شرار الفجر

بارت (٢٣) الحياة في المعتقل

🍀QABAS ADAM🍀للكاتبه
وجود فجر ببيت الحاج نعمان وحياتهه الجديده والمجهوله خايفه منهه كلش ومرعوبه لا تعرف اطباعهم ولا طريقه حياتهم ولا شنو المفروض تتصرف وياهم وتحس بنفسهه داخله حرب بدون اسلحه بقت بالفراش وسمعت حركه بعد صلاه العصر لان كان الكل نايم وبقت ممده بالفراش تستحي تتحرك دخلت ام شرار وهي شافتهه وكعدت عدلت نفسهه مستحيه منهه ام شرار كالتلهه خليك نايمه يمه اخذي راحتك هي جاوبتهه لا خاله منايمه ردت عليهه اذا تريدين كومي يمه ماكو احد طبي للحمام او تعالي يمي للمطبخ احضر العشا جدك وي اذان المغرب لازم مادين السفرة وميقبل نتاخر من اهل قبل او روحي كعدي يم جده زكيه هي كامت وكالت لا خاله اجي وياك للمطبخ ام علي هم بالمطبخ ابتسمت وكالتلهه قصدك نيران لا يمه راحت لبيتهه صار هواي رجلهه عايفهم وهي يمنه بس يجون عشاهم هنا لان صار هواي ما ملتمين تعالي وياي وتعلمي علينه احسن هي بسرعه عدلت شالهه لان ممتعود على الحجاب لفته و كانت لابسه دشداشه سودا عريضه ومستورة وشال اسود طلعت ورا ام شرار ودخلت للمطبخ والمطبخ يكون كدام الصاله وكامت تشتغل ام شرار وهي خفيفه وشاطرة ونظيفه كلش وفجر تراقبهه وتحاول تساعدهه بس متلحك عليهه طلبت تساعدهه وكالتلهه خاله خليني اساعدك ابتسمت بوجهه وكالت شتعرفين تسوين تعالي غسلي على ايدي المواعين واني اطبخ اللي عرفته انت بس هالوحده لامك وابوك اكيد مدلله مو مثل شغلنه احنه عائله كبيرة صح بالبيت قليلين بس خطارنه هواي وطبخ وجدرنه كبير وهالتشوفين حتى العشا لازم تمن وطبخ عمي الحجي نعمان يكول التمن والمرك بيه بركه واي ضيف باي وقت يجي خير هواي ميقبل نواشف وخفايف لان يحب الخطار ودوم عدنه خطار ابتسمت الهه برغم حاولت تخفي دموعهه من ذكرتهه باهلهه ودلالهه جاوبتهه اي صح الله يحفظكم اني ماما وبابا بس واكلنه قليل ومرات عشانه مقبلات او فاكهه ضحكت وكالت يمه مبين من جسمك ابتسمت فجر وكالت ماما وبابا هم نفس جسمي ردت عليهه الله يحفظهم والله لو عليه هم هالشكل اسوي عشانه بس الحجي والحجيه متعلمين على هالاكل ولازم اطبخه بقت تسولف وتشتغل وياهه تغسل وتنظف بالمطبخ وتسوي مقبلات وام شرار طبخت تمن وتبسي باذنجان بالفرن وكلت كبه وكباب وتطلع وترجع من الباب المطبخ الثانيه اللي متعرف وين تروح سألتهه بالرغم هي مو فضوليه ومستحيه منهه خاله وين دتروحين ابتسمت وقالت بنيتي الدجاج داشوي بالتنور مال الحطب واخاف يحترك وكل شويه احركه هي كالت الله حلو عدكم تنور الحطب ضحكت وكالتلهه اي والصبح اخبز علي ورا اذان الفجر جدك يحب يتريك منه هي ابتسمت براحه لان تقولهه جدك تحسسهه هي منهم مو غريبه ردت الله يقويك وعاشت ايدك ردت عليهه هالعشا علمود طبتك علينه وهسه دجاج على الجمر صار يهبل بس مو ما تاكلين واني تعبت حبت تخليهه تاكل ومتستحي هي جاوبتهه لا اكل اصلا احب الدجاج على الفحم كلش وردت عمتهه كالت اصلا صار كم يوم البيت كله ماله نفس اليوم رجعنه التمينا نوعت وكثرت بالاكل خطيه نغير جو ونرتاح قلوبنا مفركسه والله هي تنهدت وسكتت ورجعت تشتغل وهي سوت تبوله وحمص بطحينه وطلبت من عمتهه تشوي الباذنجان بالتنور حتى تشوي بابا عنوج لان هي شاطرة بالمقبلات الطبخ متعرف عنه شيء ودخلت نيران وسلمت مبتسمه وبايدهه ألق