شرار الفجر

بارت (١) بيت العز

🍀QABAS ADAM🍀
الساعه (٦) الصبح
وهذا الوقت اكون كل يوم بالحديقه برغم من صغر حديقتنه بس عشق اعشق النباتات واهتم بيهم واداريهم واحس من تطلع ورده جديده اكون اسعد وحده بالعالم ومن تذبل ورده اموت قهر عليهه وافضل مكان اروح اله وي بابا وماما هو المشتل وبابا خربان ضحك عليه يكول البنات تدور مولات مطاعم انت ماكو ببساطتك واني اتذكر سوالف بابا برغم الجو بارد واحنه بشهر (١٢ )ولابسه روب بس اطلع الكط بيهه وارتب بيهه ويوميه على هالمنوال اكعد ب(٦ )الاربع ابدل ملابسي لان احب البس بالنوم دشداشه قصيرة والبس تراكسود واغسل وافرش اسناني واتوضى واصلي وبعد الصلاه افتح شبابيك البيت وابوابه لان اتذكر بيبي الله يرحمهه ام ماما كانت تكول الملائكه بعد الفجر توزع الارزاق ولازم نفتح الهه الشبابيك والبيبان وماما تحجي تكول ثلجنه ماما اني مشغله الصوبه وانت تفتحين الشبابيك وبعد شويه اسدهم واطلع لحديقتي ارتبهه ومرات اسقيهه لان بالشتا متحتاج هواي ماي وبابا يرميه يطلع لصلاه الفجر بالجامع ويبقى يقرا قرأن لحد متصير الدنيا ضوا ويصير حركه بالشارع يروح يجيب صمون ويجي للبيت ودائما يدخل ويبتسم من يشوفني كاعده بالحديقه ضحك بابا مثل كل يوم وكال سبح الورد الجوري بنيتي بابا بارده عليك شنو هنه بناتك هالوردات ليل ونهار حانيه ظهرك عليهن كمت ورحت بحضنه وبسته وكتله صباح العسل والورد يااحلى بابا بالدنيا ودخلنه وهو حاضنني بيتنه مو كبير مرتب كلش وجديد بابا بناه على ذوقنه اني وماما حديقه صغيرة وكليدور صغير بيه بابين اليمين للخطار كبيرة اكبر غرفه وقليل نستخدمهه بس للخطار واحنه خطارنه مو هواي وعلاقاتنه معدوده وعلى اليسار باب الصاله الهول يعني مربعه بيهه تخم وبلازمه وطبلات ونازكه كلش ومنهه اكو تقريبا (٣) درجات كبار عريضات تصعد كدامهم المطبخ يعني ماكو باب يفصلهم مباشر ببدايه المطبخ ماما كاعده على ميز الطعام والصوبه مشعوله وعليهه قوري الجاي والمطبخ ريحته جاي مهيل وانواع الفطور على الميز وبابا بايده علاقه الصمون والجو روعه والمطبخ دافي وماما ذواقه مشغله فيروز ونتريك على هالمنوال يوميه هذه طبيعتنه يوميه بصلاه الفجر كل البيت كاعد وبالطابق الارضي غرفه نوم بابا وحمام وفوق غرفتين وحده الي وحده فارغه مرتبيهه للخطار وحمام بيت حلو مرتب ونازك وهاديء تذب الابرة تسمعهه لان اساسا بس اني لبابا وماما خلي احجيلكم عني وبعدهه احجيلكم شلون تعرف بابا على ماما اني اسمي فجر بابا سماني فجر لان جيت كلش بيضاء وبليل فشبهني بابا بالفجر وهاي الصورة جوا صورة فجر