قبل البارت انا بس بنبه تاني ياجماعة علي التفاعل هنا علي الجروب التفاعل في وتباد افضل من هنا بمراحل واظن اقل تقدير انك تقرأي وتعلقي بلايك وكومنت الموضوع مش صعب نهااااائي بجد وحقيقي التفاعل علي البارت ده بالاخص هيحدد اذا كنت هنزل الفصول اللي جاية هنا علي الجروب زي وتباد ولا لا ..!!
وكمان تنبيه مهم !!؟ ممنوع الفصول اللي بتنزل وتباد اي حد ينقلها اسكرينات لاي حد نهائي حتي لو نزل علي الجروب ممنوع حد ينقله برا الجروب الا بموافقتي او موافقة الادمن وده مافهوش عذر ولا كلام لو حصل همنع اصلا الفصول وتباد وهنا واظن ده حقي وتعبي ياريت نحترم بعض من فضلكم ✋✋
(((سلسلة عشق الرجال الجزء الثالث من رحم للايجار)))
((حب الفرسان))
(( البارت السبعون ))
🌹بقلم ريحانة الجنه🌹..
كانوا كلهم متجمعين حاوليه في مكتبه بترقب وفضول للسبب اللي جمعهم ليه فجأة ...!!؟
رعد كانت عيونه عليهم كل واحد في مكانه چواد ..ريان .. أكمل ... ياسو ...سامر ... فارس ..!!!؟
رعد اتنهد بتعب وارهاق وحمول كتير كبيرة فوق طاقة اي بشر!!!
رعد : انتم يمكن مستغربين ليه جمعتكم النهاردة !! العيلة دي يا رجالة ما كبرتش كدة في يوم وليلة ولا رعد الحديدي اللي بناها لوحده !! لا طبعا مستحيل اللي كبر العيلة دي والكيان ده كله الرجولة والقوة والصحبة والعهد اللي كان بيني وبين اجدادكم ومن بعدهم ولادنا واللي من بعدهم الدور جه عليكم انتم !!
انا وعدي ومهاب وأكمل ومروان الله يرحمه كنا مش مجرد اصحاب وشركاء وبس لا !!! كنا اخوات وكيان واحد من غير تفرقة...!! الظروف والايام والقدر جمعونا سوا لحكمة من عند ربنا ..!! من وقتها وبقينا عيلة كبيرة ...مهما اختلفنا مع بعض ..مهما غضبنا من بعض...مهما أي مخلوق حاول بشتي الطرق يفرق بينا ويفرق شملنا !! مهما حصل كنا واحد ودايما في ظهر بعض !! مافيش واحد مننا في يوم احتاج لشئ وحد مننا خذلوا او تنكر ليه !! بالعكس كنا دايما في الشدة اقوي واقرب من الفرح !!
احنا كبرنا يا ولاد وكمان ابهاتكم كمان كبروا لكن انتم اللي لسة هتبتدوا !! العيلة دي لازم تكمل وتكبر بيكم !! عايزكم دايما ايد واحدة ...اخوات واصحاب وشركاء !! في كل شئ!! الشغل...المشاكل ...الازمات...
المرض...الفرح ..كل شئ تكونوا فيه سوا!!
الفترة اللي فاتت كلنا انكوينا من وجع وأزمات تهد جبال !! حازم رشدي كان دايما بيحاول يكسرني بيكم ويوجعني فيكم ..!! يمكن نكون قدرنا نعدي ونتخطي كوارث ومصايب كتير من اللي اتسبب فيها حازم!! لكن للاسف اللي جاي اصعب !! والضربة الاخيرة وجعتني اوي!! وجعتني بقوة !!
رعد سكت من الآلم اللي جواه علي همس !! ولاول مرة يتمالك نفسه بصعوبة من دمعة تخونه غصب عنه!!! قصاد أي مخلوق غير همس ..!!
چواد قرب منه بخوف وقلق من هيأته الحزينة وصوته المكسور !! قعد قصاده علي ركبته بدهشة وضم قبضة ايده بقوة !!