بنتهه وكالت الله شهالابداع شنو هاي وامهه ردت هله يمه هااااااااا قصدك على شغل فجر اي خطيه من اذان العصر لسه تشتغل ايدهه وايدي سوت زلاطات وتنظف ردت نيران عاشت ايدهه واضح كل مرة اجي ينكسر ظهري بالمواعين جيد جتي وحده تساعدني ابتسمت بفرح على كلام عمتهه وردت لنيران تدللي اني اساعدك بكل الشغل واسوي مقبلات وحلويات متعلمه من ماما بس الطبخ ما اعرف ابتسمت وكالت معليك بالطبخ انتي سوي مقبلات شغلك احلى من المطاعم واني وامي نطبخ هالمقبلات الله وكيلك منضوكهن غير بالمطاعم ومنشبع منهن وياريت هم تسويلنه حلويات بعد اهل بغداد تخبل سوالفكم ابتسمت وردت عليهه تدللي والله اسويلك كلشي اعرفه بدت نيران تساعدهم وترتب الاكل وفجر ترتب بالمقبلات وتستحي تخليهم بالثلاجه لان تستحي تفتحهه حست بيهه نيران وكالت عيني هذا صار بيتك تحركي وتصرفي شلون متردين هي ابتسمت براحه وفتحت الثلاجه وبدت ترتب بالمقبلات شافت كميه كبيرة برتقال وجزر ابتسمت وكالت لام شرار خاله اسوي عصير اكو برتقال وجزر ردت عليهه بابتسامه يمه سوي اللي يعجبك ياريت طيب العصير الطبيعي احسن من الببسي ذبحونه بيه ابتسمت وطلعت جزر وبرتقال وليمون نيران كالت شنو راح تسوين (٣) انواع ابتسمت الهه وردت عليهه لا اسوي كوكتيل اكيد يعجبك ردت يله نشرب ونشوف بس لتجربين بجده زكيه ترة تكسرك بعصاتهه ابتسمت و كالت لا ببيتنه كل يوم اسوي الصبح مفيد وطيب غسلت الجزر وقشرته والبرتقال والليمون هم وخلتهم بالخلاط سوت كميه كبيرة وخلتهم بالثلاجه حتى يصير بارد صارت حركه والكل راح يصلي وهي بالمطبخ بقت تنظف الخلاط وشغلات العصير وتريد تروح تصلي نزل شرار وهو يبوس بألق ويكول لعلاوي ابن اخته خالو ابوك وين مد راسه للمطبخ وبسرعه عقج حواجبه وطلع مضجور ويصيح وينك نيران هي بقت متيبسه متحركت خافت كلش منه الوحيد اللي يباوعلهه بقسوة وتخاف من نظرته نيران وامهه ديصلون دخل كال قبل الله ردن عليه قبل الله اعمالك كال شنو ممسوين عشا مو ابو علي هسه على جيه وعماتي هم كالت نيران افا عليك ام شرار عشاهه كامل لا واليوم مقبلات بغداديه بعد هو عقج حاجبه وطلع كال لعد رجلك وين تاخر ردت عليه وهي تمشي وراه ميتاخر
كال اسبح واجي وراكم رجعت دخلت للمطبخ ودخلت عمتهم ام ايهم وسلمت وكعدت على كرسي ميز الطعام بالمطبخ وكالت اخذتني النومه ما جيت من وقت اعذرني حبايب ام شرار ردت يخيه ما عدنه شيء وهالبنيه وتاشر على فجر ساعدتني خطيه ما قصرت وهي تباوع على المواعين ودترتب بيهن فجر وتتفن بشغلات بالطماطه والخضرة والخيار وهي كالت خيه اليوم عشاكم جنه مال مطاعم ضحكت نيران وكالت اني هم هيك كلتلهم دشوفي مقبلات بالثلاجه واليوم عصاير طبيعيه مدللتكم البغداديه اليوم ردت ام ايهم عاشت ايدهه والله اللي يشوفهه يتفاجيء بشغلهه هي ابتسمت وكالت شكرا عمه بس ترة بس بذني بالطبخ كلشي ما اعرف هي كالت ذني كافي اني اليوم ما اريد غير عشه البغداديه كوله ام علي ابتسمو والجد صاح اليوم خذتجن السوالف مو جن عشاكن تأخر طلعت بسرعه نيران دخلت وبايدهه السفرة ودخل وي دخلتهه للصاله رجلهه وسلم وبدت هي وابنهه علي تشيل وترتب بالسفرة دخلت عمتهم اقبال وبنتهه سلمت بسرعه نزلت على السفرة ونقلو الاكل كله ورتبته وتعمدت نيران تخلي المقبلات كدام شرار وجدهه نعمان حتى ياكلون من