🎭نكت ليبيه 🎭+2

يارحت العزابيه

الفترة الأخيرة بديت نتعمق في مصاريف الأعراس والشروط اللي يشرطوا فيهم، الواحد ما يندريش مرات ينوض الصبح يقولوله وتي روحك العشية عرسك، على الأقل يكون واتي.

ومن أغرب الحاجات اللي سمعت بيها توا هي حليب الأم، لما قريت المصطلح هذا نحسابه ام العروسة تبي ستيكة حليب ليها قلت عادي وزيادة نجيبولها باكو تمر دقلة تمزمز بيه، حتى هي أم الغالية، لكن الموضوع طلع مش زي ما في بالي، طلع الحليب اللي رضعاته الام للبنت يجي العريس يخلصه!!!!!

تو الشاب المسكين شن دخله رضعتي بنتك حليب ولا رضعتيها حتى جغوم، ومش هكي وبس قالك السعر يوصل حليب الام لخمسة آلاف دينار، ليترا الحليب حاسبينها أغلى من ليترا الراوخ.

وتجي تشوف دكتور زياد عبدالله يقوللهم الرضاعة الطبيعية أحسن، يا دكتور أنت أعزب قاعد وكله بيولي عليك راه لما بتجي تتزوج. 😂😂😂