#ورد_العمر
الحلقة :: 25 ::
محمد: آلووو
زياد: اهلا محمد :)
محمد: انت وين ؟؟
زياد: قاعد في الحوش .. شن في؟
محمد: نبيك تجيني للحوش بعد ساعة
زياد: اوكي تشاو :\
,,,,,,,,,,,,,,,,,,,,,,,,,,,,,,,,,,,,,,
وجدي: اختك شادتلي دسكة تبي تتطلق >_<
مصعب: تي تتطلق الوز .. فوتها خليها تهتري هدا ماناقص توا غير تواطي راسنا وتتطلق -_-
وجدي: اسمعني يامصعب مالاخير انا مانقدرش نتحمل اهانات اكتر من هكي .. تي مش منقص عليها شي بالسياسة تكلمنا مافهمت وشادة زياد وزياد .. بالطرايح تبكي وتقول وينك يازياد .. قصدي انت تتحملها الحركات البايخة هادي !!
مصعب: مالاول انت عارفها تبي زياد -_-
وجدي: لكن ماتوقعتهاش لهادرجة تحبه .. كان هدا خليتهاله واسعة وعريضة -_-
مصعب: علي جتثي زياد ماياخدها >_<
وجدي: علاش تكرهه بس !!
مصعب: قصة طووويلة :(
وجدي: شن القصة الطويلة احكيهالي :)
مصعب: فوتها ياراجل توا .. معاذ جي -_-
وجدي: اصلا ديما جاي في وقته خوك اهوا -_-
مصعب: عارف حتي انا
معاذ: اهلا بنسيبنا .. شني ميار عندنا امالا!!
وجدي: لا والله .. جيت بروحي :)
معاذ: علاش خيرها ماجتش؟؟
وجدي: قعدت في الحوش
معاذ: شن مدايرلها !!
مصعب: وراس بوك خش ماتنفخليش راسي -_-
معاذ: تي باهي باه >_<
وجدي: نفااااخ خوك اهوا
مصعب: عارف .. يدير في الجو يسأل ع اخته -_-
وجدي: ههههههههههه هي خللي نمشو للميناء
مصعب: ايه والله جت النية في المشية غادي :)
,,,,,,,,,,,,,,,,,,,,,,,,,,,,,,,,,,,
ميار قامت روحها بالشويا واتصلت بزياد ..
زياد: ميار شن قلنا احني !!
ميار: تعالالي يازياد وجدي بيقتلني :(
زياد: خيره شن مدايرلك الواطي !!
ميار: ضربني ماخلا مكان الا ضربني عليه .. مش قادرة نوقف يازياد :(
زياد: خلاص حبيبتي ح نقول لعبير تتصل بأمك تقوللها .. انا متأكد انهم ماجابو خبر ليها
ميار: لا ماتكلمهاش .. اصلا امي ماعندها مادير حكمها عند غيرها
زياد: باهي كيف تبيني ندير !!
ميار: تعالالي انت وعبير ارفعوني :\
زياد: كيف هادي ياميار؟ وين عايشة انتي !
ميار: آووووووووووووف يازياد معاش نبي شي .. هي سلامات
زياد: اصبري ياميار ................
سكرت عليه الخط وسكرت فونها .. في بالها ان زياد مش ح يساعدها بس ربي عالم بللي في قلب زياد وشن يحس !
,,,,,,,,,,,,,,,,,,,,,,,,,,,,,,,,,,,,,,,
غيداء مقعمزة تهدرز هي ونسرين لين خش عليها عمها زياد ..
زياد: السلام عليكم :)
نسرين: وعليكم السلام <3
زياد: هي كيف تبوني نساعدكم ؟؟
غيداء: ترا شوف هادي كيف درتها زعمك صح !!
زياد: ترا نشوف :)
كان زياد يشرح ومتعب روحه بس نسرين خاشة لعالم تاني .. خشت في حلم مستحيل يتحقق .. بينما زياد يتكلم هيا مركزة في غمازته ولحيته الخفيفة وابتسامته وكل شي حلو فيه .. ومستمرة في خيالاتها .. حست بيها غيداء نخصتها تفيقها للواقع بس ماجاب نتيجة
زياد: انا بعد ساعة بنمشي لمحمد يعني مش معطل عندكم فجيبولي يللي تبو تفهموه توا
نسرين: عفوا زياد ترا اشرحلي هادي .. (( قالتها بدلع وكانت مركزة عيونها فيه .. وزياد حاااف كأنه كان يلعب معاها في البطش .. هوا صح شاب صغير بس عم صاحبتها يكون والمفرووض احتراما ليه تقول ياأستاذ ع الاقل مش زياد :o ))
استمر زياد في الشرح ومادارش اهمية لآي شي في بال نسرين وأحلامها :\
,,,,,,,,,,,,,,,,,,,,,,,,,,
جيداء روحت لحوش خالها تبكي ومش عارفة هل محمد بيصدقها والا بيعتبرها فاسدة المجتمع !!
