سلسلة عشق الرجال الجزء الثالث من رحم للايجار)))
((حب الفرسان))
((البارت الرابع والستون))
🌹بقلم ريحانة الجنه🌹.
قبل البارت ومن غير زعل اللي مالهمش تفاعل علي البارت ده والبارتات اللي جاية هيتفلتر اول بأول البارت لو مش بعدد الاعضاء يبقي اسفة مافيش اعذار لاننا تعبنا كلام وتنبيه ومش عارفة ايه الصعب في لايك وكومنت بصراحة انتم اللي بتصعبوها مش احنا✋✋
******
كان سايق عربيته من المطار من وقت وصوله بجنون ..وقلق وخوف وبسرعة رهيبة لحد ما وصل المستشفي ودخل الغرفة وشافهم كلهم منتظرين في الاستراحة والحزن والقلق علي ملامحهم!! قلبه انقبض اكتر وابتلع غصة حزن ببطئ..
قامت بلهفة وجريت عليه ورمت نفسها في حضنه بحزن وإنكسار ..وكأنها لقت الآمان أول ما وصل وكأنه هو اللي ابوها مش هي اللي أمه!! أيوة هي امه حتي لو كانت مش هي اللي ولدته!! لكنها امه اللي سهرت وربت وإهتمت ...
أكمل ضمها بحنان وخوف : طمنيني هو حصله إيه !!
ريما خرجت من حضنه بحزن وهي بتبكي: تعبان اوي يا أكمل مروان بيروح مني... أنا هموت لو جراله حاجة قلبي مش هيتحمل ...
أكمل غمض عيونه بحزن وخوف واخد نفس طويل بيحاول يتمالك نفسه ويستقوي: انا عايز ادخل اشوفه عايز اطمن عليه!!
أكمل الجد قام بهدوء وقرب منه: مروان في العناية المركزة يا حبيبي مش جوا لان حالته حرجة شوية اخرج روح لسامر وهو هيطمنك عليه...
تسنيم قربت منه بدموع: عامل ايه يا حبيبي وحشتني اوي يا أكمل !! مالك شكلك تعبان ومرهق كدة ليه!!
أكمل الجد بضيق: يعني يا تسنيم واحد جاي من دبي متصربع وخايف علي ابوه عايزاه يبقي وشه مورد والدموية بتنطح منه!!؟
تسنيم بعصبية: الله !! انا عارفة انه خايف وقلقان علي أبوه ماقولتش حاجة!! لكن انا قصدي حالته بشكل عام مش مظبوط !! انت مش واخد بالك الولد شكله ايه!! مش شايف خاسس وممأوت ازاي!! ولا الكبر والنظر اللي ضاع مش مخلينك تشوف كويس!!؟
أكمل الجد بضيق وتأفف: يارب صبرني!! يا ستي انتي هو ده وقته!! ما تخلينا في اللي إحنا فيه !! الراجل بيموت جوا وانتي تقوليلي خاسس وممؤت!!
أكمل قرب من جدته قبل ما ترد علي جده بأي كلمه علشان ينهي النقاش اللي مش في وقته ولا مكانه!!
أكمل بتعب: أرجوكي يا ناناه كفاية !! جدو مش قصده حاجة هو بس قلقان علي بابا شوية ..وانا حبيبتي كويس وزي الفل شوية تعب في الشغل بس وارهاق وقلة نوم مش أكتر... المهم عن اذنكم هروح اطمن علي بابا !!!
خرج أكمل بسرعة ..اما تسنيم التفتت لأكمل بضيق: افهم بقي مالك مش بالع ليا كلمة ليه !! ومتعصب كدة وبتخانق دبان وشك!!!
