေကြာဆိုတာကလည်း သူမကို အဲ့ဒီနာမည်တပ်ခေါ်မှပဲ လှည့်ကြည့်တတ်သူ ဖြစ်ပါသည်။
" နေကြာ့ကို ခေါ်တာလားဟင်.... "
" အင်း.... "
ဒီကေည်ဖီဆိုင်လေးထဲ သူမအပြင် နောက်ထပ် ဘယ်သူမှလည်း မရှိတော့တာကို....
" ဘာလို့လဲ.... ကော်ဖီမှာမလို့လား "
" အဲ... မဟုတ်ပါဘူး။ ဒီတိုင်းပဲ.... ခေါ်ကြည့်တာပါ.... "
" ဪ..... "
နေကြာက ပြန်လှည့်သွားပြီး ဆက်ပြီး ပုံကို ဆွဲနေသည်။ တကယ်ဆို စကားပြောချင်လို့ သူခေါ်တာကို... ဒီလို စကားနည်းပုံမျိုးနဲ့ကျ ဘာပြောလို့ ပြောရတော့မလဲ သူမသိပါ။
" ဟိုလေ.... "
ဒီကလေးနဲ့ ရင်းနှီးဖို့ ကြိုးစားတာကို လက်လျော့လိုက်တော့မယ် ဆိုကာမှ သူမက သူ့ကို ကြည့်လာသည်။
" ဘာလို့.... ရေဒီယိုကမာရွတ် လို့ ခေါ်တာလဲ ဟင်... "
မိုးသောက်ကြယ် ပြုံးလိုက်သည်။ သေချာတာပေါ့... သူမ သိမှာ မဟုတ်ပါ။
YOU ARE READING
Sunflower: always long for only one.
RomanceZawGyi code is below. Sunflower met her sun. And a beautiful love story started. Any character in this story doesn't represent anyone in real life. If there's any resemblance, it's just a coincidence. July 20_ October 28 2021