رحمة:خيرك عطلتي ؟؟.. وخيره وجهك احمر هكي !!
جيداء: شي نبي نرقد نرتاااااح بس
حليمة: شن في يابنتي !!
جيداء: في شباب قعدو يعجبو فيا :(
حليمة: شن قالولك !!
جيداء: مانتفكرش بس يعجبو فيا .. عادي نتصل بماما :(
حليمة: تفضلي الهاتف :)
جيداء: آهو ينادي .. آلو ماما
ريهام: جودي حبيبتي كيف حالك !!
جيداء: استاحشتكم انا خلوني نروح عندكم بالله عليك :(
ريهام: آسسسس ماتحشمنيش قدام مرت خالك وعقلي بلا خفة عقل .. تحسابي روحك صغيرة -_-
جيداء: علاش هكي باه !!
ريهام: درتيها بايدك .. ويلا اقعدي غادي وبلا دوة فارغة بوك مش متحمل حتي يسمع صوتك >_<
جيداء: معقولة في أم هكي تعامل في بنتها !!
ريهام: اسمعي جيداء مرت خالك ماتعرفش بالموضوع ياويلك وياسواد ليلك تقولي لرحمة .. راهي رحمة كل شي تعاود فيه لأمها وبعدين تولي فضيحتها فضيحة
جيداء: حاضر .. يلا سلامات :(
سكرت جيداء ومشت مدت الهاتف لمرت خالها وخشت لدار تبكي ودرات سبلة انها مستاحشة اماليها :(
جيداء في موقف لا يحسد عليه .. بس كيف ح تطلع من هالورطة ؟؟ .. كيف ح تخلي أهلها يرجعولها زي زمان ؟؟.. باهي ومحمد !! .. صعب يصدقها .. صعب حتي يشوفلها من جديد .. ولا عاد ح يكلمها في الشات !!.. رقدت والدموع غرقو مخدتها وحست بعذاب قوي وكبير عليها .. مش ذنبي والله ماذنبي .. هدا يللي كانت تردد فيه في غفوتها :(
,,,,,,,,,,,,,,,,,,,,,,,,,,,,,,,,
محمد: شي ياراجل خيرك عنكشت !!
زياد: تي باهي خيره وجهك مقلوب هكي متعلم ادس عليا انت ؟؟
محمد: مادسيت شي تعاركت انا وامي والا حتي هادي تبي تعرفها ؟؟
زياد: خيرك تتكلم هكي معاي !!
محمد: زياد وراس بوك جبتك اهني باش تهدرز وتغيرلي جوي مش باش تغملي نفسي
زياد: مانبيش نسكت لين نعرف خيرك ؟؟.. بعدين وين كنت الصبح !!
محمد: في الخمس
زياد: الخمس ؟؟.. شن ادير ؟؟
محمد: ندهور وشفت اصحابي غادي
زياد: عندك صحاب في الخمس ؟؟
محمد: الصبرررررررررررر .. زياد وراس بوك خاطيني هي سلامات
زياد: غير راجي ياراجل نبي نفهم خيرك .. شن الغبي هدا .. حي ع امه كيف سطرب عليا .. تي متعارك انت وامك انا مالي .. حتي فاضي يللي جيته .. خللي نروح خير تستفيد مني الأمة هدا الكلب يقبه الحيط ويوليلي -_-
روح زياد وهوا طايرتله من محمد ..
أما محمد يفكر في جيداء في كل لحظة .. هادي أول بنت تخش لقلبه بس طلعت **** مش ذنبها البنت لو واحد تهجم واعتدى عليها .. باهي كيف بيعرف انها مظلومة ؟؟.. محمد خش في متاهات ليها أول ماليهاش أخر .. محمد يحبها جيداء بس علاش الحظ مالعبش معاه لعبة سمحة !!
