ဂျယ်ကဆက်တိုက်ဖုန်းခေါ်နေပေမယ့် ငါကိုင်ဖို့မဝံ့မရဲဖြစ်နေတုန်းပဲ။ဒါကိုချာတိတ်က သံသယမျက်လုံးတွေနဲ့ထူးဆန်းစွာကြည့်နေတယ်။ဆက်တိုက်မြည်နေတဲ့ဖုန်းကိုလျစ်လျူရှုထားခဲ့ပေမယ့် message လေးတစ်စောင်ကိုတော့ဖတ်ဖြစ်ခဲ့ပါတယ်။
"ငါ ခဏနေဆိုင်ကိုရောက်မယ် မင်းနဲ့ရှင်းစရာတွေအများကြီးရှိတယ် ဟိခွန်"
စာမြင်မြင်ချင်းတုန်လှုပ်သွားတာ အမှန်ပင်။ဂျယ်ဟာကိုယ့်ကိုယ်ကို ငါ လို့သုံးလေ့မရှိတာကြောင့်ဒေါသထွက်နေမှန်းရိပ်မိတယ်။သေချာပေါက် ချာတိတ်နဲ့အကြောင်း ဂျယ်သိသွားတာလွဲရင် တစ်ခြားအကြောင်းမရှိ။ထိပ်တိုက်ဖြေရှင်းဖို့ကြိုတွေးခဲ့ပေမယ့် ထိပ်တိုက်ဖြေရှင်းမယ့်အချိန်မှာ ချာတိတ်ရှိနေခဲ့ရင်ဆိုတာကို ကြိုမတွေးထားခဲ့မိ။
ချာတိတ်ကို ဘာတစ်ခုမှမကြားစေချင်တာကြောင့် ဂျယ်နဲ့
မဆုံမိဖို့ကိုသာ ကြံဖန်တွေးနေမိသည်။ဒါပေမယ့် ဘယ်လိုလုပ်မလဲ ချာတိတ်ကအနားမှာရှိနေတာလေ။ပြီးတော့ဂျယ်ကလည်းမကြာခင်ရောက်လာတော့မှာ။
ချာတိတ်ကိုဘာလို့မကြားစေချင်တာလဲ?အဖြေကရှင်းပါတယ် ကျွန်တော်ရွေးချယ်မယ့်လူက ချာတိတ်ဖြစ်နေလို့ပဲ။ဂျယ့်ကိုဘာလို့မရွေးချယ်တာလဲလို့မေးလာရင် ဂျယ်က
ကျွန်တော့်လိုလူနဲ့မတန်လို့လေ။
ရွေးချယ်စရာမရှိတော့တာကြောင့် ချာတိတ်ကို အောက်ဆင်းမလာဖို့ အထပ်ထပ်မှာရင်း ဂျယ့်အလာကိုကြိုစောင့်လို့နေခဲ့တယ်။ဂျယ်ကအချိန်တိကျတဲ့လူမျိုးပါ။သိပ်မစောင့်ခဲ့ရပါဘူး။လပေါင်းများစွာချီပြီးလွမ်းခဲ့ရတဲ့ ချစ်ရသူမျက်နှာကိုအဝေးကလှမ်းမြင်လိုက်ရတယ်။သားရေဂျာကင်ကိုဝတ်ပြီး ဈေးကြီးတယ်လို့ထင်ရတဲ့ motorcycle ကိုစီးလာတဲ့ ဂျယ်ဟာ အခုအချိန်ထိသူ့ကိုရင်ခုန်စေတုန်းပဲ။
"ဂျယ်"
ဒီတစ်ခါတော့ ဂျယ်ဟာပြန်မဖြေဘူး။ကျွန်တော့်မျက်လုံးကိုစေ့စေ့ကြည့်ရင်းတစ်ခုခုကိုအဖြေရှာနေတာ။
"ဟက်"
မကြာခင်မှာအကြည့်လွှဲပြီး သူစိမ်းဆန်စွာလှောင်သံပြုတယ်။
YOU ARE READING
BLACK COFFEE IS NOT SWEET (complete)
Fanfictionကျွန်တော်ကြိုက်တဲ့ ဘလက်ခ်ကော်ဖီ။ဂျယ်မကြိုက်ဘူးဆိုတဲ့ ဘလက်ခ်ကော်ဖီ။အဲ့ဒီဘလက်ခ်ကော်ဖီကိုပဲချာတိတ်ဟာ ကြိုက်နေပြန်ရော။