ايد فجر بعد ما الكل كعد على السفرة بقت هي بالمطبخ وتستحي تروح صاح الجد جدي فجر تعالي تعشي يا جدك صرنه اهل وهذا رجلك وهذا ابو علي اخوك تعالي يابه تعالي هي توترت شالت دولكات العصير الاثنين ودخلت بس شرار عصب وعيونه نار مو من جيه فجر لا من كلمه رجلك استفزته بس سكت ودنك سلمت والكل رد الجد وهو يمد ايده كال جن اليوم اكلكم مختلف غير شكل طفرت بالحجي نيران وكالت هاي سوالف فجر هي رتبت العشا وسوت مقبلات جدي ضوكهن عليك الله مو جنهن مال مطاعم الجده كالت انطوني اضوكهن واذا ما عجبني هي كلهن تتعشا بيهن ما خلت غراض المطبخ كله خلصته اكلت وكالت يول عليوي انطيني من هذا وهي تشوفه حمص بطحينه وتكوله يم امك ما تريد يمضروبه هذا صدك طيب عمي بعد اريد منه خالات لطعه بالماعون ضحك الجد وكال لموهن لجدتكم اليوم للصبح متنام من كد الاكل ردت مو احسن من اكلنه تمن ومرك ملينه والله ملينه عمتهم اقبال كالت هو بيش يضحكن على الزلم بالملاعين الجد صاح اقبال خلينه نتعشا براحه لو لازم نتسمم ايهم غير الموضوع كال عمي هذا الدجاج المشوي وي البيتنجان عجب والله عاشت ايدك اخيتي ندسه شرار وكاله اكل وانت ساكت هو ابتسم وكال اخيك والله مطعم خمس نجوم لك عمرك نسوانه جابن الدجاجه هيك مزينه اللي تكول عروس يجيبنهه التكول مطلكه راكضه لمن عجزانه وشامراتهه بالماعون لك شوف الطماطه والفجل والخيار التقول باقه مال ورد هاي اول يوم هيك الجاي ربك يستر منه خزره شرار وكال داكل ابو بطن هذا الفالح بيه وهو يخوزر بيه هو صح عجبه شكل الاكل وطعمه بس ما حبه لان هي مسويته وانزعج لان الكل ما عدا عمته اقبال تقريبا راضي عليهه وبوجودهه وهي عمته اقبال مترضى حتى على امه اللي كل الناس تحبهه بس حس عدهه كيد وخبث لان سوت الاكل وخلتهم كلهم يحبون شغلهه وكسبتهم وكمل عشا وكام غسل اول واحد وهو يغسل ويفكر شلون هالكد صغيرة وهيك عدهه مكر وفرتهم باول يوم اندار وشافهه كامت اول وحده وشالت بايدهه مواعين اللي كدامهه ودخلت للمطبخ هو كعد على التخم ويكلب بالقنوات وجده كال هذا العصير يبه فاخر شزينه منهو اللي جابه ضحكت نيران وكالت جدي هاي فجر سوته وتسمي كوكتيل تصدك حطت جزر وبرتقال وليمون وهو يقول عاشت ايدك يبه وهي جاوبته بهدوء عافيات جدو هو ابتسم الهه كام ابو علي وهو يكول اكرمكم الله وعاشت الايادي الا والله اليوم صدك عشاكم غير شكل ويغمز بحواجبه لشرار اللي خازرة ويريد يطشر الريمونت براسه لان تذكر عصير الرمان اللي مرته مرته كانت تسويه وشاط اكثر و بنت عمتهم اقبال كالت جدي اذا تريد اني اسويلك هذا مثل الميزو اللي بالسوق هو هز براسه وكال يصير خير يجدك جده زكيه ردت عليهه وكالت عمري ما شفتك سويتيلنه قنداغ عاد مثل هذا وهي تبتسم واقبال كالت يمه شجاك فرتك بهالزلايط ام شرار كالت الف عافيه يابه ينتظركم جاي ام علي المهيل بالتنور كالت هيك تريد تسد النقاش لان تعرف اقبال عكرة ومتسكت نظفت فجر ونيران المطبخ وام شرار اخذت الجاي وكملن المطبخ وهي تحاجيهه وتسولف على عمتهه تنبهه ديري بالك عمه اقبال صعبه ولا تحتكين بيهه وببنتهه وهي اصلا كامت غسلت ورجعت كعدت وتعدل بشالهه وتلعب بالتلفون المطبخ ما دخلت بيه اساسا

............يتبعععععععععع
اذا عجبتكم ياريت متنسون التصويت⭐ والنجمه شكرا الكم
🍀QABAS ADAM🍀للكاتبه