قعد يجري بالسيارة ويخبط ع استيرسو .. لين وصل للحوش حط راسه ع ستيرسو ومخنوووق مش قادر يتنفس .. تألم توجع .. صعب هالموقف لما ينحط فيه الشاب .. بس نرجع ونقول شن ذنبها جيداء .. البنت ديما مظلومة في المجتمع .. لانها مخلوق حساس وأي كلمة تأثر فيها يابال موقف زي هدا كيف الواحد بيتعامل معاه ؟.. البنت راس مالها سمعتها وشرفها .. بس اذا ضاع الشرف شن قيمتها البنت في المجتمع .. ماهي الا أقل من وردة ذبلت فقُطِفَتْ فــرُمَتْ .. باهي لو الشرف ضاااع والذنب مش ذنبها .. فــهل تقطف فــترمى علي الأرض !! .. #مسكينة_الفتاة
,,,,,,,,,,,,,,,,,,,,,,,,,,,,,,,,,,
مصعب مشي لميار في الحوش مش باش يرضيها ؟؟ ... باش يزيدها هم ع هم :(
خش عليها في الدار ..
ميار: هيييي
مصعب: خيرك نخلعتي ؟؟.. شن غولة قدامك انا !!
ميار: ياريت جيت غولة اهون وارحم :(
مصعب: اسمعي يابنت .. باش انك تواطيلنا راسنا مع نسيبنا ع خاطر هداك العافن زياد مايكبتهاش ربي .. غصبا عنك رضيتي مارضيتي انتي لوجدي مش لزياد
ميار: -_-
مصعب: ماتسكريش راسك معانا .. انا وخوتك وبوك يد وحدة كان امك بتوقف معاك لا بتزيد لا بتنقص ره
ميار: مالاخير شن جاي تبي توصل ؟؟
مصعب: جاي بنوصلك معلومة حتي لو اطلقتي من وجدي بتقعدي كلبة من كلبات المجتمع مطلقة وشادة تركينتك مستحيل تفكري تتزوجي زياد تمام !!
ميار: للدرجة هادي تكرهه ؟؟
مصعب: اممممم لا اكتر من الدرجة هادي .. تعرفي نكرهه اكتر مانكره الشطان
ميار: عاد الشطان صاحبك
مصعب: متحملك ع خاطر صاحبي بس .. ميار وخيتي خلاااص انسيه زياد مش ليك وياما ناس حبو وعاشو قصة حب بس ماكانوش لبعض النصيب فرقهم :)
ميار: بس مش النصيب يللي فرقنا .. انت يللي فرقتنا يامصعب ياخوي ياسندي في هالدنيا .. شفت كيف توجع !!
مصعب: عارفه مايصلحش بيك .. انا وديتك بالحاجة الباهية :)
ميار: انا نعرفه وجدي والله ماينفع بيا .. وجدي انسان سلبي .. شوف شوف ايديا كيف خلاهملي ضربني امس عندك علم !!
مصعب: انتي طولتي لسانك عليه :)
ميار: ماتوصلش للدرجة هادي .. انت راضي يضربني !!
مصعب: اسمعي ميار ...........
ميار: اسمع مصعب .. بنسألك سؤال بس .. علاش تكره زياد !!
