العالم هذا عايشين فيه اكثر من سبعة مليار إنسان من جميع الأديان والألوان والأشكال والأعراق، الناس هادي كلها مستحيل يكونوا عندهم نفس الطمع والاهتمامات لان ربي خلقنا كل واحد وعنده تفاصيل بروحه، في اللي يكونوا مجموعة من الناس عندهم نفس الاهتمام ونفس الجو ونفس طريقة التفكير، المجموعة هادي لما تجيبلهم حد مش نفس تفكيرهم ح يشوفهم تافهين وباردين، لذلك على الشخص هذا ينسحب ويشوف الناس اللس تفكر زيه وعندها نفس اهتمامه وجوه.
انا واحد من هالعالم ونكتب اللي يخطر على بالي في صفحتي، ما جيتش كتبت في صفحة حد ثاني ولا قلت لحد تعال اقرا بالسيف، في اللي نفس جوي ومشي معاها كلامي وواخدين الحياة على رواق، وفي اللي ما يمشيش معاه جوي وهذا مش عيب لا فيا ولا فيه هو، بالعكس اللقطة عادية يقدر يدير إلغاء متابعة ولا يديرلي حظر ويريح راسه.
تقعد تكتب مبردك ومرزن دمك تحسابني بنزعل ولا بتصيرلي حالة اكتئاب راهو غالط، التنمر والتسهويك تربيت عليه وعندي منه مناعه وما يأثرش فيا بكل، لكن مع هذا ما ننصحكش تكتبه لحد ثاني لان في اللي ما يستحملش في الكلام هذا.
البنت اللي قتلكم بندير معاها عركة علقت على المنشور اللي فات واعطيتها على راسها لانها تجاوزت حدها وهي مسحت تعليقها بروحها لانها عرفت روحها غالطة، انا ما عنديش معاها مشكلة شخصية ولا نعرف من تكون اصلا، لكن هي علقت في الرقبة بس.
لذلك خليكم قنينين وحلوين لان والله ما نحب ندير حظر لحد، الصفحة ليها سنة ونص ممكن وقائمة الحظر قاعدة صغيرة عندي ومادابيا تكون فاضية لكن اللي كلو الحظر تجاوزوا الحد المسموح لأسوء الاخلاق.
YOU ARE READING
🎭نكت ليبيه 🎭+2
Humorنكت ليبيه شن بيكون بنغيركم جوكم نكت تضحك من قلبك تغير جوك تحديات مسابقات تفضل او شوف بي نفسك متخسر شي🙆♂️😹😁