مصعب: لانه حيوان .. والله مايتحشم .. زياد كلمك من ورانا :(
ميار: مش هدا السبب :\
مصعب: تبي تعرفي السبب؟؟
ميار: ياريت
مصعب: كنا صحاب وعزاز هلباااا ... خشينا للجامعة مع بعض في بنت في الجامعة عجبتني راقية وشخصيتها حلوة وقنينة وشاطرة يعني كاملة والكمال لله .. حبيتها للمليوووون وحاولت نلفتلها انتباهها بآي شي بس ماالتفتليش بكل .. ولما وقفت عليها وسألتها قالتلي :: انت لو ادير ماادير مستحيل تكووون زي زياد انا نحبه لروحه النظيفة اما انت مستحيل تكون نظيف من الداخل .. حاول تراجع روحك يامصعب :: كلامها كان يوجع وماقدرتش ننساه .. طوول فترة قرايتي وانا نفكر فيه وكل مانفكر يزيد الكره لزياد اكتر .. صح ماذنباش بس كان ياخد مني كل شي .. كل مانحط ايدي ع حاجة يخطفها مني .. حطيت ايدي ع مشروعي هوا نجح وانا لا ... حطيت ايدي ع تخصص تموين ومصارف قبلوه وانا معدلي منقبلش .. وااااعرة يأختي لما تلقي حد ناجح ومافيش شي زايد عليك .. انتي تعرفيني شاطر وشخصية ويللي يشوفني يعجب بيا انا دون غيري .. بس زياد دمرلي نفسيتي وغلبني في كل شي .. حتي في البنت يللي نحبها ماقدرتش تحبني :(
ميار: انت راجع روحك من الداخل ماتحطش الحمل ع غيرك .. زياد مصفي نيته وقلبه طيب هدا علاش ناجح في حياته .. وأهم شي زياد كان قريب من ربي وكان انسان بار بوالديه .. كون زيه مش تحسده والا تكرهه :(
مصعب: انا حكيتلك علاش نكرهه .. ماقلتلكش قوليلي كيف نولي زيه -_-
ميار: ربي يهديه ماعندي مانقول اكتر من هكي .. وربي ح يعوضني يللي حرمتني منه انت .. وربي يسامحك ياخوي مانقدرش ندعي عليك .. وزي ماقلت ماداما زياد مش ح يكون ليا لتوا ولا بعدين .. خلاااص ح نخلي الولد يعيش حياته وح نحاول نتأقلم مع الوضع المؤسف يللي فيه انا :(
مصعب: ايواااااااااااااه هكي نبيك .. ربي يخليك ويحفظك ويرزقكم بالذرية الصالحة :)
ميار: :\
باس ع جبين اخته: سامحيني وخيتي . ربي مايحرمنا من طلتك .. هي نوضي بدلي نرففعك لأمي مستاحشاتك :)
ميار: بجديات !!
مصعب: ايه هي انا بنراجيك في السيارة <3
ميار: اوكي :)
,,,,,,,,,,,,,,,,,,,,,,,,,,,,
محمد فتح الفيس ولقي جيداء مسكرة ومافتحتش بكل اليوم .. ماعنداش رقمها مايقدرش يوصل فيها :(
,,,,,,,,,,,,,,,,,,,,,,,,,,,,,
عبير: ربي مايحرمني منك ياغلاتي <3
اسعد: ايه حبوبتي شن وتيتي للعرس؟
عبير: ماازاااال شهر بطوله ههههههه
اسعد: ووووه شن بيفوته :\
عبير: يفوت يفوت غير اصبر شويا بس :)
اسعد: هي حبيبتي خليني نمشي نشوف العمال شن دارو في الحديقة :)
عبير: حديقة شنو غلاي ؟؟
اسعد: سرررر مفاجأة مستحيل نقولك ههههههه
عبير: خززززي مشناااااااااااك .. هي برا هي :)
اسعد: سلامات :)
,,,,,,,,,,,,,,,,,,,,,,,,,,,
مــــر اسبــــــــــــوع ::
#زياد مازال الوجع مااختفى .. الابتسامة اختفت .. سافر ويتمنى يرجع يلقى ميار حرة وتكون حلاله :(
#عبير تسلل الحب بالقوة لقلبها .. وهيا واسعد امورهم عال العال <3
#جيداء مافتحت الفيس وخشت في حالة لا يرثى لها .. امها ولا بوها معاها .. حتي في قرايتها نزل مستواها .. وحست بشعور حلو اتجاه محمد بس مش ليها محمد :(
#محمد يوماتي يفتح في الفيس ويشوفها مايلقى شي خاف عليها وخاف يسأل عليها يفهمه زياد غلط واساسا ليه اسبوع ماشافاش :\
#غيداء امورها تمام في المشروع وحطت طموح وهدف قدامها معاش شافت غيره :)
#نسرين بدت تلعب في لعبة كبيرة عليها :o
#ميار مسكينة ميار ماشي صار جديد .. غير انها كل ماتقول كلمة حق يضربها وجدي ويعاقبها ويحرمها ولحد الان مرته ع الورق وبس :(
#مصعب كما قال في قصته ويللي طلع كرهه لزياد منذ الصغر :(
,,,,,,,,,,,,,,,,,,,,,,,,,,,,
محمود: انا معااااااااااااش دخلي في حد نبي ورثي ني حقي يااااااااااام خيرنا عاد >_<
مريم: ياولدي غير اسكت واهدا خيرك تلعلع الجيران تسمع :(
محمود: مادخليش فيهم .. انا نبي فلووووسي توا تعطووووني فلوووووووووووسي
مريم: شن تبيني نبيعه الحوش توا والا كيف ؟؟.. راجي لين خوتك يروحو وتفاهم معاهم والله عيب عليك :(
محمود: آووووووووووووووف آهي تقعميزة هي
مريم: لا حول ولا قوة الا بالله .. خيرك ياولدي شن جاك ؟؟
محمود: كل مانجيبها مرتي اهني تسمع في كلام يسم البدن انا نبي نفهم علاش تكرهوها علاااااااااااااش !!
مريم: مني يكرهها بالعكس زي بنيتي :(
محمود: معاش تكذبي عليا تسمعي فيا ولاه .. نبي فلوسي بنطلعها وبنسفرها وبنعالجها وبنسكنها وبن ماتبي وبنعيشها احلى عيشة وخللي نساوين ولادك يموتو قهر منها
مريم: عيب ياولدي هالكلام
محمود: عيب ع اللي مايعرف العيب .. اسمعيني الاخير ياحاجة الفلوس غدوا بنجي وبناخدهم . ماتبوش تبيعو الحوش ماتبيعوشي لقطو بينكم وبين بعض واعطوني فلوسي تمام !!
وطلع من غير مايسمع امه شن تقول .. ع خشة عبير للحوش كانت في الصيدلية ..
عبير: حي محمود عندنا ؟؟
محمود: تي حولي من قدامي >_<
عبير: :\
خشت لامها لقتها مقعمزة ع الكرسي تبكي :(
عبير: شن في يمة !!
مريم: خوك بيقتلني ناقصة عمر يابنتي :(
عبير: شن يبي !!
مريم: يبي فلوسه وورثه :(
عبير: مصح وجهه هالمسخ وين يبينا نمشو ؟؟
مريم: حقه يابنتي حقه الله غالب .. انا مالاول مفروض خليتهم ياخدو حقهم الغلط مني :(
عبير: لأمتى بتقعدي تحطي في اللوم عليك يايمة .. خلاص اهدي معاش تفكري في شي تو صالح يجي يتفاهم معاه هاللي مايستحي يخش ويعيط ويطلع .. ماتلقيها غير هديكا العافنة معبيتله راسه :(
مريم: آآخخخخ ياغيبتك عليا ياعليوة :(
عبير: الله يرحمه ويوسع عليه يارب :(
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
نهلة: والله سمعته بوذاني
ريهام: حي تي حتي صالح ماقالها يللي عنده عويلة كبار وقاعد في شقة :\
نهلة: الله غالب احني الفئة المظلومة في المجتمع ههههههه
ريهام: والله مايتحشم .. شن قال تاني قوليلي قوليلي ؟؟
نهلة: قال بنموتهم قهر نساوين ولدك هئ يحسابنا حق فاضيين غير بيها :\
ريهام: نهاره الاحرف غير يروح صالح والله لما نوصله الكلام يللي قلتهولي بالحرف الواحد :\
نهلة: حييي نهارك الاحرف تقولي نهلة قالت .. فكيني منه علاء مش ناقصة :\
ريهام: هههههه ماتخافيش .. ايه قولي ماقالولك شي ع الجنس ؟؟
نهلة: قالتلي الدكتورة وليد والله اعلم :)
ريهام: ايه وليد احسن شن بديري بيهم البنات .. يقولو فيها الناس الاولة (( هم البنات للممات )) :)
نهلة: علاء يبي وليد بالنسبة ليا يللي يجي من ربي يامحلاه :)
ريهام: انا غيداء وجيداء كان يجي من يخطبهم لما نحدفهم طووول ياسر عطلو ههههه
نهلة: حرام عليكم وحدة 22 والتانية 18 صغيرات !!
ريهام: انا تزوجت وعمري 15 شن تقولي انتي
نهلة: زمان مش زي توا عاد
ريهام: ايييح غير بنات توا يبو يسوقو ويبو يخدمو ويبو الببي الزاااايد والدلع والتلسوين .. فكيني تراه :\
نهلة: ههههههههه خللي نمشي نشوف غداي ع النار :)
ريهام: تعالي تغدي عندي بعدين :)
نهلة: ايه حق خللي نجيك خير ماننزل لعبير المنكدية وراهي توا اللآي منكدة حتي هيا ع خاطر ولدها :(
ريهام: ايه تعالي اهني وخلاص بلاها سيرة النكد دي ههههههههههه
نهلة: هههههههههههههههههههههه
,,,,,,,,,,,,,,,,,,,,,,,,,,,,,,,,,,,,,,
#Dudu
